Luqaasi 13:19 - Mataafa Qulqulloota

¹⁹ Isheetta uuqqinteeta leya a nama takka dulaadi oppa dishade'e pahata. Ikka kaante ka qoyra kutta koddite; Xampira ka taammaadi qara saatta saattaaden.”

Luqaasi 13:19 ပူးပေါင်းရင်းမြစ်များ

Masmuureta a masmuurewwa piisa qara jaallitto 4:12

enentinno haantotiyyo ha atti, a' dula kapa oxname mina ka a ela tura dufame mina a paada tura pashshen mina.

Masmuureta a masmuurewwa piisa qara jaallitto 4:16

Atti xayxayta a qinda qutatta xa'e atti xayxayta a qinda tupatta' xooye ka duliyyo oppopa nessa dawe shittootaadi ka puufamto. Ishase an jaalade a dulaadi oppopa sookado ka luukkatase' paxaara' damo.

Masmuureta a masmuurewwa piisa qara jaallitto 6:2

Ha ishase an jaalade xelloota dawwa'e ka pisase' papaxxaara qapsatta'e yeelase a oppa qimaameewwa ika lekaya aylaadepa xata lekkade.

Masmuureta a masmuurewwa piisa qara jaallitto 8:13

Atti enenta ke a moottadasene wayneeta tooytina olliiyyi dulase oppaayye kalto ana nessaayyti dakayo.

Xuuma Issayyaasi 53:1

Ata waan dakayne ayno dukaysada? Hupna Waaqa ka ayno akkaade?

Xuuma Issayyaasi 53:10

Waaqa ikiini, “Surumtan isha yooqeeta, heennaayyo koddite; anka nyarrahata karopa isha kate; oto Waaqa napseetaadi kalisoota juppootati' kodo ka dehaysho kammaayye, paraadi ideraada ikka sanynyeetaadi akka; heenna Waaqa ka ishan dikkadan.

Xuuma Issayyaasi 58:11

Waaqa awta piisa ishin tura' qatta ka piita awdisatte oppa damta ishin paksha; akka pora dishma a pisha ike ka paada pisha a kuuni in kinnin kodditan.

Xuuma Issayyaasi 61:11

Akka piita unta sakkattinnitto, dula ka xotta a oppa aylaame dehinno mina'e, Waaqa Poqalla asseew fuula mankistewwa piisa tura'e, hanqeeta ka kalata sakkattisha.

Xuuma Issayyaasi 9:7

Palduma a mankisteetaadi ka a nakaytaadi' pirama in qapan; ammaayye paayyatte haka paraparati'i; mura dukaata ka hanqeetanne mankisteetaadi qaatisada; ka quda qapa ka kokkonnassa'e, sufaanetase a Taawwiti qara' kuti'a; ka piita piisa pidda; yoota Waaqase we piisa ettaninno ka sede koota.

Xuuma Ermiyaasi 31:12

Ikka kalan ka nessaaysho kuttishan ka irroota Siyyooni qara xasan dawadan; ka daassawwasene a Waaqa ishootta daanna a unta ka a wayneeta ka a sayteeta ka a nyalqa horeetatin xasoodan; ka pora a dishma a pisha ikno pahanaadan; umma arepadesa in nyarrahan.

Xuuma Hisqeeli 31:6

Xampira moonta' piisa ka taammaadi qara' saatta saattaaden, pinaana koommayta' piisa ka taammaadi kelandesa nyalqa dalli; mankistewwa a kukutta' piisa ka kaattisaadi kelandesa kallaanni.

Xuuma Taani'eeli 4:12

Hashshaadi i'ilaawi, ka paxaari, dalta qara kitto nefo ka kutti ka damta' nama piisa kayta, pinaana ka kaattaadi kela' qaa'ini, xampira ka taammaadi qara' satta saattaanni. Wa nessa oorsanna' piisa ka qara damta akkanni.

Xuuma Taani'eeli 4:21

haashshaadi ka ilaawaan ka paxaaraan, dalta qara kitto ka nama piisa qara kayto pinaana ka kaattisaadi kela' kallaannaan, xampira ka taammaadi qara' kallaannaan,

Xuuma Sakkaariyaasi 2:11

Awsetiiyyi, samayta a piita lekayta'e Waaqa kapopa heeqqa ka samaytiyyo kodda; anka ishin oppa' kallaada.” Atti ka akka Waaqase we piisa ettaninno ke kapopa ana erke upnaatta.

Maatiyoosi 17:20

Yesuusi ka ishootta oorshe ka kide, “Qoota amanteetaayshin ishina qajatte malla. Dukaatannen ishina kiini, katin amanteeta uqqina leya opa kitto qaptaneeyye, irrootoseti, ‘Areppa xa'e ka eeppopa aane’ Kideeta i'ettanissan ikka xaata ka anta umma wa ishinan kama takkan nefo in caadan.

Mariqoosi 4:30

Yesuusi ikide, “Mankisteeta Waaqa, maana kapa'en isheetta qapna? Ka pahana maanaatin isheetta ekkanna?

Luqaasi 17:6

Poqalla Yesuusi ka ishootta kide, “Kadi amanteeta uqqinteeta leya mina kitto qaptaneeyye ka leyoositi kiinittane, ‘Areppaayye putame ka pakateetoppa dishameeyye’ i'ishina ajajama.”

Kodampaya 2:41

Ishootta oppa lekaya ka qaalese' teyyaden ka jaqqamen. Kuyyaasetiiyyi, nama amane a kuma sessa mina co ka padaawame.

Kodampaya 21:20

Ete sede dakayeneyye, ikka piisanti Waaqa kalataysaden. Ka Pawloosi kidene, “Innaanno! orra amanno a kumadda leka kayo akkima Yihutaatoppa co, ka piisaniiyyi seera yoota qapo i'upta.

Kodampaya 4:4

Ma xoori orra qaaletaaysho' dakaye oppaayye lekaya amane; lekumta a orra amaneeti ka kuma ken opeela padaawamte.

Roomi 15:19

Akkimoose mina'ew wa orra qawwanna a kukutta ka daxxowwaanne ka hupana Hapura Qulqullootatinni Yursaalami isho piitada a kapandesa caati paayyatte, haka Iwaariqooniti'i otootase a fayya a Kiristoosi in kolishe.

Keleshaata 11:15

Erkampattootase a tappatta ka turumpaadi dawte. Moonteeyye nessada kukutta ka kiini, “Mankisteeta piita a Waaqa Poqallaanno isho a Kiristoosi koddite, isha ka paraparaayye haka paraparti nuqusuma.” ka dakaaden.