Luqaasi 10:2 - Mataafa Qulqulloota

² Ka ishootta kide, “Fera ikutti, ferampaya xoori shakkayaawweey, semmalla aappa dula, akka ferooseneti ferampaya padaawo ka erko'e, isha qinsada.

Luqaasi 10:2 ပူးပေါင်းရင်းမြစ်များ

Mataafa a Nuqussa a paayyota 18:22

Eeliyaasi ka samaytasiti kide, “Xuumampaya Waaqa oppaayye ana patta hase. Xuumampaya paa'ali xoori dippa afuri kunda ken kayni.

Mataafa Masmuureta 68:11

Waaqa haasawade, orra lekayta ka otootose otayshe.

Xuuma Ermiyaasi 3:15

ka saarra a karittiyyoppa kale, a upna ka qalpeetan ishin muksha ishina' daasha.”

Xuuma Sakkaariyaasi 11:17

Sikmayta a xelloota alle' diishe ka we in patannin oo isha kido! Koraateta a isha tupa harka ka ilta akkitta dotto; harkaadi ka alle' tupa koko; iltaadi a akkita nefo ka alle tupa joolto.”

Xuuma Sakkaariyaasi 11:5

Orra a ishootta herade nefo i'ishootta qalada umma in kaassataman. A ishootta katade ka kidane, ‘In teyantoonneey kalata a Waaqa kayo.’ Sikmayaasso nefo ishoottan suraysadan.

Mataafa Dikoota 11:17

Anti in lekkada ka eyye ke olli haasawada ka hapura ke qara co quda qeeda ka ishootta daasha; akka haadese a samayseti a xawwaati a haanini'i, ishootta ka ke olliiyyi haadan.”

Mataafa Dikoota 11:29

Muuse xoori i'ishi kide, “Hela atti ana malla yooni? Kadi laaddi Yaahiwwe samaytaadi piisa qara'e hapuraadi xaaya, piisa ka xuumampaya koddinaan attan heena!”

Maatiyoosi 20:1

“Mankisteeta moonta aappa takka dulaadi a wayneeta oppopa orra xaayyatta teykanta karan sooke pahata.

Mariqoosi 13:34

Ha sede nama tikaadippa xa'e ka piita seka opa aane pahata; ka orxayaadi matta mina kodadda ika lekaya qara kite ka a xarra tooytino nefo akka japaado ka tooyto ajaje.

Mariqoosi 16:15

Ka ishootta kide, “Piita pisa oppa aana ka otootose a fayya uumata piisa kollisha.

Mariqoosi 16:20

Tamaarewwaadi ka pora pisopa aanen ka kollishen. Poqalla ka ishootta olli kodaa kooni ka ishootta qudan daxxoowwa kooni ka, kollissaysho akka dukaata kodde sede akkinni.

Luqaasi 9:1

Yesuusi erkamampayasene kudanka lakki iskapopa hale ka hupna isho ukkumeeta a ishin orriyya sookshan ka deesa piisa dinshan, ishootta daashe.

Kodampaya 11:19

Ete Istifaanosi dakkame ka to'eyye, pora daanama a xa'e minanne, orrase amanno ka pase haka Finqe ka Qobbiroosi isho a Ansookkiyaati'i aane. Umma qaaletase orra pilaati torrini in caan ma, a Yihutaata patta'e torrini.

Kodampaya 13:2

Ishootta a Poqalla waaqaysannaan ka damta musannaaneeyye, Hapura Qulqulloota ka kide, “Kodaan anti ishootta reexade'e, Parnapaasi isho Sawuli xawwa ana reexa.”

Kodampaya 13:4

Parnapaasi isho Sawuli ka Hapura Qulqullootatin erkamen ka Selewqiyapa aanen; ka eyye desa markapan Qobbiroosipa aanen.

Kodampaya 20:28

Hapura Qulqulloota qaratooyampaya'e ishin kode ka ishin shuume; semmalla issi'i isho xellootoseti tooytaada ka tikase a kiristana a Waaqa diika innaaditin furade tooyta.

Kodampaya 22:21

Poqalla ka ana' kide, ‘Qootan orra a Yihutaata in koddinin a pora sekaayye co oppopa ke erkino malla xa'e ka aane!’”

Kodampaya 8:4

Orrase amanno pase, pora oppopa aanen pisa oppa'e qaaleta Waaqa kollinni.

