Luqaasi 12:1 - Mataafa Qulqulloota

¹ Sitiiyyi, samayta a kuma lekayta mina co ollopa xore ka lekumaasso qaran xaate'e oli tuukni ka olqara yeyyetanni. Yesuusi ka turan qattishe ka tamaarewwaadi asse kida paayye “Haddaya Feresaata pappahanassase xaaysho kapa isi tooytaada

Luqaasi 12:1 ပူးပေါင်းရင်းမြစ်များ

Mataafa a Nuqussa a lammatta 7:17

Sitiiyyi nuqusa ka ajajampaytase isha kela saarummo tooytampayta xarra katamaati kode, samayta ka isha qaranxata hire. A nuqusa tika namase a Waaqa opa xata lekkadeeyye, akka nama Waaqa haasawade mina'e, ikka to'e.

Mataafa Iyyoopi 20:5

Xasa ukkuttowwa akkima tura kumma'i, jeejja orra Waaqa teymino akkiman etaaddesaaw a' upto?

Mataafa Iyyoopi 27:8

oto Waaqa isha ikannooyye ka caattaadi kara teyyannooyye, juppoolayta kippeeta maana'e qapa?

Mataafa Iyyoopi 36:13

A Waaqa teymina' xoori miirootta quda'e tawni. Umma oto Waaqa ishootta qattaanooyye, qaarqaarsa Waaqopa pooyni in caan.

Xuuma Issayyaasi 33:14

Juppoolaya a Siyyooni kara kala a fuuren; ukkuttowwa ka xaran qapamen ka olli' kidene, “Inoppaayye ayno apitta a paata domohinno olli kallaada? Ayno ka apitta a libba in qapnin olli kallaatta ettansha?”

Luqaasi 11:44

Qoota hawla a qaraayye milikita in qapnin, a orra an upnin maliiyyi qaran anno pahatan malla, oo ishin kido!”

Luqaasi 12:56

“Ishina pappahanassampaayay, piita qara isho moonta quda tooyetanne wa kodda i'upnaannittan; ka kuli wa xeltase a amma oppa koddina maana'e a upnaanni a kinnin?”

Luqaasi 5:1

Kuyyaata takkaayye Yesuusi pakateeta Kensaareti kapa'e qa'ade. Orra lekayta ka isha kapopa ollopa sooke ka qaaletase a Waaqa dakkaysatta'e, oli tuukni.

Luqaasi 5:15

Kurra Yesuusi xoori, a deyyo qaran qapto'e dakaade. Orra lekayta ka isha dakkaysatta ka paaqaaysho kela dina faani ka ollopa deeni.

Luqaasi 6:17

Yesuusi erkamampayasene xaadi olliiyyi irrootase qara lekkade ka lakoppa qa'ade. Tamaarewwasene xaadi oppaayye lekaya ka eeyye caan; samayta a qaaletaadi dakkaysatta ka paaqaaysho kela dina faano a akata kutta ka eeyye caaw ishootta nefo piita Yihuta ka katama Yursaalami ka katamaddasene pakateeta kapa ca a Tiroosi isho a Sidoonaati de'en.

Kodampaya 21:20

Ete sede dakayeneyye, ikka piisanti Waaqa kalataysaden. Ka Pawloosi kidene, “Innaanno! orra amanno a kumadda leka kayo akkima Yihutaatoppa co, ka piisaniiyyi seera yoota qapo i'upta.

Qorontoosi a paayyota 15:3

Waasene' paayyota qara ca an teyyade ishoottan ishina' tarpishe; waan ishina' tarpishe' nefo, akkima mataafa qulqulloota' qara' taafamte mina'e, ikiini, Kiristoosi juppootinno malla to'e.

ipro 12:22

Ishina' xoori irroota Siyyooni kapopa idehaatten isheetta nefo Yursaalami a moonta; katamasene a caattampayta Waaqa ka erkampattoowwasene kumadda lekaya kapa' dikamma xasan ollopa aane kapopa dehaatten.

Yayqoopi 3:17

Ma xoori, ookuma a Waaqa kapa deeno, paayyota qaraayye, qaja in qapo; kamma'eew a nakayta jaalanno ka a paxaara ka a ajajammo ka a diissata koono ka a dalta paxaaratin immakaade, a karaayye olqaran orra jaalissa isho pappahanassa in kinnin.

Petroosi a paayyota 2:1

Semmalla oori, neequmta piisa ka sassapa piisa ka pappahanassa ka yoota isho oli haasawa ika piisa, alle isi kapa sekaysha.