Luqaasi 10:11 - Mataafa Qulqulloota

¹¹ ‘Tin kuyyaalayta katamaassina a loqqaanno quda co kulin ishina dawdawaninna. Ma xoori akka mankisteeta Waaqa ishin kapopa dehaatte upnaada.’

Luqaasi 10:11 ပူးပေါင်းရင်းမြစ်များ

Xuuma Hisqeeli 2:5

Ishootta' qoota samayteeyye tiyyoolaya kodden malla kadi punu dakaynaan taaki dakaya tiinnaaneeyye akka turan xuumampayta ishoottoppa co i'upnaadan.

Maatiyoosi 10:14

Oton orra ishin teyanni in kinnin ka ishina dakayni in kinnini caayye, oto tikoose taaki katamoosen kara sooknittaneeyye, kuyyaalayta loqqaassin quda dawdawada.

Maatiyoosi 10:7

ka oto antaneeyye ishootta torra ka kida ‘Mankisteeta moonta idehaatte!’

Maatiyoosi 3:2

“Tin mankisteeta Waaqa idehaatteey, juppootayshin oppaayye oora!”

Mariqoosi 6:11

Pora oppa orra ishin teyyanni in kinnin ka ishin dakayni in kinnini piisa oppa, loqqaassin quda kuyyaalayta dawdawada; sede maakkitta ishootta qara kodditaay.”

Luqaasi 10:10

“Ma xoori, oto katama takkan karopa kullinittaneeyye, orra ka ishin teyyanni in kinniniiyyi, mooraasso oppopa sooka ka ishootta kida.

Luqaasi 10:9

ka paaqolaya katamoosen kara ca dinsha ka samayta torra ka kida, ‘Mankisteeta Waaqa ishin kapopa idehaatte.’

Luqaasi 9:5

Oton orrase'e ishin teyyanni in kinnin xoori, oto katamoosen kara sooknittaneeyye, kuyyaalayta loqqaassin quda dawdawada; sede maakkitta ishootta qara kodditaay.”

Kodampaya 13:26

“Ishina a sanynyeeta Aprihaami oppaayye dalade hellaannooyye ka ishin a Yihutaata in koddinini a Waaqa fuurraatiiyyi, ha qaalese a dina ino'e erkamte.

Kodampaya 13:40

Semmalla isase xuumampaya qudan asse kidammte akka ishin qara'en kaynini'i tooytaada.

Kodampaya 13:46

Pawloosi isho Parnapaasi xoori, maxanyumaanne haasawaden; ka kidene, “qaaleta Waaqa paayyota'e ishina lelama parpaaccisni, ma oto ishina kiitene, ‘An teyyanno ka akkima caatta parapara ishin parpaaccisni in kinnin isi qara' farattaneeyye’ Ino in tiitaawna ka orra a Yihutaata in koddinin oppopa anna.

Kodampaya 13:51

Pawloosi isho Parnapaasi ka loqqaasso quda kuyyaalayta dawdawaden ka Iqqoniyoonipa alle aanen.

Roomi 10:21

Qoota Isira'eeletati desa xoori ikide, “Samayta ajajammi in kinnin ka tiyyoolayta koddeeti'in akka anopa de'ane'e kuyyaata kumma harkaayyo ishoottopa derayshe.”

Roomi 10:8

Ka taafamteew ka kiini, “Qaaleta Waaqa ke kapa kitta ka laadi afaatti isho karittaayti kara kitta.” Qaalese' nefo qaaletase a amanteeta an ino torrininno.

ipro 1:3

Isha la'ayta ulfeena Waaqa ka aynumaadinni Waaqa olliiyyi Waaqa keeto ka qaaletase' xaadi we' piisa ettaninnittonne piita piisa kammeela qape. Ka ete juppootoppa orra jaqqe kammaayye, moonteeyye harka a Waaqase we' piisa ettaninnooti'i akkitta' kuti'e.