Luqaasi 12:18 - Mataafa Qulqulloota

¹⁸ Ka kide assen koda; kootarraayyo piisan alle poota ka, kootarra a kukutta a pila qupa. Ka untiyyo isho qapnaayyo piisa ollopa oorsha ka karopa kalsada.

Luqaasi 12:18 ပူးပေါင်းရင်းမြစ်များ

Mataafa Masmuureta 17:14

Oo Waaqqo! orrose kelaayye harkaaytin anan pahe ka orrase a qoottotaaysho kallaase a piita qara patta koddite kelaayye ana dinshe; teyantase' xaayti dekatte oppaayye, karittaaysho duttanisse; ikka hellaasso nefo kela haste; ka teyantaaysho a ishootta kela haste kuli arepeela hellaassoti kuulli.

Maatiyoosi 6:26

Xampira moonta tooya! Ishootta aylanni in caan umma feranni in caan ka kosappa kalsanni in caan ma aappase xaayshina a moonta'e ishootta daminni. Ishina a kuttati xampira qaraayye a qaptane?

Luqaasi 12:17

Ikka oppa dikanni ka kiini, ‘Poran oppopa untose piisa kalsado an qapooy maanan koda?

Luqaasi 12:19

Ka issi kida, tin teyanta a kutta a parra lekaya ke kayto qaptaay; oori nessado ka xayxaysado ka dame ka ikke! Ka xasoodo’

Luqaasi 12:21

“Nama piisse qara teyantaaw ollopa tuulanno ka Waaqa kapaayye teekolayta kodde asseew kodda.”

Luqaasi 12:24

Intoonno qurrupaya tooyyaay! Ishootta aylaannincaan, umma feranincan; umma pora a kara unta kalsanaane taaki kotaarra in qapan. Waaqa ka ishootta daminni. Ishina xampira qaraayye a kuttati a qaptane?

Luqaasi 18:4

Isha ka deexose mura mali a kuttati jare. Ka kammaayye, isi karan xata dikade ka kide, ‘Kaan punu Waaqa an fuuri an kinnin ka nama nefo an fokkisanni an kinniniiy,

Luqaasi 18:6

Kamma desa Poqalla Yesuusi ikide, “Wa ukkuttootase a taanynya haasawade matte qapnaada.

Yayqoopi 3:15

Ookuma asse paho, piita ka so'a isho seetana kapa deeni diisheey, Waaqa kapa deeni in co.

Yayqoopi 4:13

Ishina a kiinaa'e awwe taaki parri katama asse paha opan anna ka eeyye para takka kallaanna ka nakatanna ka tookta qeenna isi tooytaada.

Yayqoopi 4:15

Sekkapaayye laadi wa kida ishin parpaaccisnitta, “Kati heenna Waaqa' koddinitta anka kallaanninnaayye, ini taaki sede in koona.”