Luqaasi 1:17 - Mataafa Qulqulloota

¹⁷ Ka akka a xuumampaytase a Eeliyaasi mina'e, hapura isho hupna qapnaada ka dikatta a appada hellaapa tiitaysha ka dikatta orra Waaqa ajajammi in kinniniti ookumase a ishin Waaqa ajajamanepa tiitaysha ka samayta inpasisha ka akka poqalla tura harmisadane koda.”

Luqaasi 1:17 ပူးပေါင်းရင်းမြစ်များ

Mataafa a Nuqussa a paayyota 17:1

Orra Kele'adi kara kalo oppaayye, Tesipittase Eliyaasi ka Aki'api kide, “Maxxa Poqalla Waaqa Isira'eeli, isase an anti ishi koda koonotinnin xaxanni ka ke kiini, hakan anti haasawado maliiyyi, parra arepadesa deena kara'e, tadahata taaki roopa in caado.”

Mataafa a Nuqussa a paayyota 18:18

Eeliyaasi ka ishi kide, “Anti Isira'eeli an rakkacciisne ma ke isho toolaayshina Isira'eeli rakkacciisni ka ajaja Waaqa alle diishe ka paa'ali kamma pora anni.

Mataafa a Nuqussa a paayyota 21:20

Ete Eeliyaasi Aki'api kapopa aaneeyye, Aki'api ka ishi kide, “Oo nyaapiyyo i'ana akkattewwe?” Eeliyaasi ka ishi kide, “Qoota fuula Waaqa tura neequmta kodeeta issi katte malla in ke akkadeew.

Mataafa a Nuqussa a lammatta 1:16

Ka nuqusa kide, “Waaqa ikiini, ‘Hela Waaqa Isira'eeli kara in kinnini akka pi'elsapuuli waaqa Ekrooni kaassatta orra erkatte? Qoota asse koote malla ittoota diisheey, loshshaatti qaraayye a xaato!”

Mataafa Otoowwa a paayyota 29:18

Oo Waaqa Waaqa aappadaanno a Aprihaami ka a Hisaaqi isho a Yayqoopi, dikattose karitta samaytaayti kara co haka paraparati tooyte ka karittaaysho qindaaytipa qajeelshe.

Mataafa Otoowwa a lammatta 29:36

Qoota Waaqa ishootta qaarqaare ka we piisa jarjarttan ishootta kode malla, Hisqiyaasi isho samayta piisa ka akata xasooden.

Mataafa Masmuureta 10:17

Oo Waaqqo! Atti qinseeta a teekolaya idakayni; ka karittaaysho kokkonnanni ka napahataayti ishoottoppa tiitanni.

Mataafa Masmuureta 111:10

Ookuma paayyota Waaqa fuureta; a ajajaadi koona' piisa ka fayya' paata qapanni; kalataadi nefo haka paraparati'i caada.

Mataafa Masmuureta 78:8

Ka a aappadaasso' mina, a karittaaysho kokkonnanna ka quumarra in koddinini ka xelta a karitta fayya in qapnin ka Waaqa' amanammi in kinnin in koddinin malla.

Xuuma Issayyaasi 29:24

A hapuran kamma dape ka matte oorsatta qapnaadan; a pora qoojqoojna ka dehaama teyyadan.”

Xuuma Amoosi 4:12

Semmalla samayta a Isira'eelitiiyyi! wossen an ke qara' koda' malla, harmisado ka ana Waaqaayti turopa sooke.

Maatiyoosi 11:14

Oton teyyatta heentaneeyye, isase kiinaane ‘Eliyaasi de'a’ Yohaannisise are co isha.

Maatiyoosi 14:4

Sede nefo qoota a Yohaannisi ishi kide, “Iskatteeta innaassina teyyattaayti seera idawrini” malla.

Maatiyoosi 3:3

Isaase a xuumampaytase Issayyaasi haasawade ka kide, “Nessa nama a salinno ka kiino ‘Pora Poqalla harmisha ka saantaadi nefo ishi qajeelsha’ Qoota Yohaannisi desaa lelli;” Sede isha.

Maatiyoosi 3:4

Mehadda a Yohaannisi kalsanna nyirfa kaala oppa kodamen, surraadippa salpata kollatta'e hidanni, damtaadi nefo torrayta ka takma taammata.

Luqaasi 1:16

Isha samayta Isira'eeli oppaayye orra lekayta Waaqa poqallasene xaaysho opa tiitaysha

Luqaasi 1:76

Semmalla atti innaay! xuumampayta a Waaqase we piisa qara qapo'e kidamta, ka poraadi harmissaa'e, qattita ka Poqalla turan desa anta.

Yohaannisi 1:13

Ishootta nefo Waaqa oppa daladen diisheey, sanynyeeta nama taaki heenna a nama oppaayye in dalanne.

Yohaannisi 1:34

Anti ka sede akke ka semmalla akka isha inna Waaqa kodde maakkummi.”

Yohaannisi 3:28

Akkiman ishina kide, ‘Anti isha turannen erkame diisheey, anti an Kiristoosin.’ Ishina mattaayshina a maakkiyyaayyo.

Kodampaya 10:33

Semmalla anka eennow ke kamma orra erke. Atti nefo sede a' deete fayya' koote. Wa Waaqa ke ajaje ke qara dakkaysatta'en piisantiiyyi are fuula Waaqa turopa ollopa deeneey akka haasawatto in heenna.”

Roomi 9:23

Wa malla asse kode nefo, mehaddasene a diissata a turan ulfeena' harmisheeti kuttuma ulfeenaadi akkissa malla.

Qolaasiisi 1:12

Ka Waaqa Aappa, isase mankisteeta la'ayta karaayye qulqullowwa olli lehanda qoottattappan ishin kaye, xasan kalataysada.

Timotoosi a lammatta 2:21

Nama wossen ulfeena in qapnini kapa xawwi oorro ka isi qulqullannno, meeha a koda ulfeenatin koonaane pahanaada. Meeha a we' nakanno a koda paxaara piisa koda' harmisade ka Poqallaadi isi reexxe kodda.

Petroosi a paayyota 2:9

Ishina' xoori, akka kodase orra qawwanno a Waaqa isase tukkantoppa la'aytase orra qawwanno oppopa ishin halaade salissane'e, a' xelta reexxamte. A'qeesewwa nuqusa ka a' samayta a qulqullaawe, a Waaqa xaadi' kodade.

Yohaannisi a paayyota 2:28

Semmalla hellaayyooyye! oto isha oorrooyye akkan fuura mali maxanyumaan isha akkino'e ka kuyyaata a deenooyye fuulaadi tura an jeerrini'i ishan kallaada.

Keleshaata 20:4

Sekkammaayye suufaanaddan akke suufaanaddasene qara'ew orra akka faratane'e hupna ukkumeeta ishootta daasame ka kukkuti'e anka akke. Anka napseewwa a oorra qoota Yesuusi desa maakkuma malla ka qoota qaaleta Waaqa malla mattadaasso qara quuramene akke. Ishootta orra pinantase isho waakkaadi in sakatannin ka milikkitaadi fuulaaysho isho harkaasso quda in kodannini. Ishootta tootoppa xa'en ka Kiristoosi olliiyyi para kuma nuqusumen.

Mataafa Saamu'eeli a paayyota 7:5

Saamu'eeli ka kide, “Waaqopan ishina qinsadaay, samayta Isira'eeli piisa Misippopa xaasha.