Luqaasi 2:34 - Mataafa Qulqulloota

³⁴ Simooni ete ishootta sake kammaayye, xawwi desa Maariyaami aayya a opa innaseneti kide, “Tin innoosen are ca, Isira'eeli karaayye orra lekayta isha minan pata; orra lekayta ka isha minan paha. Isha ka milikita a orra piisa teyyanni in kinnin kodda.

Luqaasi 2:34 ပူးပေါင်းရင်းမြစ်များ

Mataafa Uumata 14:19

Ka Apraami' sake ka kide, “Waaqase kutta piita ka moonta uume a Apraami' sako.

Mataafa Uumata 47:7

Sekkammaayye Yoosefi ka aappaaysho Yayqoopin Feri'ooni kapopa aane. Yayqoopi ka Feri'ooni' sake.

Mataafa Sooketa 39:43

Muuse ka kodase kodame piisa tooye ka akka Yaahiwwe ajaje qara akka kodde akke; Muuse ka ishootta sake.

Xuuma Issayyaasi 8:18

Ana isho hellasene a Waaqa ana' daashe, Waaqa Poqalla a we piisa ettaninno ka irroota Siyyooni' qara kalo kapaayye, samayta Isira'eeliti'i ino an pahana ka an milikkita.

Hoose'i 14:9

A ookuma qapa leloose' matte hitanni, qalpeelayaaw leloose kara upnaadan. Ha pora a Waaqa pora dukaata; hanqeellaya ka oppan desa anni; juppoolaya xoori qara'e kehaysanni.

Maatiyoosi 11:19

Inna nama'ew ete damta dameeta ka ikkayta ikeetan de'eyyeew, i'ishi kidene, ‘Ini karittolayta isho ikampayta taadeta wayneeta ka mootta orra qarata qaratno isho a juppoolaya.’ Ha ookuma akkima dukaata kodde kodaadinniiw upnaysammi.”

Maatiyoosi 12:46

A Yesuusi sede samayta haasawattaappa cooyye; aayyaasso isho hellaasso isha olli haasawatta faden ka lakoppa qa'aden.

Maatiyoosi 21:44

[“Nama dakoose qara pi'o, iqeqqepa; ma xoori nama a dakoose isha qara de'o, inyalxattaawa.”]

Maatiyoosi 27:63

“Poqallaay, sassapampaytase xatta a cooyye, isase a kide'e, ‘kuyyaata sessa kamma tootoppa in xa'a’ Ino matte oore.

Luqaasi 2:35

Se minan dikatta juutame, a karitta orra lekayta kara co ka laka sooka. Koraateta nyarrahata ka karittaayti ka'ita ka oppan tarpita.”

Yohaannisi 3:20

Nama wa neeqa koono piisa, la'ayta needdini ka akka kodoose xaadi neeqan akkaannini'i, la'aytoppopa deeni in kinnin.

Yohaannisi 5:18

Sede a Yesuusi asse kide, ikka akka ukkumampayasine a Yihuta Yesuusi ishshane'e a kuttaati ishootta nyarisse. Sede nefo, wa malla asse koddite, qoota isha sampata pashshe patta mallanne ma, qoota kide “Waaqa Aappinno” Ka Waaqa kapa isi qape malla.

Kodampaya 13:45

Yihutaata ete lekuma a samaytaseti akkiteeyye, yootanne immakaatte ka haasa Pawloosi shiishni ka isha onni.

Kodampaya 17:6

Ma xoori ete ishootta dapteeyye, Iyyasooni isho orra amanno takka takka ukkumampaya a katama turopa dehassa'e ishootta titte ka ishin ante, ka nessa kuttan kiini “Sene piita piisa qara horayta qeede, amma arepa de'eneew!

Kodampaya 24:5

namoose paaqa neeqa ino qara kodde; Yihutaata a piita qara kitto piisa qara'e horayta xa'inni. Parkase a darta Naasiraata kidammo qara isha saaraysho a kutta.

Kodampaya 28:22

Amanteese a ati kamma annitto porra piisoppa orra akkima toorro in upna. Semmalla dikattaayti maana akka kodde dakaya in heenna.”

Kodampaya 4:26

Nuqussa piita takka'e oli qapen, piddampaya piita ka takka ollopa ooren. Ka Poqalla isho Kiristoosi qara' xa'en.’

Kodampaya 6:7

Qaaleta Waaqa qoota asse paldaattaan ante malla, lekuma a orra amanno ka Yursaalami kara akata koopaan aanen. Qeesewwa kuli oppaayye a akata leka ka amanen.

Roomi 9:32

Kati kiinaane maana malla hanqeelluma in teyniniiyyi? Qoota ishootta hanqeellumasene amanteetan in faanin ka kodaan teya faden malla. Semmalla daka a orra kehaytinno qara kehaden.

Qorontoosi a paayyota 1:23

Ino' xoori, akka Kiristoosi ino malla fannisamen kollinninna. Sede kan Yihutaata' kehayta ka orra Kirikkiti eepuma.

ipro 7:1

Malkesedeqi, nuqusa saalemi ka qeesitta a Waaqase' piisa qara qapooti. Malkesedeqi ete Aprihaami nuqussa pute ka kallooyye, poroppa isha mina de'e ka ishi' sake.

ipro 7:7

Akkima nama shakka nama kutta qara saka teyyanno oppandesa anta in qapto.

Petroosi a paayyota 4:14

Oto' maxxa Kiristoosi malla otammittaneeyye, Hapurase a Waaqa a ulfeena' qoota ishin qara' lekkado malla, xasa a ishina' dakaado.

Mataafa Saamu'eeli a paayyota 2:20

Eeli ka Hilqaana isho iskatteetaadi sakni ka kiini, “Pakka innoosen a iskatteetaayti Waaqa qara qinsatte ka Waaqa daasse oppa'e, a Waaqa iskatteese oppaayyeew hellaa ke daashoow.” Ishootta ka oori tikaaysho opa kalli.