Kodampaya 7:30 - Mataafa Qulqulloota

³⁰ “Muuse a piisse kara para kunda afur pire kammaayye, koommayta irroota Siina oppa apittase hujjittoppa opaayno oppa dela erkampattoota Waaqa isha akkaatte.

Kodampaya 7:30 ပူးပေါင်းရင်းမြစ်များ

Mataafa a Nuqussa a paayyota 19:8

Ikka xa'e ka dame ka ikke ka damtosetin hupna akkade ka haka Siina irrootase a Waaqa kayno'e, kuyyaata kunda afuri ka halkeetta kunda afuri aane.

Mataafa Masmuureta 66:12

Ka akka orra mattadaanno qarandesa fartan kulufo' koote; anka apitta isho pishaappan tarpine; a koddito ma piraampira qaraayye paxaarumta oppanne ino kayte.

Mataafa Sooketa 3:6

Ka ishi kideewwe, “Anti an Waaqa aappadaassina a xatta, a Aprihaami ka a Hisaaqi isho a Yayqoopi.” Muuse ka Waaqa tooyyatta fuure ka fuula qara dekade.

Mataafa Sooketa 7:7

A Feri'ooni olli haasawadeneeyye, Muuse paraadi kunda sette, a Arooni kan kunda setteeti' sessa.

Xuuma Issayyaasi 43:2

Oto' pishaappan taripinittaneeyye, anti ishin ollin caada; oto kirradaappan tuullinittaneeyye, karopa a' jimmitan; oto apitta karan annittaneeyye ishin in kupo, umma opaya apitta, ishin in xaalaysho.

Xuuma Issayyaasi 63:9

Isha' rakkootaaysho piisa ishootta olli rakkade, erkampattootaadi ka ishoottan pahate; isha ka jaalalaadi isho suraysattaadin ishootta furade ka eta xatta' piisaayye opeela ishootta haade.

Xuuma Taani'eeli 3:27

Sekkammaayye orrase' piita mukinno ka tanynyada isho orra paatadehaammo piisa ka ishootta kapopa ollopa de'e ka akka apitta ishootta quda in kaynin ka nyirfa matta' nefo ishootta qara in kupnin ka mehadda a isquda' kalsadene nefo quda'en qapannin ka sede disi diishe ma qayya nefo ka ishootta quda in kaynin piisanti akken.

Xuuma Milkiyaasi 3:1

poqallasene we piisa ettaninna ikiini, “Ha anti erkamampaytase' xayyon erka ikka ana turandesa pora harmisha. poqallasene a ishina' faanittane ka a isqara a upnin maliiyyi, tikaadi a qulqulloota kelopa de'a. Erkamampaytase a ishina ishin xasoottan ide'a.

Mariqoosi 12:26

Qoota tootoppa xaanaati desa xoori apittase a ujitta kara desa wa Waaqa Muuse haasawade ka kide, ‘Anti an Waaqa Aprihaami ka an Waaqa Hisaaqi ka an Waaqa Yayqoopi’ mataafa Muuseppaayye hela ishina a nappapne?

Luqaasi 20:37

Qoota tootoppa xaanaati desa xoori, Muuse, torraasene xaadi a qoota apittase a hujjittoppatidesa haasawade oppaayye, iPoqalla hale ka kide, ‘Waaqa Aprihaami! Waaqa Hisaaqi! Waaqa Yayqoopi!’

Kodampaya 7:17

“Ete etasene a oppa kippeetase a Waaqa Aprihaami' xaxaan daashe, dikkatta kela' foolsannittooyye, lekuma a samaytase' xanno a piita Kipsi kara cooti, koopaanne aanen.

Kodampaya 7:31

Muuse ete sede akkeeyye, oppa'e qawwaawe. Ete kapopa desa heeqqe ka tooynooyye, nessa Poqalla a asse kiino dakaye.

Kodampaya 7:32

‘Anti an Waaqa aappadaassina, an Waaqa Aprihaami ka Waaqa Hisaaqi ka Waaqa Yayqoopi.’ Muuse ka tammaqtan xare! Umma opa tooyyatta in maxanyumme.

Kodampaya 7:35

“Muusese a samayta Isira'eeli tuqquure ka ishi kide, ‘Ayno ino qara piddampayta ka taanynya ke kode?’ toy isha. A koddito ma Waaqa erkampattootase ujjittoppa ishi akkaatte qudanne Muusese piddampayta isho nataan sookissampayta' kodde ka ishootta oppopa isha erke.

Kelaatiya 4:25

Akkaari, irrootase a Siina piita Arapa kara kitto'e pahana koddite. Ka amma nefo Yursaalamise' hellaadi ollinni karpishshuma kela kitto pahata.

Mataafa oppa' Ooreta 33:16

Paxaarumta a piitaadippa koopto; a Waaqase hujjitta kupanno karadesa ishi akkaade kapa a saka ishi koopo. ka Yoosefise hellaasso a diira oppa saara kodde qara tuqamo.

Mataafa oppa' Ooreta 4:20

Xaayshin xoori akka awwe koddite mina'e, Yaahiwwe piitase a Kipsi poroodase apitta oppa sipla tummaan paho kara ishin sookshe ka samaytaadi ishin kodade.