Luqaasi 2:4 - Mataafa Qulqulloota

⁴ Yoosefi nefo, qoota sanynyeeta Taawwiti oppa dalade malla, katamasene a Naasirati piita Kelila kara caatiiyyi xa'e ka Peetelehemipa katamasene a Taawwiti piita Yihuta kara ca opa kale

Luqaasi 2:4 ပူးပေါင်းရင်းမြစ်များ

Mataafa Uumata 35:19

Sekkammaayye Raaheeli eennow toote. Ka pora katamasene a Efraata isasene ammaayye Peteli kidamma opa anno kapa' hawlamte.

Mataafa Uumata 48:7

an piita Mosoppotaamiyaati piita Kene'aani opa tiitaawno ka Efraata kapa foolsadeeyye, aayyaassin Raaheeli poroppa'e ana qara' toote. Anka porose a Efraata (isase Petelehemi kidamte) opa anno kapa ishetta hawlade.”

Xuuma Mikkiyaasi 5:2

Waaqa ikiini, “Atti ke a piita Efraata kara kitto Peteleheemi, kadi punu kantada a Yihuta oppa shakkatte nefooyye, a xattati paayyatte haka paraparati'i, a saara koddo ka Isira'eeli mukshon keppaayye xaasha.

Maatiyoosi 1:20

Ma xoori isha a sede dikattappa cooyye, erkampattoota a Poqalla olsaan ishi akkaatte ka ishi kiite, “Yoosefi ke a sanynyeeta Taawwiti kodde, Maariyaamise hemitta ke qapatamte, qoota Hapura Qulqullootatinni inna hitte malla, tikaaytipa isheeta teyyatta in fuuran.

Maatiyoosi 2:23

Isaase a xuumampaya kidene, “Naasiritta kidama” akka dikkatto'e. Katama Naasirati kidamma opa aane ka eyye kallaade.

Luqaasi 2:3

Semmalla, nama piisa ka ma''aadi taafatta'e, piita a oppa daladepa kalli.

Luqaasi 2:5

Ete maxxaadi taafatta annooyye, enentase hemitta ishi daasamte inna hitte, Maariyaami ollinni aanen.

Luqaasi 4:16

Se kammaayye Yesuusi, piitase a Naasirati a oppa kuttadepa aane ka akka kollumaadi mina'e, kuyyaata sampata Yihutaati tikase xaaysho a qinseeta kelopa kulle; ka nappapa xa'e.

Yohaannisi 1:46

Naatina'eli xoori i'ishi kide, “Katama Naasirati kara wa paxaara te'atta i'ettanshane?” Filippoosi ka ishi kide, “Xooye tooyye!”

Yohaannisi 7:42

Kiristoosi akka sanynyeeta Taawwiti oppa delado ka Peetelehemi katama sene a Taawwiti oppaayye de'o, mataafa qulqulloota qara intaafamme?”

Mataafa Rutti 1:19

Ishootta ka lakkantiiyyi haka Petelehemiti aanen. Ete Petelehemi kayeneeyye, piita piisa oppa qawwaawe. Iskatta ka kiini, “Hela ini Nuhaamini?”

Mataafa Rutti 2:4

Kuyyaasetiiyyi, Pooesi ka katamasene a Petelehemiti desa dulaadippopa aane, ka orxayasene xaadi fera ferraati kide, “A Waaqa ishin olli caado.” Ishootta ka ishi oorshen ka kidene, “A Waaqa ke' sako.”

Mataafa Rutti 4:11

Qimoota ka orra a ishootta kapandesa co piisa ka kidene, “Aa! Keeton ino an maakkiyya. Iskatteese tikaaytippa deenitto, akka Raaheeli ka a Liyya Yayqoopi hellaa lekaya xaayen mina'e a tumma dalto, atti'iw, katama Efreemi oppa dakaado ka a Petelehemi oppa kurra teye.

Mataafa Rutti 4:17

Iskatta kanta ka kide, “Ha inna hama'e Nuhaamini dalade.” Ka maxxa ishi koden ka kidine Iyyopeedi. Iyyopeedi aappa opa Issayi, Issayi kan aappa opa Taawwiti.

Mataafa Saamu'eeli a paayyota 16:1

Waaqa ka Saamu'eeli kide, “Akka Isira'eeli qara in nuqusummini'i, anti Saa'oolise in jippeey, haka aytamiti'i Saa'ooli nyarrahata? Kaasaytippa sayteeta immakaado ka aane. Anti Isseyi Peetelehimitta kapopan ke erkini. Hellaadippa akkima takka nuqusa ana koddon akkeey.”

Mataafa Saamu'eeli a paayyota 16:4

Saamu'eeli ka wa Waaqa isha ajaje kode. Ete Peetelehemi kayeeyye. Qimaya katamaseneti ka xarri ka isha dehaaden ka ishi kidene, “Hela nakayta'ewwe deete?”

Mataafa Saamu'eeli a paayyota 17:12

Taawwiti Yihuta karaayye, inna Efratittase a Isseyi a Peetelehemi kara kalooti. Isseyi hellaa sette qapa. Xelta Saa'ooliiyyi, isha orroppaayye nama akata qime. parraadi ka ollin sekaaden.

Mataafa Saamu'eeli a paayyota 17:58

Saa'ooli ka isha kide ka kide, “Ata innaay atti a inna ayno? Isha ka kide, “Anti an inna Isseyi orxaytase xaayti a Peetelehemitta.”

Mataafa Saamu'eeli a paayyota 20:6

Oton aappaayshin ana faaniiyyi, ishi kide, “Taawwiti qoota toolaaysho piisa kalisoota para kalinno malla, katamasene xaaysho a Peetelehemi opa jarjartan anta'e a kuttati ana naappade.