Luqaasi 10:7 - Mataafa Qulqulloota

⁷ Kodampayta'e, mushaara iparpaaccisni; semalla tika a karopa kullitan karaayye, wa ishina dehaade dama ka ikka ka eyye' tawa diisheey, tika takka desa tika pila opa in tittiitaawan.

Luqaasi 10:7 ပူးပေါင်းရင်းမြစ်များ

Mataafa Dikoota 18:31

Sede attukkaniyyo a Yaahiwwe kela koda koonittan kapa'e mushshaarayshinaay, ishin isho toollaassin pora ishina aako oppa dameeta i'ettanissan.

Mariqoosi 6:10

Pora pisa oppaayye, oto tika nama takka opa kullitaneeyye, haka eyye kara sooknittane'e, tikoose kara'ew tawa.

Luqaasi 10:6

Oton tikoose karaayye nama a nakayta jaalanno cayye, nakaytaayshin i'ishi kodda. Ataakkiti nakaytaayshin i'ishina oora.

Luqaasi 9:4

Tika a xaykuma karopa kullinitan piisa, haka paleese kara sooknittan ka annittan kara'e, eeyye'ew tawa.

Kodampaya 16:15

Ete ishetta isho orra a tikaadippa co piisa jaqqamen kammaayye, oori ikiite, “Akkan Poqalla amanno oton idukaysatteneeyye, xooya ka tikiyyo' tawa.” Ka a kuttaati ino naappatte.

Kodampaya 16:34

Ka sekkammaayye Pawloosi isho Sillaasi tikaadipa qeede ka damta ishootta dehayshe. Ka qoota Waaqa amane malla, toolaadi piisa olli xasoode.

Kodampaya 16:40

Pawloosi isho Sillaasi ka tika hida kara sooken ka tika Lidiya opa aanen. Ka eyye hellaa a kiristaana akken ka ishootta xasa oorshen ka katamaasene oppa alle aanen.

Kelaatiya 6:6

Nama qaaleta kollanno, a kollissampaytaadi olli wa paxaara a qapa' piisa qoottado.

Mataafa oppa' Ooreta 12:12

Ka eeyye'e ishin isho hellaassin a diira isho a tuparra ka orxayaassin a diira isho a tuparra ka Lawaatase ishin oppa qoottota taaki lehanda in qapnin a katamaddaassin kara kalto piisantiiyyi, akka fuula Waaqa tura xasoottan.

Mataafa oppa' Ooreta 18:8

Isha kadi punu teyanta toolaayshoti a katammitto quda kaaja qoottanna nefooyye, qeesewwa a pila olliiyyi qoottota qitteeta akkadaaw.

Timotoosi a paayyota 5:13

Ka koda alle diissata kollanni ka koda alle diissata maliiyyiiw, tikka kara pora kullini ka pora orra haasaawni ka wa nama' karopa kalli ka wa haasawatta ishootta parpaaccisni in kinnini' haasawanni.

Timotoosi a lammatta 2:6

Qotampayta a kokkonsanno ka koda koono, unta palinitto oppaayye akkatta'e a paayyota' kodda isha faani.