Luqaasi 1:54 - Mataafa Qulqulloota

^54-55 Waaqa diissatase a Aprihaami isho sanynyeetaadi haka paraparati akkishe matte oorsade; ka orxaytase xaadi Isira'eeli qaarqaare. Sede nefo qaalese a kippeeta a aappadaanno a xattati daashe dikkissa malla asse kode.”

Luqaasi 1:54 ပူးပေါင်းရင်းမြစ်များ

Mataafa Masmuureta 46:5

Qoota Waaqa isheetta olli co malla, katamoosen in lelleehan; Waaqa paraappanne ishootta qaarqaara.

Mataafa Masmuureta 98:3

Xoonaadi ka amanamumaadi a hellaa Isira'eeliti' qapo dikade. Xaalla piita' piisa ka dinssa a Poqallaanno akken.

Xuuma Issayyaasi 44:21

Waaqa ikiini, “Isira'eeli atti a orxaytiyyooy, Yayqoopi, atti sede matte oorsado; ana ke uume; oo Isira'eeli pakkanna an ke an teymo.

Xuuma Ermiyaasi 31:20

Waaqa ikiini, “Samayta Isira'eelitiiyyi, ishina hellaayyo an jaalanna ka a kuttati ishinan xasoonna'eenne? Kadin punu a lekatin ishin qara' haasawadeeyye, ammi ikki'in matte ishin oorsanni, semmalla karittiyyo ka a kuttati ishin yaatanniiy, anti dukaatannen ishin suraysada.

Xuuma Ermiyaasi 31:3

Waaqa xatta a sekati ino tura akkaade ka ino' kide, ‘Anti jaalala a paraparatinnin ishin jaalade ka xoonaayyo a pirama in qapninitinni issipa ishin tite.

Xuuma Mikkiyaasi 7:20

Kodayteetase a xatta a aappadaanno Aprahami isho Yayqoopi olli kodatte mina'e amma kuli dukaataayti ka diissataayti a xoona a parapara ino akkissa.

Luqaasi 1:53

ka isasene doxe wa paxaaratin duttanshe, ka teyantoolaya harka luleetin daane.