Luqaasi 13:7 - Mataafa Qulqulloota

⁷ Ka namase kela qonno kide, ‘Tin qoyroose a hilteeta qara dalta akkatta'e, para sessan tittiitaawe; umma delta takka nefo qara an teyne; amma oori alle mure. Maana'e patta piita dawni?’

Luqaasi 13:7 ပူးပေါင်းရင်းမြစ်များ

Mataafa Sooketa 32:10

Amma miiriyyo a kuttati ishootta qara opaye, Anti ishoottan pashshaay, qaraayye anan dawran.” Anka samayta kuttayta ke kara sooksha.

Xuuma Taani'eeli 4:14

Ikka nessa kuttan kiite, ‘Qoyroose' mura ka taammaadi kuli oppa alle' quura ka haashshaadi alle' quda tiiqa ka daltaadi alle' qara fida, pinaana ka alle' kela qahen; xampira a tammaadi qara kallaanna ka alle' qahen.

Mataafa orra Lewi 19:23

Oto piitase a Kene'aani oppopa kaltan ka qora luukkata dalla ika lekaya dishattaneeyye, akka luukataaysho dameeta dawramte upnaada ka para sessa kara in daman.

Mataafa orra Lewi 25:21

Para lehattatiiyyi anti sakiyyon ishina koopsha; piita ka unta para sessa ishina kayto ishina palassa.

Maatiyoosi 7:19

Qoyra dalta a paxaara dalli in kinnin piisa alle murammi ka apittoppopa katammi.

Luqaasi 13:8

Namase kela qonno xoori i'ishi oorshe ka kide, ‘Poqallaayyo! Intoonno parose a yawsiti isha diishe ka, anka kela qoto ka kelopa kuufa haado.

Luqaasi 3:9

Desa amma erkaha qora kela' xaayame; semmalla qoyra delta fayya delli in kinnin piisa alle murama ka apittoppopa katama.”

Yohaannisi 15:2

Taama ana qara co ka dalta dalli in kinnin piisa Aappinno alle'e murri ka alle' kanni. Ka taama delta dallo akka dalta kutta' delo'e, qara tamini ka harminni.

Yohaannisi 15:6

Nama anan kallaanni in kinnin, a taama mina'e lakopa katama ka koka, taamma asse paha apittoppopa kataman ka kupadan.