Luqaasi 17:25 - Mataafa Qulqulloota

²⁵ ma xoori inna a nama, se turanne, rakkoota, kuttayteeta teyyatta ka xeltoosetin needdatama isha parpaaccisni.

Luqaasi 17:25 ပူးပေါင်းရင်းမြစ်များ

Maatiyoosi 16:21

Awseti desa paayyatte Yesuusi oori akkima Yursaalamipa anta ka harka a qimoota piita ka a saarra qeesewwa isho a kollissampaya a seera oppa rakkatta ka ishshama ka kuyyaata sessattati tootoppa xaana isha faanitto tamaarewwaadi la'assa paayye.

Luqaasi 9:22

Kamma desa Yesuusi itamaarewwaadi kide, “Inna a nama rakkoota kutta akkatta ishotta faani. Qimoota piita ka saarra qeesewwa isho kollissampaya a seera ka isha tuffadan ka ishshan. Ma kuyyaata sessattatiiyyi tootoppa ixa'a.”

Mariqoosi 8:31

Yesuusi tamaarewwaadi kollissa paayye ka kide, “Inna nama rakkoota kutta akkatta isha faani qimoota piita ka saarra qeesewwa isho kollissampaya a seera ka isha needdadan ka isha ishshan, ma xoori kuyyaata sessa kamma tootoppa ixa'a.”

Yohaannisi 1:11

Isha sanynyeetaadi kapopa de'e. Sanynyeese xaadi xoori isha in teyyanne.

Luqaasi 18:33

Ka oto isha karafan kammaayye, isha ishshanema xoori kuyyaata sessattati tootoppaayye i'aa.”

Mariqoosi 12:10

Ka kide, “Hela ishina qaalese a mataafa qulqulloota kiinitto, ‘Dakaase a qupampaya puyaden isha matta tika kodde,

Maatiyoosi 21:42

Yesuusi ka ishootta kide, “Isase mataafa qulqulloota kara kiinitto, ‘Dakase a orra qupeeta qupno puyade, isha matta tika kodde. Sede nefo, koda Waaqa ka ildaanno tura olsa pahata’ Ishina a nappapne?

Xuuma Issayyaasi 53:3

Ha isha nama a orra isha needdade ka jippe; isha nama surumta ka a nyarrahata; ikka a nama orra qara ilda tiitanno mina'e needdatame, umma ino an isha an ulfeessine;

Yohaannisi 12:38

Sede nefo wa malla asse koddite, qaaletase a xuumampaytase Issayyaasi haasawade ka kide, “Poqallaay, ayno maakkuminno amane? hupna Poqalla ka ayno' akkaade?” akka dikkatto malla.

Luqaasi 24:46

Ka ishootta kide, “Kiristoosi akkima rakkado ka kuyyaata sessattatiiyyi tootoppa xa'o, xattaaw taafamte.

Luqaasi 18:31

Yesuusi tamaarewwasene xaadi kudanka lakki xawwi desa hale ka ishootta kide, “Tin Yursaalami opan anna; qoota inna namati desa wa xuumampaya taafene piisa ka dikkadan.

Mariqoosi 10:33

Ka kide, “Yursaalamipan anna, inna nama ka saarra qeesewwa isho kollissampaya a seera turopa tuukkaman ishootta ka isha qara toota faratan; ka turaayye harka orra a Waaqa amanni in kinnini oppopa tarpishaan.

Mariqoosi 9:31

Sede nefo wa malla asse koddite, qoota Yesuusi tamaarewwaadi kollinno malla, ka kiino “Inna nama, harka orra oppopa tuukkaman; ishootta ka isha ishshan. Ma xoori kuyyaata sessa kammaayye tootoppa ixa'a malla.”

Mataafa Saamu'eeli a paayyota 10:19

Ishina xoori awwe Waaqase xaayshin rakkootaayshin isho qaapaayshin oppa ishin dininno tuffatten ka kiitene, ‘In koddito! Nuqusa ino nuqusumshe; semmalla amma oori kaffaassin isho sanynyewwaassinan fuula Waaqa tura issi dehaysha.’”

Mataafa Saamu'eeli a paayyota 8:7

Waaqa ka ishi kide, “Akkan anti nuqusaaysho an koddinini'i, ishootta ana jippen diisheey ke in jippineey, atti nessa samaytoseti dakaye, ka wa ke kiinaane piisa kode.