Luqaasi 13:6 - Mataafa Qulqulloota

⁶ Sekkamma Yesuusi pahanoosene ishootta lele ka kide, “Nama takka, qoyra hilteeta a dulaadi a dishma wayneeta oppa dishame qapa. Ka kide ‘Luukkatan qara teya ka aane’ Umma we takkan nefo qara in teyne.

Luqaasi 13:6 ပူးပေါင်းရင်းမြစ်များ

Xuuma Ermiyaasi 2:21

Anti akka wayneeta a reexxamte ka paxaara isase kippatammitto mina'en ke dishe. Ka kuli atta ana qara' xaate? Ka dishma wayneeta a kappina a nyapale ana tura koddite?

Xuuma Ermiyaasi 8:13

Waaqa ikiini, “Anti, unta a palaysaden piisan alle pashsha; dishma wayneeta qara dalta in caatto; umma qoyraaysho a hilteeta qara dalta in caatto haashshaasso nefo ikokan; waan ishootta' daashe piisa ka ishootta qara qeedaman.”

Luqaasi 13:5

Inna! In ishina kiini, oto juppootayshin oppa a oori a kinniniiyi, ishina kuli a xaaysho mina'ew asseew pattan.”

Luqaasi 3:9

Desa amma erkaha qora kela' xaayame; semmalla qoyra delta fayya delli in kinnin piisa alle murama ka apittoppopa katama.”

Yohaannisi 15:16

Ana ishin reexade diisheey, ishina ana a reexanne. Anti ka akka antan ka delta kutta' deltan, deltaayshin ka a kallaannitto koddito'e ishin shuumade. Semmalla wa maxxiyyon qinsannittane piisa Waaqa Aappa i'ishina' daasha.

Kelaatiya 5:22

Dalta Hapura Qulqulloota' xoori, jaalala ka xasa ka nakayta ka duupatta ka xoona ka paxaarumta ka amanama

Filippisiyuusi 4:17

Sede an asse kiinoow, qootan daassataayshin ishin qara faano mallanne ma, daassataayshin a xoona' kela, akka dalta ishina' koopto mallan asse kiini.

Mataafa Taanynyada 9:11

Qoyra hilteeta xoori i'ishootta kide, ‘Hela luukkatase xayyo paxaara ka me'aawnitto dalan diisha ka qora qara nuqusuma aana?’