Luqaasi 1:32 - Mataafa Qulqulloota

³² Isha a kutta kodda ka inna a Waaqase we piisa qaropa qapo kidama. Waaqa Poqalla ka sufaanase a aappaayshoti a Taawiti ishi daasha.

Luqaasi 1:32 ပူးပေါင်းရင်းမြစ်များ

Mataafa Saamu'eeli a lammatta 7:16

Toolaayti isho mankisteetaayti fuuliyyo tura'e haka paraparati japaadan. Suufaanetaayti ka haka paraparati kokkonnatta.’”

Mataafa Masmuureta 132:11

Waaqa dukaatanne Taawwiti' xaxasene pursama in qapnini' xaxade ka kide, “A ke kara daladon suufaanaayti qara' kutiisha.

Mataafa Masmuureta 132:12

Oton hellaatti kodayteetiyyo isho seeriyyo an ishootta kollisho tooytanniiyyi, hellaasso kuli haka paraparati suufanetaayti qara' kuti'a.”

Xuuma Issayyaasi 16:5

Sitiiyyi mankisteeta takka ka xoonasene' pirama in qapninitin qa'atta; sanynyeeta Taawwiti oppa nama takka ka nuqusuma. Ka irra qara hanqeeta orra' kalsha ka amanuma isho mura dukaatatin orra muksha.

Xuuma Ermiyaasi 17:25

Nuqussa a suafaaneta Taawwiti qara kutiina isho saarraasso, xarradoosen oppanne kullan ka fartada isho sarakeelladda qara kuti'an ka samayta a Yursaalami isho a katamadda a Yihuta a ata hase kara kalo ollin de'an, katama Yursaalami ka awta piisa orran immakaadan.

Xuuma Ermiyaasi 22:2

‘Ke a suufaana Taawwiti qara' kutiino, nuqusa Yihutaatiiyyi, ke isho saarraatti ka samaytaayti a xarradoosen oppan kullina piisaayye, nessa Waaqa dakaya.

Xuuma Taani'eeli 2:44

Sapanna nuqussasenetiiyyi aappa moonta Waaqa mankisteeta haka parparati' kallaatto, samayta piita pila ka quda qappatta in ettaninnini xaasha. Mankisteetose ka mankistewwa pila' piisa alle' pirta ka xaadi haka paraparati kallaatta.

Maatiyoosi 1:1

Isase sanynyeeta Taawwiti isho a Aprihaami koddeeti.

Maatiyoosi 12:42

Nuqusitteetase a piita tupatta qoota ookuma Selomooni dakaya pora sekaayye deete malla, kuyyaata firteetatiiyyi orra xeltooseti olli xaata ka xeltose qara faratta ma ha a Selomooni qara qapo areeyye ca.”

Maatiyoosi 28:18

Yesuusi ka de'e ka ishootta kide, “Hupna ukkumeeta piisa piita ka moontanne ana'e daasame.

Maatiyoosi 3:11

Tin anti juppootoppa oorissa'en pishaan ishin jaqini, a ana kamma de'o xoori, Hapura Qulqulloota isho apittanne ishin jaqa isha ana qaropa a kuttate jaalli anti isha kela xopa loqqaadi mikka haadeta mina an qanne

Mariqoosi 14:61

Yesuusi xoori jawi kide diisheey, we takkan nefo oppa in oorinne. Qeesittase kutta ka oppa oorew ka Yesuusi kaassade ka kide, “Hela ken Kiristoosi innasene a Waaqa eepisame'e?”

Mariqoosi 5:7

Ka nessa kuttan ullupe ka kide, “Yesuusi atti inna Waaqase we piisa qara qapooti, ata maana ana qara qapta? Maxxa Waaqatinnin ke qinsanniiy, atara anan rakkacciisan.”

Luqaasi 1:15

Isha fuula Poqalla tura nama kutta kodda; umma taadeta wayneeta ka wa orra maashshanna takkan nefo in ikko. Ka a karitta aayyaassoti kara cooyyeew Hapura Qulqullootatin immakaada.

Luqaasi 1:35

Erkampattootase ka ishi oorisse ka kiite, “Hapura Qulqulloota'e ke qara de'a. Hupna Waaqase we piisa qaropa qapo ka ke qara caada. Semmalla inna ke kara dalada qulqullitta; ka inna Waaqa kidaman.

Luqaasi 1:76

Semmalla atti innaay! xuumampayta a Waaqase we piisa qara qapo'e kidamta, ka poraadi harmissaa'e, qattita ka Poqalla turan desa anta.

Luqaasi 3:16

Yohaannisi xoori i'ishootta piisa kide, “Anti pishaannen ishin jaqini ma, nama ana qara jaallo a pilaa'e de'a. Anti teepa xopaadi nefo fureeta mina an qanne, isha Hapura qulqulloota ka apittanne ishin jaqa.

Luqaasi 6:35

Ishina xoori, paarkaalaassin jaalada ka wa paxaara ishootta koda ka a kippannin ka a kiinini ‘namoose leqaanno ino oorsha maliiyyi, leqeessa’ Oton asse kootaneeyye, wa se kapa akkattane ikutti. Akka hellaa Waaqase we piisa qaropa kuttuma qapooti kidamtaneey. Isha orra kalata in qapnin ka ukkuttowwa kuli'i xoonampaytaay

Yohaannisi 12:34

Orrase ka ishi' kide, “Wa seeroppa' taafame, anka akkininna, ikiini, ‘Kiristoosi haka paraparati kallaadaay,’ atti atta' kiini ‘Inna a nama fannisama ishootta faani?’ Innoosene a nama kan ayno?”

Yohaannisi 6:69

Ino in amanne ka akkima atti qulqullitta inna Waaqa koddite upnaanne.”

Kodampaya 16:17

Ka Pawloosi isho ino kamma deeni ka nessa kuttan kiini, “Orrose orxaya a Waaqase we piisa qara qapooti; ishootta saanta dina'e ishin kollishan!”

Kodampaya 2:30

Taawwiti malla sede haasawade, qoota xuumampayta kodde ka kippeetase a Waaqa xaxaan ishi' kale ka kide, ‘Sanynyeetaayti oppan nama takka sufaanaayti qara' kutiisha’ a upo malla.

Kodampaya 2:36

“Semalla Yesuusise a ishina fannisten Waaqa akkima Poqalla ka Kiristoosi kode, samayta Isira'eeli piisa a dukaatan sede upnaado.”

Kodampaya 7:48

“A koddito ma Waaqase piisa qara qapo tika a harka namatin qupamte kara kallaanni in co; sede nefo akka xuumampaytase' taafe ka kide,

Roomi 1:4

Akkimose mina'ew, Poqallaanno Yesuusi Kiristoosi Hapuraadi a Qulqullumaatinni qoota tootoppa xa'e malla, akkima inna Waaqa' kodde hupna kuttanne upnaysamte.

Keleshaata 3:7

Erkampattoota a tika kiristaana a Filadelfiyaati' taafe ka kide: “Sede isase qulqullitta ka dukaallayta kodde ka fura a tika Taawwiti qapo kapa lelamte. Wa ishi' dufa nama takka nefo panni in co umma wa ishi' pana nama takka nefo dufni in co.