Luqaasi 17:1 - Mataafa Qulqulloota

¹ Yesuusi itamaarewwaadi kide, “Wa orra kehaytisha ka juppootoppopa kata deenaasso in hasan. ma xoori, nama a minan kehaysadan ka juppootoppopa pi'an, oo isha kido!

Luqaasi 17:1 ပူးပေါင်းရင်းမြစ်များ

Maatiyoosi 16:23

Yesuusi xoori alle tiitaawe ka Peetiroosi kide, “Atti seetano, ana kamma oore! Dikattose xaayti dikatta nama diisheey, a Waaqa'en; akka ana tura kehayta kodditeey.”

Maatiyoosi 18:7

Kamma desaaw Yesuusi ikide, “Qoota wa juppoota orra kodacciisna malla, piita oo ishootta kido! Wa juppoota orra kodacciisa irreetan deena in diishan. Ma xoori nama a minan wossen juppoota orra kodacciisa de'an, oo isha kido.

Luqaasi 16:31

“Aprihaami ka ishi kideewwe, ‘Oto wa mataaffa Muuse isho a xuumampaya kiinaane dakayni in kinniniiyi, kadi punu nama takka tootoppa kala ka ishootta lellaayye, in dakayan.’”

Roomi 14:13

Semmalla oli qara' farata diinna, nama ka akka innaasso a kiristaana' tura kehayta taaki wa ishan kata in xaaynini' tooytaado.

Roomi 16:17

Hellaanno a kiristaanatiiyyi! Orra kollissase a kollatten toorro ka otantaayshin oppa' rakkoota qeenno ka ishin oppa qoonno kapa issi tooytaada ka ishootta kapa sekaada.

Qorontoosi a paayyota 10:32

Yihutaata koddite a Yihutaata in koddinin koddite, taaki tika kiristaana a Waaqa' koddite nama takka nefon kehaytishan.

Qorontoosi a paayyota 11:19

Orra dukaata qara co opa ayno akka kodden akka xawwi' ooran ka upnaysamane'e olli' qiteeta kitteetanne ishin oppa kinnaatta.

Qorontoosi a paayyota 8:13

Semmalla oton damta innaanno a kiristaana' kehaytinniiyyi, akkan innaanno a kiristaana an kehaytinnini'i, pakkanna so'a an damo.

Timotoosi a paayyota 4:1

Hapura Qulqulloota' xoori, ila'anni ka kiini, sapanna a kamma oorshaatiiyyi, orra demo, hapurra sassapa isho kollissa a orriyya' quda'e oora ka amanteetaaysho' marmada.

Keleshaata 2:14

Ma xoori, we takkan takkan an ke qara' puyanna'en qapa. Sede nefo, orra kollissa Pele'aami qapade takka takka otantaayshin oppa ca. Pele'aamise nefo akka samayta Isira'eeli damta killanna kalsamte dameetanne ka sharmuutuman, kehaysado'e isha Palaaqi dehaame.

Keleshaata 2:20

Ma xoori waan ke qara' puyanna takkanen qapa. Sede nefo Elsaapeeli iskatteetase ‘An xuumampayteeta’ issi kiinitto, ittuffatte ka kela duupatte isheetta akka orxayaayyo sharmuutuman ka damta killana kalisoota kalte damane ishootta kollisse ka akka kamma dpane' koote;