Luqaasi 2:14 - Mataafa Qulqulloota

¹⁴ “Moonta'e, Waaqa a ulfeessamo, piita qaraayye, orra a Waaqa ishootta jaalanno piisa'e nakayta a koddo.”

Luqaasi 2:14 ပူးပေါင်းရင်းမြစ်များ

Xuuma Issayyaasi 44:23

Qoota Waaqa Yayqoopi furade, ka Isira'eeli kara' ulfeessammo malla, moontadaayye, Waaqa sede kodeey kirpa dawada; hiwwalaalladda a piitatiiyyi, uuyada! Ishin irrowwaayye ka murraayye ka qora a ishin kara ca' piisaayye ililiwa.

Xuuma Issayyaasi 49:13

Waaqa samaytaadi'i' xasa oorsheey, ka a miidame suraysadeey, moontadaayye xasooda, piitaayti xasoodo; irrowwaayye ililiwa.

Xuuma Issayyaasi 57:19

Waaqa ikiini, “Afaa orra a pooyno oppa'en kalata xaaya; orra a pora deha isho a seka co piisa'e' nakayta ka kodda, anka ishootta dinsha.

Xuuma Mikkiyaasi 5:5

Isha ka nakayta ishootta' daasha. Oto orra Asoori piitinno torpa' de'o ka xeelinnoppa kayooyye, tooytampaya tappa ka saarra setti'in ishootta mina diinna.

Maatiyoosi 21:9

Samaytoppaayye a isha tura qate ka a isha kamma qate isho a isha kammadesa deena ka nessaaysho kuttishen ka dawanni ka kiini “Hoossa'ina! A kalata innasene a Taawwiti kayo! A maxxa Poqallaatin deeno, a eeppisamo! Moonte Waaqa a kalataysamo!”

Luqaasi 1:79

La'aytose ka orra tukkanta isho kaatta toota kela co piisa la'aya. ka laabbeetinno nefo, qinda pora nakayta opa qajeelsha.”

Luqaasi 19:38

ka kidene, “Nuqusa maxxa Waaqan deeno, a eeppisame! Nakayta a moonta koddo, ulfeena a moonte, Waaqa koddo!”

Luqaasi 2:13

A ishootta isi qara in upnin mali erkampattowwa moonta lekaya ka erkampattootase quda akkaaden ka Waaqa kalataysanni ka kiini,

Luqaasi 2:15

Ete erkampattowwasene, ishootta kapa moontopa taweneeyye, sikmayasene i'olli kidene, “Amma oori Peetelehemipa anna ka, wa amma kodde ka wa a Waaqa ino akkishe tooyyina.”

Luqaasi 3:22

Hapura Qulqulloota ka elela pahanaade ka isha qara lekkade. Sitiiyyi nessa a kiino, “Atti a innaayyo an jaalanna ka mikta ken xasoonna.” ka moonte xata dakaade.

Yohaannisi 14:27

“Nakaytan ishina' diisha ka nakaytiyyo ishina' daasha; nakayta an anti ishina' daanno, nakayta a piita daannito minan. Karittaayshin dikattaanne in kupannin ka in fuurrin.

Yohaannisi 17:4

Anti kodase a ana' daasse in dikkishe ka piita qara' ke ulfeesse.

Yohaannisi 3:16

Nama isha amanno piisa, akka in pannin ka caatta para para akkado'e Waaqa qoota akata piita jaalade malla innaadi takkan daashe.

Kodampaya 10:36

Waaqa akkima samayta Isira'eeliti qaaletaadi erke a upnaysamte ka ishootta'ew Yesuusi Kiristoosi, poqlase a orra piisa qudanne otootase a fayya a nakayta torreetan de'e.

Roomi 5:1

Semmalla ino' qootan amanteetan hanqeellaawne malla, Poqallaanno Yesuusi Kiristoosinni Waaqa olli nakaytan qapna.

Efesooni 1:6

Wa malla asse kode' nefo, innasene' xaadi jaalatame qudanne, daassatase' xaadi ulfeessamte a patta ino' daashe akka kalataysamto malla.

Efesooni 1:9

Waaqa heennaadi a paxaara'e koddite ikka Kiristoosi qudan akka turanneew koda' qapade qara'e, akkan juuttota heennaadi upnaanno' kode.

Efesooni 2:4

Maa xoori, Waaqa a diissatan koope, jaalaladi a ino' qapa' qoota akata kutti malla,

Efesooni 2:7

Wa malla asse kode nefo, sapanna itturopa deenaatiiyyi akka daassatase' xaadi koopte ka tura xeela in qapnin qudan a xoonaadin Yesuusi Kiristoosin ino sookshe ino akkissa malla.

Filippisiyuusi 2:11

Ka afaassotin maakkuman ka kidane, “Yesuusi Kiristoosi' poqalla!” Ka Waaqa Aappa' ulfeena daashan.

Filippisiyuusi 2:13

Waaqa akka dikattaadi fula kayo'e, akka kodaadi koda jaalattan ka isha ajajamtane'e, isha ishin kara koda kooni.

Qolaasiisi 1:20

Ikka isha qudanne, wa moonte isho piite ca' piisa issi olliiyyi araarshe ka diikase a innaadi' masqala qara' tuqamen nakayta oorshe.

Teseloonqe a lammatta 2:16

Mattaadi'i, Poqallaanno Yesuusi Kiristoosi isho Waaqa Aappinno, isase ino jaalade ka daassataadin xasa oorsatta a parapara isho kippeeta paxaara ino' daashe,

Keleshaata 5:13

Anka uumata moonteeyye ka piiteeyye ka piita kelaayye isho pakateeta karaayye co piisa a kiino, “Isase' sufaana qara' kute'e isho laahaseti'i, kalata ka kuttuma ka ulfeena isho hupna a paraparaayye haka paraparati ishootta kayo” dakaye.