Luqaasi 11:41 - Mataafa Qulqulloota

⁴¹ Wa kuppaayyaassin ka tomaddaassin kara ca teekolaya daasha; se kamma we piisa ishina qanqannaawaay.

Luqaasi 11:41 ပူးပေါင်းရင်းမြစ်များ

Mataafa Masmuureta 112:9

Ipurraahe ka teekolaya' daashe, hanqeellumaadi haka paraparati kallaadan; ulfeenaadi ka moontopeela kuttada.

Mataafa Masmuureta 41:1

Nama teekolayta' dikanno, oo atta oloode! Kuyyaata rakkootatiiyyi, Waaqa asseew ishan paha.

Mataafa Pahana 14:31

A teekolayta miiddino, uumampaytaadi onni; a teekolayta suraysanno xoori, Waaqaadi ulfeessini.

Mataafa Pahana 16:6

Jaalala ka amanumanne juppoota diisammi; nama ka Waaqa fuuretan neequmta kapa sekaanni.

Mataafa Pahana 19:17

A teekolayta' daanno Waaqa'e leqeessini; paxaarumtaadi ka oorsammi ka ishi' daasammi.

Xuuma Taani'eeli 4:27

Semmalla nuquso! Waan ke dehaamma dakkaysado, juppoota koda diishe. Ka koda fayya patta kode. Ka koda neeqa alle' diishe ka orra rakkanno suraysado, oto asse kootooyye takka punu Waaqa akka' nakaytan kallaatto'e paraayti derayshaay.”

Maatiyoosi 26:11

Hiyyeessa awta piisa ishin kapaaw caan; anti xoori awta piisa ishin kapa an kinnaado.

Maatiyoosi 5:42

A ke qara qinsanno daashe, umma nama a ke qara leqessatta faano an dawran.”

Mariqoosi 7:19

Karitta karanne anni ka eenxata lakopa sookni diisheey, sataata karopa anni in caan.” Pamta piisa akkima nyala in qapnin Yesuusi ka seden ishootta upnayshe.

Luqaasi 12:33

wa qaptane piisa kata ka teekolaya qoota ka qarateetase kerini in kinnin harmisada ka mankisteeta moontatiiyi, porase a oppaayye kera kayyini in kinnin, itteeta ka dammi in kinnin kaaja ka pirami in kinnini oppa xaayada.

Luqaasi 16:9

Semmalla in ishina kiini, “Kaaja a qaptaneetin moottada kodada, oton i'asse kooteneeyye, oto kaaja piisiti piramaneeyye, tikkasene a parapara karopa teyyatamtan.

Luqaasi 18:22

Yesuusi ete sede dakayeeyye, inamaseti kide, “Asseeyye we takkan kodeetaaw ke hase; wa a qapta piisa kate ka kaajosen teekolaya qoote, moonteeyye teyanta ollopa tuulamte akkattaay ka de'e ka ana kamma xooye.”

Luqaasi 19:8

Sakkiyoosi xoori iqa'ade ka Poqalla Yesuusi kide, “Poqallaay! tin teyanta an qapo piisa qaraayye, paka takkan teekolaya daasha. Oton sassapannen nama qara kuura qeede nefooyye, harka afuri'in oorsha.”

Kodampaya 10:15

Ikka nessa a kiino, “Wa Waaqa qulqullayshe atti a nyele kideeta ke parpaaccisni in kitto.” dakayeew.

Kodampaya 11:29

Semmalla kiristaana a Ansookkiya kara kalo matta mina'e akka ettanissaaysho mina'e akka hellaasso a kiristaana a Yihuta kara kalaati qaarqaarsa kodane piisaden.

Kodampaya 24:17

“An Yursaalami kara sookeeyye, a parra lekaya tarpen kammaayye, kaajaa qaarqaarsa a samaytinno pohame isho daassata a Waaqa kallitton qapade ka de'e.

Qorontoosi a lammatta 8:12

Nama oto daassata' heenna qapooyye, daassataadi oto a ettaninno mina' kitto daannooyye, teyyatammi diisheey, oto a ettaninni in kinnin daannooyye, teyyatammi in kitto.

Efesooni 4:28

A hanno arepa desa in hannin; sekapaayye, akka rakkatampaya'e wa daasha' qapnaado'e a harkaadin wa paxaara' kodo ka yaalo.

Tiito 1:15

A qulqullaaweti'i we' piisa qulqulloota orra nyale ka amanni in kinniniti' xoori, wa a qulqullaawe takka' nefo in caan. Laadi mattaaysho isho dikattaaysho a karanxata' piisa nyale.

ipro 13:16

Wa paxaara kodeeta ka wa qaptane quda orra pilaati' qootteeta in teyman. Kalisoota asse pahato Waaqa xasanniiy.

ipro 6:10

Waaqa faratampayta dukaata; se malla isha kodaayshin isho jaalala a qulqullowwaadi qaarqaaran ishi akkissene ka amma nefo akkinnittane in teymo.

Yayqoopi 1:27

Amanteeta fuula Waaqa Aappa' tura qaja in qapnin ka in nyallin hella a aappadaasso isho a ayyadaasso qara le'ene ka iskatta a diiraasso qara le'ene rakkootaaysho oppa qaarqaareeta ka nyela piisseti kela is tooyteeta.