Luqaasi 2:36 - Mataafa Qulqulloota

³⁶ Akkimose mina'ew, xuumampayteeta takka Haanna kidammitto a kafa Aserippa dalatte caaw. Isheetta nefo enenta Faanu'eli ka dikke qimte ka a diirtaadi olli para tappa kallaatte kammaayye, diirtaadi ka qara to'e.

Luqaasi 2:36 ပူးပေါင်းရင်းမြစ်များ

Mataafa Uumata 30:13

Liyya ka kiite, “Amma oori in xasoode! iskatta piisa i'ana' kida, ‘Xaadi i'olootte.’” Ka maxxa innaseniti' koote ka kiite “Aseeri.”

Mataafa a Nuqussa a lammatta 22:14

Qeesittase Hilqiya ka Ahiqaami ka Akapoori ka Safaani isho Asaayya ka xuumampayteeta takka Hulda kidammitto a diirtaadi Shaalumi kidammo oopa Aharhasi inna Tiqiwa a ohawwa tooytino kapopa aanen ka isheetta haasawsiisen. Isheetta nefo Yursaalami karaayye kanta a lammatta oppa kalta.

Mataafa Iyyoopi 5:26

Akkima unta etaadippa awtaappopa kallitto mina'e, atti asseewwe raakta ka arreetaayti ka piita.

Mataafa Masmuureta 92:14

Ka keranta kuli kelaayye dalta dalan, ka iluma ka pooreta quda' tawan.

Mataafa Sooketa 15:20

Sekkammaayye alawta Arooni xuumampayteetase Maariyaami ka timpa qedatte; iskatta piisa ka timpada qapade ka kirpan isheetta kamma sooke.

Xuuma Hisqeeli 13:17

Atti to'ampayta namatiiyyi, iskattase a samaytaayti iskareela xuuma qeenno ka haasawanno opa fuulaayti tiitayshe ka ishootta qara' xuuma haasawado.

Luqaasi 2:35

Se minan dikatta juutame, a karitta orra lekayta kara co ka laka sooka. Koraateta nyarrahata ka karittaayti ka'ita ka oppan tarpita.”

Luqaasi 2:38

Sitiiyyi, isheetta kuli ka deetew ka Waaqa kalataysatta paayyite ka qoota innaseneti desa orra kipeetan dina Yursaalami asanno piisa haasawanni.

Kodampaya 2:18

Asseew kuyyawwosen karaayye, orxayaayyo a diira ka a iskatta qara'en hapuriyyo tuqa; ishootta ka xuuma haasawadan.

Kodampaya 21:9

Isha tuparra a in hemammini afuri a daasata a xuuma haasawatta qapa'e qapa.

Qorontoosi a paayyota 11:5

Akkimose' mina'ew, iskatteeta a matta qara in dekannin mali Waaqa qinsannitto taaki qaaleta xuuma haasawannittoow, diirtase iskatta qara hupna ukkumeeta' qapo jeerinni. Iskatteeta a matta qara dekanni in kinnin akka matta kooshatte kapa'e dikammi.

Qorontoosi a paayyota 12:1

Hellaanno a kiristaanatiiyyi! Ammaaw, akka' qoota daassawwa a Hapura Qulqullootati desa upnaattanen faani.

Timotoosi a paayyota 3:2

Se malla saara tika kiristaana, a kamma desa haasawammi in kinnin, a iskatteeta takkaaw qapo, a mina' desa kallaanno, a isi tooytaanno, a taantetan koda koono, a xaykitta teyyanno, a kollissa ettaninno,

Timotoosi a paayyota 5:9

Hiyyeeteta a diirtaadi qara to'e a paraadi kunda lehi in kaynin, maskapa hiyyettewwa oppa'e in taafan ka isheetta'ew a diirta takkopaaw hemamte kodda isheetta faani.

Mataafa Iyyaasu 19:24

Qoyritta kenatta'ew, daloota dalootanne hellaa Aseeri qa'e.

Keleshaata 7:6

Kafa Aseerippaayye nama kuma kudanka lakki; kafa Niftaalemi oppaayye nama kuma kudanka lakki; kafa Minaaseppaayye nama kuma kudanka lakki;

Mataafa Taanynyada 4:4

Sitiiyyi xuumampayteeta takka Tipoora kidammitto, iskatteeta Laafidooti Isira'eeleta mukinni.

Mataafa Saamu'eeli a paayyota 1:2

Isha iskatta lakki qapa, takka maxxaadi Haanna kidammi takka'ew, Finaanna kidammi. Finaanna hellaa qapta Haanna xoori hella in qapto.