Qorontoosi a paayyota 12:28

Semmalla Waaqa tika kiristaana karaayye matta nama' mina'e akka kodadda karkar qapnaadane kode. Ka paayyota qara erkamampaya ka a lammattati'i xuumampaya ka a sessattati kollissampaya shuume ka kamma'ew, a wa orra qawwanna' koona ka kamma'ew a daassawwa dinissa' qapa ka a dassata orra qaarqaara' qapa ka mukissampaya isho a afaa ika lekaytan haasawanna' kite.

Qorontoosi a paayyota 15:10

Amma xoori waan kodde daassata Waaqatinnin kodde. Umma daassase ana' daasamte dalta mali in hasne; laadi a taakkane qaran qapto'en yaale; ma xoori a sede koote daassatase a Waaqa' ana olli kitto diisheey, anan.

Qorontoosi a lammatta 6:1

Ino' qootaan Waaqa ollii koda kooninno malla, daassase a Waaqa a' teyyatten patta in hattishanen kiininna ka ishin naappanninna.

Filippisiyuusi 2:21

A taakkane xoori tookta mattaayshoti kammaaw hirri diisheey, koda Yesuusi Kiristoosi we' kapa dikni in caan.

Filippisiyuusi 2:25

Akkimoose' mina'ew, inna sene' xanno Eppafrodituusi isase akka wa ana' parpaaccisna' piisan ana qaarqaaro ana' erkiten, oorissa ka ishina' erkeeta a parpaaccisnitto ana' pahanaatte. Isha xelitta an ollin koda kooninno ka ollin oranna torpininno.

Filippisiyuusi 2:30

Maana malla isase a allu ishina ana kapa kinnaattan ka ana qaarqaartan qoota' malaalten malla, isha' sede koda malla kide ka a issi in suraysannin mali koda Kiristoosi malla toota' foolsadeey.

Qolaasiisi 1:29

Waaqa qoota hupnaadi a kuttan ana kara koda koono malla, akkan hupnoosetin kodoose' dikkisho'en sooni ka yaalli.

Qolaasiisi 4:12

Eeppafiraase ishin oppa takka kodde, orxaytase a Yesuusi Kiristoosi, nakayta ishina' erkini. Akka caatta hapuratin japaattan ka qimtane'e ka heenna Waaqa piisan kootane'e isha awta piisa qinseetaadin ishina' soota soonni.

Teseloonqe a paayyota 2:9

Hellaanno a kiristaanatiiyyi! atta akkiman koda koone ka yaalle i''uptan. An otootase a fayya a Waaqa ishina' torrininnooyye akkan nama takka nefo qara' haadeta an koddinini'i, halkeetta ka kuyyaaten yaallinna ka koda kooninna.

Teseloonqe a paayyota 5:12

Hellaanno a kiristaanatiiyyi! a ishin oppaayye Poqalla Yesuusin saarraassin ka dehaamampayaassin kodde ka yaalla, akka ulfeessitane'en ishin naappanninna.

Teseloonqe a lammatta 3:1

Arepa desa oori, hellaanno a kiristaanatiiyyi! akka ishin oppa koddite mina'e qaalese a Poqalla akka irra qara paldaatto ka ulfeessamto'e ino' qinsada.

Timotoosi a paayyota 4:10

Ino qootan caattampaytase a Waaqa orra piisa ka xawwi' desa orra amanno piisa dininno kippanninno malla sedeetin yaallinna. Ka kokkonsanninna.

Timotoosi a lammatta 4:5

Atti' xoori qinda pisan a isi tooytaanno kodde ka rakkoota teyyatta' japaado. Ka kodase a otoota fayya' torreeta' kode. Ka kodaayti piisa dikkishe.

Filmoona 1:1

Erkana ana Pawloosi isase Yesuusi Kiristoosi malla hidame isho Timotoosi, innasene xanno a kiristaana' kapaayye, Filimoona innasene' xanno a kiristaana jaalatame an ollin koda kooninna,

ipro 3:6

Kiristoosi' xoori, akka inna tika' mina'e tika Waaqa kara amaname. Tikoose' nefo ino; ino' nefo oton waan qara' xasa xaayanninna ka jeejjanninna isho waan ishin maxanyumminna'en qapanninnaayyen tikaadi koddina.

Keleshaata 2:1

Erkampattoota a tikase a kiristaana Efesooniti' taafe ka kide: “Sede isase hikka tappa harkaadi a akkitta oppa' qapade ka otanta meehase' qara ipsa xaaynaan a warqeeta tappa karadesa tittiitaawno kapa lelamte;