Luqaasi 11:34 - Mataafa Qulqulloota

³⁴ Ipsa a dakintaayti, iltaayti. Oton iltaayti fayya qapaayye, dakintaayti piisa la'aytan immakaani. Oton xoori iltaayti fayya in qapniniiyyi, dakintaayti piisa tukkanni

Luqaasi 11:34 ပူးပေါင်းရင်းမြစ်များ

Mataafa Uumata 19:11

Ka sekkammaayye, orrase xarra tura co a shakka ka a kutta piisa akka xarrase in akkinini'i, qara ilda pashshen.

Mataafa Masmuureta 119:18

Akkan wa orra qawwanna' seeraayti kara akko'e, ildaayyo pane.

Mataafa Masmuureta 81:12

Anti ka akka a xaaysho qara aanadane'e, kamumaassotin eeyyeddesa ishootta tuukke ka diishe.

Mataafa Pahana 21:4

Ilta isi peepnitto ka karitta isi jeejjino isho koda ukkuttowwa' piisa juppoota.

Mataafa Pahana 28:22

Yooyomayta nama, teyanta akkatta'e kakkapni; umma akkima teekuma isha qara' kayo in upo.

Xuuma Issayyaasi 29:10

Waaqa mukitta kutta ishin qara kate; ka xuumampayasene ildaassin kodde qara ilda pashshe; ka keleshaatampayasene mattaayshin kodde qara matta lulshe.

Xuuma Issayyaasi 42:19

Orxaytiyyo mali a ilda qara' paten ayno? Isase an erkanno mali aynon dakkayta? Isase ana isi daashe mali a ilda dape ayno? Taaki orxayta Waaqa mali a ilda dape ayno?

Xuuma Issayyaasi 44:18

Ishootta in upan, umma akkini in caan; akka in akkinnini'i isha ildaasso'e qara' pashshe ka akka ishootta'en kallini'i, dikattaaysho' lulshe.

Xuuma Issayyaasi 5:20

Orra wa neeqaati ipaxaari kiino ka a paxaaraati ineeqi kiino ka la'ayta' tukkanta' oorinno ka tukkanta la'ayta' oorinno ka wa marmaddaawnaati ihaddaawni kiino ka a haddaawnaati imarmaddaawni kiino, oo ishootta kidoo!

Xuuma Issayyaasi 6:10

Ka kamma'e ana' kideewwe, “Akka ildaassotinni in akkinini'i ka nappaassotin in dakaynini'i ka karittaayshotin in qapannini'i ka anopa in tiitaawnini'i anka ishootta an dininnini'i, karitta samayseti daka' kode ka nappaasso' dakkayshe ka ildaasso lulshe.”

Xuuma Ermiyaasi 5:21

Ishin eeppaayye, ishina a we qapanni in kinninitiiyyi, sede dakaya; ilda iqqaptan umma a akkini a kittan; nappa iqqaptan umma a dakayni a kittan.”

Mariqoosi 4:12

Sede nefo wa malla asse koddinitta akka kidamte ‘Ishootta akka Waaqopa in tiitaawnini'i, juppootaaysho ka ishootta in diisammini'i; a eeyye akkinaan kapa akkini in kinnin; ka a dakaynaan kapa dakayni in kinnin’” mina.

Mariqoosi 7:22

ka dahaleeta taaki dahalsatta ka paata kaabbeeta ka neequmta ka sassapa ka fokkoota dapeeta ka yooyo'uma ka paata otitta ka isi peepa isho isi qaran xata paata xaayeeta.

Mariqoosi 8:18

Hela a ilda qaptan kapa akkini a kinnin? Ka a nappa qaptan kapa a dakayni a kinnin? Atta ishina matte oorri in kinninii?”

Luqaasi 11:35

Semmalla, la'aytose xaayti ke quda co, akka in tukkannini tooytaado.

Kodampaya 13:11

Tin amma harka Poqalla'e ke daysha! ilda ka ke qara' patan, umma etaa desa la'ayta piirtota a akkito.” Eennow qayanqayoota isho tukkanta ka ildaa qara ishi dekte. Ikka nama harka isha tupa qapo ka ishin aano isi kapan desa faddatta paayye.

Kodampaya 2:46

Ka awta piisa tika qulqlloota' kelopa ollopa anni ka tikkaassotiiyyi oltura laaqqota moossanni ka xasootta ka karitta fayyaatin dammi.

Kodampaya 26:18

Akka ishootta ildaasso panta ka tukkantoppa la'aytoppopa ishootta sookisso'e, ka hupna seetana kela Waaqopa ishootta oorisso'en koda. A ishootta ka ana amana minanne, haseenta juppoota akkadan ka orrase ana amane ka qulqllaawe olliiyyi lehanda qoottadan.’”

Qorontoosi a lammatta 1:12

Waan jeejjanninna sede, sede nefo akka dukaata koddite dikatta a karittinno imaakkummi; takkumta an orra pila ka xawwidesa ishin olli qapnaanne qulqulluma an Waaqa qara teyne isho paxaarumta an Waaqa kapa teyne qara'e qupamte. Sede nefo daassatase a Waaqatinni koddite diisheey, ookuma namatinni in koddine.

Qorontoosi a lammatta 11:3

Akkima maaka Hewaani sassapade mina'e, takka punu dikattaayshina nyapala, akka amanumase' xaayshin paxaara ka qaja in qapnin a Kiristoosi' qaptan alle' diissanen kiini ka fuurri.

Qorontoosi a lammatta 4:4

Isase piisse ukkummo seetana karitta orra amanni in kinnini'i tukkanshe ka sedenne, la'aytase ishootta la'ayno a otootase a fayya a ulfeena Kiristoosi isase' pahana Waaqatin sooke akka in akkinnini ishootta kode.

Efesooni 1:17

Aappa opa Poqallaanno a Yesuusi Kiristoosi Waaqase a ulfeena isha parpaaccisno, akka a qaran qapto isha upnaattane'e, akka hapura ookuma isho a olkela paata la'anno ishina' daasho'en qinsanni.

Efesooni 6:5

Ishina' karpishshaddaayye! akka Kiristoosi ajajamittan mina'e, a piita qara poqalladdaassin kodde ulfeessaanne ka tura fuuretanne karitta fayyaatin ishootta' ajajama.

Qolaasiisi 3:22

Karpishshaddaayyeew! a piita qara poqalladdaassin koddeeti'i, we' piisan ajajama. Oto ajajammittaneeyyeew qoota ishootta ishin akkinaan akka nama xasassaa'e isi akkissa faanittan malla in koddinin ma, poqalla fuureetanne ka karitta fayyaatin a koddito.