Luqaasi 11:32 - Mataafa Qulqulloota

³² Akkimoose mina'ew kuyyaata firteetatiiyyi, orra katama Nenewe xeltoose olli xa'a ka ishootta qara' farata; orra Nenewwe ete qaalese a Yoonaasi torrino dakayeeyye juppootaaysho oppa maraarfade ka oppa ooreey ma xoori, tin a Yoonaasi qara qapo areeyye ca.”

Luqaasi 11:32 ပူးပေါင်းရင်းမြစ်များ

Xuuma Yoonaasi 3:4

Yoonaasi ete katamaasene a Nenewwe' karopa kulleeyye, salissa paayye ka kide, “Nenewwe kuyyaata kunda afur kara'e ipatta.”

Xuuma Yoonaasi 3:5

Orra Nenewwe ete erkanasene a Waaqa' dakayeeyye, iteyyade. Ka oori akka nama piisa damta musado' salisade. Ka hellaa shashakkaati paayyatte haka orra qiqqimeeti' mehadda a dapteeta' kalsaden.

Xuuma Yoonaasi 4:9

Waaqa ka ishi' kide'e, “Hela dahantose' toote malla' miirootta ike parpaaccisni?” Yonaasi ka kide, “Aa, haka tootati' miirootta i'ana parpaacciisni.”

Maatiyoosi 12:39

Isha xoori i'ishootta oorshe ka kide, “Ukkuttoota xelta a Waaqa amanni in kinnin wa orra qawwanna akkaaw faani wa a orra qawwanna a xuumampaytase a Yoonaasi mali, wa orra qawwanna a pila xeltoseti in daasaman

Maatiyoosi 12:41

Orra Nenewwe qoota qaaleta Yoonaasi torre dakaye ka juppootaysho oppa ooren malla, kuyyaata firteetati orra xeltooseti olli xa'an ka xeltose qara faratan ma ha a Yoonaasi qara qapo areeyye ca.

Luqaasi 11:31

Nuqustitteeta a piita tupatta, kuyyaata firteetatiiyyi xeltoose olli xaatta ka ishootta qara faratta. Isheetta ookuma Selemooni dakaya'e pora sekaayye deeteey; ma xoori tin ha a selemooni qara qapo are ca.

ipro 7:26

Se malla, saara qeesewwa a qulqullaawe ka a qaja in qapnin ka a nyala in qapnin ka juppoolayappa xawwi' oore ka ulfeenan moonteeyye pora a piisa qaropeela qapo opa fayyade. Qeesitta a asse paho ino' parpaaccisni.