Luqaasi 16:8 - Mataafa Qulqulloota

⁸ Poqallaadi ka mukissampaytase amanteeta in qapnin ilattayta koddeetaadi peepe. Sede nefo orra Waaqa kapaayye orra piita akkima kallaataaysho a piitatin ilattaya koddene akkinni.”

Luqaasi 16:8 ပူးပေါင်းရင်းမြစ်များ

Mataafa Uumata 3:1

Pinaana a Yaahiwwe Waaqa uume piisa oppa maaka, akatan falqoolayta. Maaka iskatteetase'e kaassade ka kide, “Hela Waaqa keeto luukkata qorosen pora dishima kara ca takka nefo akka addammini ishin dawre?”

Mataafa Saamu'eeli a lammatta 13:3

Ma xoori, Amnooni mootta takka Yoonataapi kidammo qapa. Yoonataapi inna inna opa Taawwiti a Shaama, isha nefo akatan ilattayta.

Mataafa a Nuqussa a lammatta 10:19

Amma xuumampaya pa'aali piisa ka a ishi sakatanna piisa isho qeesewwaadi piisa ana kapopa hala; anti kalisoota kutta'en pa'aali kalshaay, nama takka nefo in hassnin. Nama a haso piisa alle'e ishshan. Iyyu ka orxaya pa'aali pira'e, mala asse paho dawe.

Mataafa Masmuureta 17:14

Oo Waaqqo! orrose kelaayye harkaaytin anan pahe ka orrase a qoottotaaysho kallaase a piita qara patta koddite kelaayye ana dinshe; teyantase' xaayti dekatte oppaayye, karittaaysho duttanisse; ikka hellaasso nefo kela haste; ka teyantaaysho a ishootta kela haste kuli arepeela hellaassoti kuulli.

Mataafa Sooketa 1:10

semmalla akka qara'ew in leknin ka oto orana ino qara' xa'ooyye nyaappinno quda in koddinin ka ino in torpinini'i ka ennoow piitoppa alle'en tawnini'i, xooya ka mala takka ishootta' dawna (faana)”

Mataafa Pahana 12:8

Nama ookumaaddinni kalataysammi; a karitta quumade qapa' xoori ipuyatammi.

Maatiyoosi 12:32

Nama inna a nama qara afa neeqa haasawanno piisa, i'ishi diisamta; ma xoori, nama Hapura Qulqulloota qara afa neeqa haasawanno, kallaata amma ka itturopa oppa'e ishi in diisamto.”

Maatiyoosi 17:26

Peetiroosi ka ishi oorshe ka kide, “Orra pila qara pohoni” Yesuusi ka kide, “Inan ka asseeyye oori, hellaasso kipira kela ipahen.

Luqaasi 16:10

Nama wa shakkaatin amanammo, wa kuttatin kuli amanammi; nama wa shakkaatin amanammin kinnin, asseew wa kuttaatin amanammin kinnin.

Luqaasi 16:4

lakko assen kodaay; in qeeda ka oton daanamo kammaayye, moottada ana teyyada iskela harmisada.’

Luqaasi 16:7

“Ka a lammatta haleew ka ishi kideewwe, ‘Kuura a poqallaayyo meeqa ke qaraa ca?’ namase ka ishi oorshe ka kide, ‘Kappa akala dippa ana qaraayye kuura ca’ Ikka ishi kide, ‘Tin are, firmaayti, “Akala kunda sette” kide ka taafe’

Luqaasi 18:6

Kamma desa Poqalla Yesuusi ikide, “Wa ukkuttootase a taanynya haasawade matte qapnaada.

Luqaasi 20:34

Yesuusi ka ishootta oorshe ka kide, “Orra piisseti ihemini ka hemammi,

Luqaasi 20:35

orra tootoppa xaana ka piita itturopa deeto oppa kallaatta ishootta daasamte, xoori in heman umma in hemaman.

Yohaannisi 12:36

Akka hellaa la'ayta' kodditane'e, a la'ayta ishin kapa co oppanneew la'aytoseti amana.” Yesuusi ete sede haasawade kammaayye, i'aane ka ishootta tura dekade.

Qorontoosi a paayyota 3:18

Nama takka nefo issi in sassapannin. Ishin oppaayye, nama hiila piissetitin a ookayta kodde ishi' pahanaannitto oton icaayye, akka ookuma Waaqa a dukaata' teyo'e, a eepa mina isi diko.

Efesooni 5:8

Xatta turan ishina a tukkanta, ma amma, qoota a Poqalla' kodditen malla a' la'ayta; semmalla akka orra la'aytoppa kalo mina kallaada.

Filippisiyuusi 3:19

Karittaaysho Waaqaaysho, wa orra jeerinna xaaysho ishootta' ulfeena; dikattaaysho wa piita' qaropa oore; semmalla piraampiraaysho' pateetta.

Teseloonqe a paayyota 5:5

Ishina' piisantiiyyi a orra la'ayta ka a orra kuyyaata. Ino an orra halkeetta taaki a tukkanta'en.

Petroosi a paayyota 2:9

Ishina' xoori, akka kodase orra qawwanno a Waaqa isase tukkantoppa la'aytase orra qawwanno oppopa ishin halaade salissane'e, a' xelta reexxamte. A'qeesewwa nuqusa ka a' samayta a qulqullaawe, a Waaqa xaadi' kodade.

Yohaannisi a paayyota 3:10

Hellaa Waaqa isho a taapiloosi sedenne olikela reexammi ka upnaysammi. Nama a hanqeelluma kooni in kinnin ka innaasso a kiristaana' jaalanni in kinnin piisa inna Waaqa'en.