Luqaasi 17:3 - Mataafa Qulqulloota

³ Semmalla mattaayshina isi tooytaada innaassin oto ke ishin dapaneenyye, isha fuke; oton i'ishin dapaytaadi oppa issi maraarfadeeyye, ishi diishe.

Luqaasi 17:3 ပူးပေါင်းရင်းမြစ်များ

Mataafa Masmuureta 141:5

Hanqeellayta a shooraan ana qido ipaxaariiy ka ana fuko ini sayteeta mattoppa' minaay, mattiyyo sede in tiinnin; anti ammikki neequmtaaysho hattissa'en Waaqa qinsanni.

Mataafa Sooketa 34:12

Akka ishin tura turuura in koddinini'i orra piisse a oppopa annitan oppa kalo olliiyyi akka kodayteeta takka nefo a kodannini'i isi tooytada.

Mataafa Pahana 17:10

A karafammitta dippa eepa dakaanno qara qapto'e, fukkama takka nama a qalpeeta qapo' dakaanni.

Mataafa Pahana 27:5

Jaalala juutame' kapaayye, fuka ildaappadesa'e wayyi.

Mataafa Pahana 9:8

Akka ke in needdannini'i, seesampayta in fukkan; ooka nama' fukke ike jaaladaay.

Mataafa orra Lewi 19:17

Iskaranxata innassin an needdan ka akka juppootaadi quda a qoottannini ildaappadesa isha fukke.

Maatiyoosi 18:21

Sitiiyyi Peetiroosi ka Yesuusi kapopa dehaade ka isha kaassade ka kide, “Poqallaay, oto innaanno ishin ana dapaneeyye, meeqaannen ishi diisha? Hela haka tappati'in ishi diisha?”

Luqaasi 21:34

Kamma desa Yesuusi ikide, “Duttana a tura xeela in qapnin ka maashshootta isho kallaata piita qaapeeta minan, karittaayshin akka in kafannini'i, tooytaada; a taakati a isi qara a upnin mali kuyyaatose a turuura minae ishin qaptaay.

Efesooni 5:15

Semmalla akka orra ookuma qapo diisheey akka orra ookuma in qapnin mina'e akka a' kallaannini'i, akka kallaannittan qanqannissa isi tooytaada.

Mataafa oppa' Ooreta 4:15

Kuyyaase a Yaahiwwe irroota Siina qara apitta karaxata ishina haasawadeeyye, pahana weti a akkineey, qanqannissa isi tooytada!

Mataafa oppa' Ooreta 4:23

Akka kodayteetase a Yaahiwwe Waaqaayshin ishin oli kodade a teyminini'i, isi tooytada ka killootase a Yaahiwwe Waaqaayshin dawre, we takkan nefon pahanaayshan ka in xefadan.

Mataafa oppa' Ooreta 4:9

Wa akkitene akka a teyminini'i, haka kittane'e ikka karittaayshin kara in pannini'i, isqara tooya ka qanqannissa tooytaada; ka hellaassin isho oopaddaassin sedeew kollisha.

ipro 12:15

Ishin oppa, akka nama takka nefo'e, daassata Waaqa in kalinnini'i tooytaada. Ka akka hittina a dalta haddaawnito dallo ishin oppa in dehenin ka ishina in rakkaccisnin ka orra lekayta in nyalinnini'i, isi tooytaada.

Yayqoopi 5:19

Hellaanno a kiristaanatiiyyi! kadi ishin oppa nama takka saanta dukaata' qara maqqaayye, a pila ka saanta dukaata' qaropa isha oorshaayye,

Yohaannisi a lammatta 1:8

Ishina' xoori akka mushshaaraayshin immakkoota akkattane'e, japaada ka wa' kootene akka ishin tura in pannini, tooytaada.