Luqaasi 18:7 - Mataafa Qulqulloota

⁷ Ka kuli Waaqa, samaytase xaadi halkeetta ka kuyyaata ishopaaw ullupno ka isha qinsanno'e, dukaata in farato? Ka tuffattaanne qaarqaarsaadi ishootta qara jarsha?

Luqaasi 18:7 ပူးပေါင်းရင်းမြစ်များ

Mataafa Masmuureta 88:1

Oo Waaqqo, dinshampaytiyyo Poqallaayyo, halkeetta ka kuyyaatan keepa ullupni.

Mataafa Masmuureta 9:8

Isha hanqeetanne kaaskella qara' firteeta farata; ka dukaatan samayta muksha.

Mataafa Sooketa 22:23

Oton irakkacciistan ikka anopa ullupaneeyye, anti dukaatannen ullupittaaysho dakaya.

Xuuma Issayyaasi 40:27

Ata Yayqoopi' maana malla kiini, ata Isira'eeli' maana malla asse haasawanni ka kiini, “Ha saantiyyo Waaqa tura idekatte, muraayyo a dukaata' nefo, Waaqa tura ituffatamen.”

Xuuma Inpaqoomi 2:3

Wossen a akkite kuyyaata a oppa koda qara nakayane in dehan; a koddito ma, kuyyaata a oppa koda qara nakayan jarjartanne deeta, umma ini dartan. Kadi punu a jarto pahataayye, in hasto. Dukaatan qoota deeto malla, duupattaan asado.

Maatiyoosi 24:22

Kadin kuyyawwosene tura in kumma'annin kiiteeyye, nama takka nefo pahani in heenne; Ma xoori orrase reexame malla, kuyyawwosen tura kumma'aadan.

Maatiyoosi 24:24

Orra dartan issi ‘An Kiristoosi’ kiino isho xuumampaya darta'e xa'a ka oton i'ishootta koddiniiyyi orrase a Waaqa reexade kuli kamma daptissa'e, wa kukutta a orra qawwanna isho daxxowwa koda.

Maatiyoosi 7:11

Ka asseeyye, oto ishina ukkuttowwa kuli hellaassina wa paxaara daassata uptaneeyye, aappase xaayshin moonteeyye kalo desa atta qaran in jaalinnin ka orra isha qinsanno wa paxaara in daannin?

Luqaasi 11:13

Oto ishina a ukkuttowwa kodde kuli hellaassina wa paxaara daassata uptaneeyye, Aappaase xaayshin moonte kalo desa, atta qarannen jaalinnin ka orra isha qinsanno Hapura Qulqulloota in daannin?”

Luqaasi 2:37

Se kammaayye, haka paraadi kunda setteti afur kayno kara'e, hiyyeteta koddite ka a tika qulqulloota kela aparipa kiini in kinnin maliiyyi, qinseeta ka damta musattaan halkeetta ka kuyyaata Waaqa kela koda kooni.

Luqaasi 21:28

Oto sede piisa kodda paayyinittooyye, dinayshin idehaadeey, ela kida ka opeela tooyyada.”

Roomi 8:33

Orra Waaqa reexade ayno ishootta xasasa? A ishootta hanqeellanno ishaay.

Qolaasiisi 3:12

Semmalla qoota orra a Waaqa reexade kodditen ka qulqullowwa kodditen ka jaalatamten malla, nama suraysatta ka paxaarumta kodeeta ka naaluma ka tajjanuma isho duupatta uwwisse.

Teseloonqe a paayyota 3:10

Halkeetta ka kuyyaata waan a kuttati qinsanninna, akkan ildaappa ishin akkino ka wa amanteetaayshin qara qajna ishina immakno malla.

Teseloonqe a lammatta 1:6

Waaqa qoota dukaata faranno malla, a rakkoota ishin qara' qeenna qara' rakkoota qeedetanne ishootta qara haalota pooyya.

Timotoosi a paayyota 5:5

Keeto a hiyyeeteta koddite ka nama a isheetta qaarqaaro in qapnin, kippeetaadi Waaqa qara'e xaayanni ka halkeetta ka kuyyaata, qaarqaarsa Waaqa' kaassattaanne, qinseetan japaanni.

Timotoosi a lammatta 1:3

Awta piisa oton qinseetiyyon halkeetta ka kuyyaata matte ke oorsannooyye, akka aappadaanno koden mina'en, Waaqase an dikatta ana qootinnin kinninin kela koda koonon kalataysanni.

Timotoosi a lammatta 2:10

Semmalla akka ishootta' kuli, dinase Yesuusi Kiristoosi qudan teyanno isho ulfeena parapara akkadane'e, anti orra a Waaqa reexade mallan kiini ka we' piisa duupanni.

Tiito 1:1

Ana Pawloosi, a orxayta Waaqa ka erkamampayta Yesuusi Kiristoosi kodde ka orra a Waaqa reexade kokkonnassa'e ka dukaata Waaqa fuureetan kallaatta akka immakkootan upnaadane' koda shuumame kapaayye, erkana erkame.

Petroosi a paayyota 1:1

Erkana ana Peetiroosi erkamampayta Yesuusi Kiristoosi kodde kapaayye, ishina olkela pase ka piita a Pantoosi ka a Kelaatiya ka a Qebbedooqiya ka a Issiya isho a Pittaaniya oppa kalayta kodde ka kallaannaati erkame.

Petiroosi a lammatta 3:9

Akka orra demo' pahato mina'e Poqalla qaalese a kippeeta a haasawade dikkissa'e in jaro. Ma xoori akka nama piisa juppootaadippa ooretoppa kayo, nama takka' nefo ka in pannini faani ka qootaayshina desa duupanni.

Keleshaata 18:20

Moontaayti, isheettan xasoodo! Ishina qulqullowwaayye ka erkamampayaayye ka xuumampayaayye, qoota Waaqa ishin malla ishootta qara farate malla xasooda!

Keleshaata 6:10

Ishootta ka nessa kuttan ullupen ka kidene, “Qulqullitto ka dukaallayto ke a piisa qara qapo Waaqqo! Haka aytamiti'i orra piita qara co qara' farata diissa ka diikinno malla haalota pooyya diissa?”

Keleshaata 7:15

Semmalla sufaana Waaqa' tura caan ka halkeetta ka kuyyaata tikaadi a qulqulloota' kelaayye ishi' koda kooni. Isase sufaana qara' kute'e ka kaattisaaysho' kodda.