Luqaasi 10:21 - Mataafa Qulqulloota

²¹ Sitiiyyi Yesuusi Hapura Qulqullootatinni xasoode ka kide, “Poqalla a piita isho a moonta Aappo xanno, qoota orra ookuma isho upna qapo tura sede juutte ka a sene in qapniniti upnasse malla, in ke kalataysanni. Aa, Aappo xanno, sede kodeeta heennaati a paxaara.”

Luqaasi 10:21 ပူးပေါင်းရင်းမြစ်များ

Mataafa Masmuureta 24:1

Piita ka wa isheetta kara ca' piisa, a Waaqa'ew; kaaskeella ka a qara kala' piisa, xaadiiw.

Mataafa Masmuureta 25:14

Waaqa orra isha fuurro tura paata dekni in co; isha ka kodayteetaadi ishootta akkinni.

Mataafa Masmuureta 8:2

Paarkaaladdaatti qaran xaate'e, paarkaala isho xomayyolaya jaw ki'issa malla, afaa hellaa isho a hellaa ama luukna oppa'e kalata harmisse.

Xuuma Issayyaasi 29:14

Semmalla oppa'en oora ka samayse qara wa orra qawwanna koda; ka oppa ooraaw ka daxxoota koda; ookuma a ookkaassoti ihasa! Matte qapnaatta a upnampayaassoti ka pata.”

Xuuma Issayyaasi 35:8

Pora ka eeyyen caada, ka pora “Qulqullaawe” kidama; umma orra nyale oppan in aano. Orra Waaqa' patta ka oppan aana, umma eeppa oppan in aanan.

Xuuma Issayyaasi 53:11

Oto miiddota isha qara' kayto kammaayye, la'ayta akka ka xasooda; orxaytase' xayyo hanqeellitta kodda ka orra lekayta hanqeellaya' koda ka juppootaaysho' haadada.

Xuuma Issayyaasi 62:5

Akkima inna diirta enenta issin kitto heminaan mina'e, samayta Yihuta asseew ke teyyada; akkima diirta enenta a hemen xasoonno mina'e, Waaqaayti asseew ken xasooda.

Xuuma Issayyaasi 66:1

Waaqa ikiini, “Ha' moonta sufaanetiyyo, piita kan pora an oppa' loqqa qapannooy ka kuli tika atta kitto ana' quptan? Anka atta kela' nessada?”

Xuuma Sofooniyaasi 3:17

Waaqa Poqallaatti ke olli ca isha ken paha'e, hupna qapa ha isha akata ken xasooda ka jaalalaadin xaysoota ke' daasha ka qootaayti desa xasooda ka masmuureta dawada.”

Maatiyoosi 16:17

Yesuusi ka isha oorshe ka kide, “Simooni inna Yoona! Aappaase xanno moonte kalo sede ke la'ayshe diisheey, nama ke in la'anneey, i'eeppisamte!

Maatiyoosi 21:16

ka Yesuusi kaassaden ka kidene, “Hela wa helloosen shashakka kiinaane idakayni?” Yesuusi ka ishootta oorshe ka kide, “Aa in dakayni; isase kiinitto, ‘Afa hella isho a hella a ama luukna oppa'e kalata harmisse.’ Ishina a nappapne?”

Maatiyoosi 3:7

Ma xoori Yohaannisi ete Feresaata isho Saatuqaatoppa lekaya isha kapopa jaqqatta deenaan ikka akkeeyye, i'ishootta kide, “Ishina hella maakaatiiyyi, miirase a Waaqa deeno kelaayye akka qahatane'e ayno tura desa ishina lele?

Mariqoosi 10:15

dukaatannen ishina kiini, nama a inna shakka mina in koddinin ka mankisteeta Waaqa teyyanni in kinnin, pakkanna oppopa in kalo. ”

Luqaasi 15:5

oto akkooyye i'asooda ka xashshittan haada, ka ishin kala.

Luqaasi 15:9

Oto teytooyye moottadaadi isho kanttiyyaadi ollopa haleeta ka ishootta kiita, ‘Dakarase xayyo a pirreeta pate in teye ka xasoodeey ana olliiyyi xasooda!’

Yohaannisi 11:41

Orrase ka hawlase turaayye dakase mayshe. Se kammaayye Yesuusi ka moontandela tooyyade ka kide, “Aappo qoota ana dakayte malla in ke kalataysanni.

Qorontoosi a lammatta 4:3

Otootose a fayya an kollinne oton itakka punu juutamteeyye, orra panno tura juutamte.

Efesooni 1:11

Waaqase we' piisa akka heennaadi a koda' qapade qara akka koddane' koono, akka turanneew qootinno desa piisade qara'e, akkan Kiristoosi qudan hellaadi koddino'e ino reexade.

Efesooni 1:5

Waaqa heennaadi a paxaara'e koddite ikka Yesuusi Kiristoosi qudanne akkan hellaadi koddino'e, turanneew akka koda' qapade qara'e qattishe ka ino reexade.