Luqaasi 2:11 - Mataafa Qulqulloota

¹¹ Tin awwe katama Taawwiti kara'e, dinshampayta ishina dalade. Isha nefo poqallasene Kiristoosi kodde.

Luqaasi 2:11 ပူးပေါင်းရင်းမြစ်များ

Mataafa Uumata 3:15

Otantaayti ka a iskatteetoseti ka otanta sanynyeetaayti ka a sanynyeetaadi oppa'en paarkaallummaata koda. Isha mattaayti oppa tuma atti ka kamdaadi qomta.”

Mataafa Uumata 49:10

Haka piddampayta a samayta piita piisa isha'ew ajajama' deeno kara'e, nuqusuma harka Yihuta oppa'ew tawa, uleeta a siltaana (a nuqusuma) umma nama a harkaadi oppa poqqisho in caado.

Mataafa Masmuureta 2:2

Nuqussa piita ixa'en, saarra piita ka olli oorsaden; ka Waaqa isho nuqusase Kiristoosi qara' sulanni ka olli' kiini,

Xuuma Issayyaasi 9:6

Inna ino' dalade, inna a diirta ka ino' daasamen; hupnaadi a nuqusumaadi' nefo xashshittaadi qara ca; maxxaadi nefo, “Dehaamampayta a orra qawwanno ka hupnampayta Waaqa, ka aappa parapara ka mattitta nakayta'e” kidama.

Maatiyoosi 1:16

Yayqoopi ka Yoosefise a Maariyaamise Yesuusise xaayte hemitta ishi qapatamte xaaye. Yesuusi nefo Kiristoosi.

Maatiyoosi 1:21

Isheetta inna diirta'e xaayta; isha qoota juppootoppa samaytaadi dinsho malla, maxxaadi Yesuusi kiita ka haleeta.”

Maatiyoosi 16:16

Simoonise Peetiroosi kiinaan ka ishi oorshe ka kide, “Atti a Kiristoosi, a innasene a caattampayta Waaqa”

Maatiyoosi 16:20

Ka sekkammaaye oori, akkima isha Kiristoosi kodde akka nama takka nefo in lellini'i, ishootta ajaje.

Luqaasi 1:43

Sede a aayya opa Poqallaayyo ana tooyya dete, xayyo ana'e, ulfeena atta kutta!

Luqaasi 1:69

Sanynyeetase a orxaytaadi a Taawwiti oppaayye dinshampayta a hupna qapo ino xaasheey.

Luqaasi 2:26

Isha, a Kiristoosi Poqalla in akkinnin maliiyyi, akkima in toonini, Hapura Qulqulloota ishi akkishe.

Luqaasi 2:4

Yoosefi nefo, qoota sanynyeeta Taawwiti oppa dalade malla, katamasene a Naasirati piita Kelila kara caatiiyyi xa'e ka Peetelehemipa katamasene a Taawwiti piita Yihuta kara ca opa kale

Yohaannisi 1:41

intiriyaasi paayyota qara innaasso Simooni kapopa aane ka ishi kide, “Ha ino Mesihin akkane!” “Mesihi” kideese nefo, Kiristoosi kideeta.

Yohaannisi 1:45

Filippoosi ka Naatina'eli akke ka ishi kide'e, “Ha ino isase a Muuse qootaadi desa mataafa seera oppa' taafe, xuumampaya kuli ka qootaadi desa mataaffa a xuuma oppa taafenen akkanne. Isha nefo inna Yoosefi, Yesuusise a katama Naasirati.”

Yohaannisi 11:27

Isheetta ka kiite, “Aa Poqallaay, atti akkima inna Waaqa; Kiristoosi a piita qaropa deeno koddite in amanni.”

Yohaannisi 20:31

Ma xoori Yesuusi akkiman Kiristoosi kodde akka amanttan ka amanteetan maxxaadin caatta parapara akkattan malla sede taafamte.

Yohaannisi 4:25

Iskatteetase ka ishi kiite, “Dinshanpaytase a Waaqa reexade Kiristoosi kidammo akkima de'o in upa. Isha oto de'oyye, we piisa ino' lela.”

Yohaannisi 4:42

Ka iskatteesiti kidine, “Arepa desa waan malla isha amanninna wa atti ino lelte patta mallanne ma qootan ino mattinno dakayne ka akka dukaatan isha dinshampayta a piita kodde upnaanne malla.”

Yohaannisi 6:69

Ino in amanne ka akkima atti qulqullitta inna Waaqa koddite upnaanne.”

Yohaannisi 7:41

A pila ka kiiniiwi, “Ini Kiristoosi” Apila xoori ikiinii, “Kiristoosi xawwa Kelilaayye de'a?

Kodampaya 10:36

Waaqa akkima samayta Isira'eeliti qaaletaadi erke a upnaysamte ka ishootta'ew Yesuusi Kiristoosi, poqlase a orra piisa qudanne otootase a fayya a nakayta torreetan de'e.

Kodampaya 13:23

Sanynyeeta a namooseti oppaayye Waaqa akka kippeeta a daashe qara'e, Yesuusi dinshampaytase a Isira'eeli ishootta' xaashe.

Kodampaya 17:3

Ka Kiristoosi akkima rakkoota akkatta ka tootoppa xaana isha faanitto olkela la'assaanne kiini, “Ha Yesuusise an ishina torrininno, ishan Kiristoosi.”

Kodampaya 2:36

“Semalla Yesuusise a ishina fannisten Waaqa akkima Poqalla ka Kiristoosi kode, samayta Isira'eeli piisa a dukaatan sede upnaado.”

Kodampaya 5:31

Waaqa akka samayta Isira'eeliti juppootoppa ooreta ka haseenta juppoota' daasho'e, Yesuusi mattitta ka dinshampayta kode ka akka akkittaadi ulfeenan kuti'o' kode.

Qorontoosi a paayyota 15:47

Attaami namase a paayyota, qoota piitoppa uumame malla, nama piita; nama lammatta' xoori, moonte xata de'e.

Filippisiyuusi 2:11

Ka afaassotin maakkuman ka kidane, “Yesuusi Kiristoosi' poqalla!” Ka Waaqa Aappa' ulfeena daashan.

Filippisiyuusi 3:8

Se maliiyyiiw Poqallaayyo Yesuusi Kiristoosi upnaatta qaropeela we takkan' nefo akkima in kinnin qootan amanno malla, we' piisa kasaara'en dikanni. Ka isha malla we' piisa dape ka Kiristoosi akkatta malla we' piisa akka miissa a tika kela sahen kapa' dikni.

Qolaasiisi 2:6

Semmalla akka poqalla Yesuusi Kiristoosi teyyatten qara'e, ishan kallaada.

Yohaannisi a paayyota 4:14

Waaqa Aappa akkima Waaqa Inna dinshampayta piitati' kode ka erke, in akkine ka maakkumminna.

Yohaannisi a paayyota 5:1

Nama Yesuusi akka Kiristoosi kodde amanno piisa, inna Waaqa. Nama Waaqa Aappa jaalanno, Innaadi kuli jaalanni.