Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




Kodampaya 7:52 - Mataafa Qulqulloota

52 Kamtoollayaay, aappadaassin ayno kamma pora in daannin? Ha aappadaassin xuumampayasene turan qattishe ka akkima hanqeellaytase de'o' lele'e leyshen. Ishina ka amma hanqeellittase toota' daassen ka ikassen.

အခန်းကိုကြည့်ပါ။ ကော်ပီ




Kodampaya 7:52
32 ပူးပေါင်းရင်းမြစ်များ  

ishakka kide, “Waaqa Poqalla a we piisa ettaninno mallan yoota kutta qapa. Maana malla samayta Isira'eeli alle kodayteetaayti pooteey ka porraatti a poqa kalisoota alle poote ka xuumampayaatti koraatetan leysheey, anti patta ka hase, ikka ana kuli ikassa faaniiy.”


Isha ka kide, “Waaqa Poqalla a we piisa ettaninno mallan yoote a kutta qapa. Maana malla, samayta Isira'eeli alle kodayteetaayti pooteey ka porraatti a poqa kalisoota alle pooteey ka xuumampayaati koraatetan leysheey, anti patta ka hase, ikka ana kuli ikassa faani.”


Waaqa Poqalla aappadaassoti qoota samaytase isho tikase xaadi a kara kalo suraysade malla, a olkamma in mittinin mali orra ishootta qaropa erkini.


Ishootta ka haka miira Waaqa samayta qara xaano, wa ishoottan paha ka dapannaane'e, orrase a Waaqa erke qara seesni; ka qaaletaadi tuffanni; ka xuumampaya Waaqa kojeessini.


Ma xoori ke' ajajama itiiten ka ke qara' xa'en; ka seeraayti iskammandesa katen. Ka xuumampayasene' xaayti qindaaytipa ishootta tiitassa'e ishootta dehaamma alle' leyshen. Ka a lekatin afaa otitta ke qara' haasawaden;


Patta'en samaytaayti qatta'e umma ishootta dapoppa in oorre ishina a karma miirode mina'e xuumampayaassin lessen.


ka akka xuumampaytase Ermiyaasi qidamo kode; ka tika Waaqa kela, xarrase ela qato a Piiniyaami kidammo kapa'e, loqqaadi qoraan hide.


Ma xoori qaalewwosen piisa akkan napahawwaassinan dakaytane akkan ishina lelo'e, a ana erke dukaatan Waaqaay, oton ana ikassaneeyye akkima diika a nama dapa in qapnini isi qara'e, ka katamoosen isho orra a karaa kalo piisa qara qeennittan upnaada.”


Ishootta ka Kipsi karaayye Uuriya qapen ka ishan kalen ka nuqusa Iyyo'aqemi turopa dehayshen; isha ka koraatetan Uuriya ishshe ka pukkaadi turka a oppa orra heente hawlinaan oppopa kate.


Atti enenta Siyyooni, akata xasoodo! Atti enenta Yursaalami, xasan ililiwe! Ha nuqusase' xaayti hanqeellayta ka dinshampayta isha naalayta kodda ka harreeta qara' kuti'a, innayya harreeta qara'e kuti'a ka qaraayye ke kapopa de'a.


wa moonteeyye se kapa akkattane qoota kutti malla, xasa a ishina dakaado ka a kuttati xasooda ishootta xuumampaya a ishin turan ca qara'e asseew pora daanama isho rakkoota kaytisheneey.”


Oto sede piisa ishin qara kaynittooyye, harmo xasooda ka xasan siikada; wa sede kapa moonte akkattane ikuttiiyyi; xasooda; aappadaasso a xatta asseew xuumampaya xatta qara rakkoota asse pahato qeedineey.


Sede a qoota hanqeellumaati desa, ishootta laka' sookshoow; qootan anti Waaqa Aappa kapopa anno, arepa desa ishina ka ana a akkinini malla.


Isha' nefo mattaadi'i, akkima Waaqa xattaaw turan koda' qapade ka upnaade qara'e ishina' tarpe ka daasame. Ishina ka akka harka tiyyoolaya oppa' fannisamo ka to'o' kooten.


Isha ka ana kide, ‘Waaqase a aappadaannoti, akka heennaadi upnaatto ka hanqeellittaadi akkito'e ka nessaadi dakayto'e turanneew ke ree'ade;


Waaqa xoori, akka turan qattishe ka afa xuumampaya pisa oppa' kide, ‘Kiristoosise rakkoota akkatta isha faani’ mina'e, akka asse dikkatto' kode.


Kamma' desaaw, Saamu'eliiyyi paayyatte xuumampaya piisa ka qoota sapanooseti desa asseew haasawaden.


namoose wa ishin dine ka fuulaayshin tura' qa'ade, maxxa Yesuusi Kiristoosise a Naasireti, isase a ishina' fannisten Waaqa ka tootoppa isha xaashenne, akkima koddite, ishin piisa'e ka samayta Isira'eeli piisa'e, a upnaysamte a koddito.


Yihutaata isheetta Poqalla Yesuusi isho xuumampaya leyshe ka alle' piitoppa ino daane; ishootta orra a Waaqa nyarrahasiisno ka orra piisa needdanno.


ka a nama marmanna ka a paata tooytanni in kinninni ka a isi peepaan kofkofe ka Waaqa jaalatta kapa a xasa piita' jaalanna'e koddan.


hapurase a Kiristoosi turan ishootta kara co ka rakkootase Kiristoosi qara' kayto ka rakkoose kammaayye, ulfeena a akkado turanneew ishootta akkishe. Ishootta ka sede piisa aytami akkima koddito ka atta akkima koddito kara qoren.


Hellaayyooyye! Waan malla sede ishina' taafna, akka ishina juppoota a' koonin malla. Ma xoori oton nama juppoota kodaayye, Waaqa Aappa kapaayye tamaakkattampaytan qapna. Isha' nefo hanqeellittase Yesuusi Kiristoosi.


Anti ka erakampattooseti sakatatta'e, loqqaadi kela pi'e ka fuula piitan kaye; isheetta xoori, i'ana kiite, “Diishe asse in kodan! Ha anti ke isho hellasene xaayshin a kiristaana maakkuma Yesuusi qapade olliiyyiiwwin an orxayteetaay! Waaqa sakatado maakkuma Yesuusi, hapurase a xuuma'ey.”


Erkampattoota a tika kiristaana a Filadelfiyaati' taafe ka kide: “Sede isase qulqullitta ka dukaallayta kodde ka fura a tika Taawwiti qapo kapa lelamte. Wa ishi' dufa nama takka nefo panni in co umma wa ishi' pana nama takka nefo dufni in co.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