Oto dammittaneeyye mehaddaassin kalsada ka surraappa hidada ka xopaassin kalsada ka uleetaayshin harkoppa qapada ka jarjartan dama; sede xaysonessuma a qaran tarpeeta a Yaahiwweey.
Kuyyaase ka kuyyaata a matte oorsanittan ishina koddita; akka kuyyaase xeltada itturopa deena piisa karaayye xaysonessuma a hasa in qapnin a Yaahiwwe kodattan ka ulfeessitan.”
Tin eta, a xayso nessuma a qaran tarpeeta a orra Yihuta tura desa Yesuusi ka saateta a oppa piisse' diisho ka Waaqa Aappa kapopa aano, akkima kayte upnaade ka isasene xaadi kodde piita qara ca jaalade. Ka haka piraampirati ishootta jaalade.
Sekkammaayyeew akka maxxaadi kara halaamo'e, pora a Yaahiwwe Waaqaayshin reexanno oppopa waan anti ishin ajajna piisa, kalisowwaassin a kupanna ka kalisowwaassin a pila ka daassawwaassin a harka kudan oppa takka ka daassawwaassin isho kalisowwaassina a Yaahiwwe xasa daasattene eeyyepan deetan.
Ma xoori ke isho hellaatti a diira ka a tuparra ka orxayaatti a diira ka a tuparra ka Lawaata a katamaatti oppa kalto ollin, pora a Yaahiwwe Waaqaayti reexanno oppa'e, fuula a Yaahiwwe Waaqaayti tura damtan; ka wa kodattene piisan xasoottan.
Xaysonessuma a qaran tarpeeta ka a fera isho a shaakka oppaayye, diira piisa porase a isha reexade oppopa fuula a Yaahiwwe Waaqaayti turopa paroppa sessaanne dehaattan ka oto fuula a Yaahiwwe turopa dehaannittooyye harka luleetin in dehaadan.
Hiliqaana para mina'e Waaqa Poqalla we piisa ettaninno saksatta'e ka kalisoota ishi kalissa'e katamaadi kara xaani ka Seelopa anni. Sitiiyyi hellaa Eeli lakki Hofini isho Finihaasi Seelo karaayye qeesewwa Waaqa.