Luqaasi 2:25 - Mataafa Qulqulloota

²⁵ Sitiiyyi nama takka Simooni kidammo katama Yursaalamiti ca. Isha nefo, hanqeellitta nama ka caattaadi piisa Waaqa daashe. Ka kippeeta a ishin Isira'eeli xasa oorsatto asanni. Hapura Qulqulloota ka isha olli ca,

Luqaasi 2:25 ပူးပေါင်းရင်းမြစ်များ

Mataafa Uumata 6:9

Arekammopa xata qoota Noohe desa torrini. Noohe hellaa hamiyya sessa qapa. Maxxadaasso nefo, Seemi ka Kaami isho Yaafeeti kidammi. Noohe nama Waaqa fuurro ka hanqeellayta. Sitiiyyi isha patta dapa kooni in kinnin.

Mataafa Iyyoopi 1:1

Piita Uusi karaayye, nama takka Iyyoopi kidammo kala; isha nefo nama qaja in qapnin ka nama taanteta, a Waaqa fuurro ka wa neeqa kapa sekaade.

Mataafa Iyyoopi 1:8

Waaqa ka seetana' kide, “Hela orxaytase' xayyo Iyyoopi i'akkite? Ha piita qaraayye, nama isha mina' qaja in qapnin ka nama taanteta' kodde ka ana Waaqa fuurro ka wa neeqa kapa sekaade in co.”

Xuuma Issayyaasi 25:9

Awsetiiyyi ikka kidamta, “Tin, Waaqinno sede! Akka inon paho'en isha kippanne, ikka inon pahe; Waaqa an kippanninno tin sede; xasoonna xasa ka ino' dakaado; inon paheetaadinnin xasoonna.”

Xuuma Issayyaasi 40:1

Waaqaayshin ikiini, “Samaytiyyo' xasa oorsha! Samaytiyyo' xasa oorsha!

Xuuma Mikkiyaasi 6:8

Namo! Waaqa wa paxaara'e ke' lele. Ha isha wa ke qara faana, akka wa dukaata kodde kooto ka xoona a jaalala' qapa qapnaatto ka Waaqaayti olli naalumaan kallaatto faani.

Mataafa Dikoota 11:25

Yaahiwwe ka urrattan lekkade ka Muuse haasawade ka hapurase isha qara co quda qeede ka qimayasene kunda tappa' daashe; ete asu hapurase teyeneeyye ikka xuuma haasawaden; ma xoori kammopa lammatta in haasawanne.

Mataafa Dikoota 11:29

Muuse xoori i'ishi kide, “Hela atti ana malla yooni? Kadi laaddi Yaahiwwe samaytaadi piisa qara'e hapuraadi xaaya, piisa ka xuumampaya koddinaan attan heena!”

Mariqoosi 15:43

Sitiiyyi Armatitta takka Yoosefi kidammo ka ulfeessame ka firtishoonkota Yihuta oppa takka kodde ka de'e; isha nefo nama a mankisteeta Waaqa kippeetan asanno; ka maxanyumaan Pilaatosi turopa aane ka akka pukka Yesuusi ishi daasho'e, isha naappade.

Luqaasi 1:41

Elsapeeti ete nessase a Maariyaami a paanitta dakayteeyye, innasene a karittoppa qapta'e xasan doddo'e, ikka Hapura Qulqullootatin immakaatte

Luqaasi 1:6

Ishootta lamatti fuula Waaqa turaayye hanqeellaya ka ajaja ka taanteta Waaqa qaja mali tooytaanni.

Luqaasi 1:67

Aappa oopa innaseniti Sakkaariyaasi, Hapura Qulqullootatinni immakaade ka xuuma haasawade ka kide,

Luqaasi 2:38

Sitiiyyi, isheetta kuli ka deetew ka Waaqa kalataysatta paayyite ka qoota innaseneti desa orra kipeetan dina Yursaalami asanno piisa haasawanni.

Luqaasi 23:51

a koddito ma sullaata isho mura a orra a Yihuta oppa in qapo; isha nama mankisteeta Waaqa kippeetan asanno.

Kodampaya 10:2

Isha nama toolaadi piisa ollinni Waaqa waaqaysanno ka Waaqa fuurro ka teekolaya daassata kutta daani ka awta piisa Waaqopa qinsanni.

Kodampaya 10:22

Ishootta ka ishi kidene, “Ino Qernelewoosi motoloqitta kapan deene, isha samayta Yihuta piisa isha ulfeessini, ikka nama paxaara a Waaqa waaqaysanno, akka tikaadipa ke halacciiso ka wa kiinitta ke qara dakayo'e, erkampattoota a qulqullaawte ishi' lelte.”

Kodampaya 2:5

Sitiiyyi, Yihutaata a qinseetan japaannitto ka piitadda pisa oppaayye deete ka Yursaalami kara kitta.

Kodampaya 24:16

Ka akkan fuula Waaqa isho a nama tura'e, karitta a ana qootinni in kinnin qapnaado'e, awta piisa japaanni.

Mataafa oppa' Ooreta 18:15

Yaahiwwe Waaqaayshin xuumampayta ana paho hellaassin a piitaayshina oppaayye ishina xaashaay, isha dakkaysada.

Petiroosi a lammatta 1:21

Xuuma takka nefo heenna namatin in deene. Ma orra Hapura Qulqullootatin marra'ame Waaqa qara teyyade ka xuumose haasawade.