Kodampaya 7:2 - Mataafa Qulqulloota

² Istifaanosi ka oorshe ka kide, “Hellaanno ka appadaannooyye! Intoonno ana dakayaay. Aakkinno Aprihaami a piita Kaaraani kara kallaatta in annin turanne, a piita Mosoppotaamiya kara cooyyeew Waaqase a ulfeena isha tura akkaade.

Kodampaya 7:2 ပူးပေါင်းရင်းမြစ်များ

Mataafa Uumata 11:31

Taara innaadi Apraami ka inna innaadi Lootise a Haaraani' xaaye ka iskatteetase a Apraami Soora qeede ka piita Kene'aani opa anta'e, piita uuriti xa'e. Ma xoori ete Kaaraani kayeneeyye, eyye'e kute'en.

Mataafa Uumata 12:1

Yaahiwwe Apraami'i kide, “Piitaayshin ka daltaytaayti ka tika sanynyeetaayshina' diishe ka pora an anti ke akkino opa aane.

Mataafa Uumata 12:5

Apraami ka iskatteetaadi Soora ka inna innassoti Looti ka wa a qapane piisa ka orxaya piita Kaaraaniti isha kapa kala piisa qeede ka piita Kene'aani opa kalen.

Mataafa Uumata 15:7

Ka oori ishi' kide, “Yaahiwwese piitoose are kitto ke' daasha malla, piita Paapilooniti paleeta Uuri kara ke qeede ana.”

Mataafa Uumata 29:4

Yayqoopi ka sikimayasene ela kapa ca kaassade ka kide, “Moottadaayyo! Ata ishina aysha' deeten?” Ishootta ka kidene, “Kaaraaniiyyin deene.”

Mataafa a Nehimya 9:7

ke a Apraami reexade ka piisse a Paapilooniti katama Uuri kara sookshe ka maxxa ishi' kode ka kide, ‘Aprihaami’ atti ken Waaqa Poqallaanno.

Mataafa Masmuureta 24:10

Ata nuqusase a ulfeena ayno? Waaqase we' piisa ettaninno, ishan nuqusa ulfeena.

Mataafa Masmuureta 24:7

Ishina' xarradaayye, mattadaassin opeela xaasha; ishina' xarrada paraparatiiyyi opeela xa'a; nuqusa ulfeena ka kullo.

Mataafa Masmuureta 29:3

Nessa Waaqa pishadda qara dakaanni; Waaqase a ulfeena ixirarri, Waaqa pishadda kutkutta qara'e waaqumaadi akkinni.

Xuuma Issayyaasi 37:12

Hela a Aappadaanno a xatta katamadda a Koosaani ka a Kaaraani isho a Raaseefi patinnaaneeyye ka samayta a Eteeni a Telaasaari kara kalo lennaaneeyye hela waaqadda samayta piitaddooseneti i'ishoottan paha ettanshene?

Xuuma Issayyaasi 51:2

Aappaayshin Aprihaami ka aayyaassin Saaropa tooyyada; akkan isha' sako ka isha leksho'e, an Aprihaami haleenooyye, isha' takkayta.

Xuuma Issayyaasi 6:3

ka dawanni ka olli' oorinni ka kiini, “Isha' qulqullitta, qulqullitta, qulqullitta Waaqa Waaqa Poqalla a we piisa ettaninno; piita piisa ulfeenaadinni immakaatte.”

Maatiyoosi 6:13

Isase neeqa kela inon pahe diisheey, ekkaysumaappopa in kalshan [Mankisteeta ka hupna ka ulfeena, haka paraparati'i xaaytiiw. Ameen.’]

Luqaasi 2:14

“Moonta'e, Waaqa a ulfeessamo, piita qaraayye, orra a Waaqa ishootta jaalanno piisa'e nakayta a koddo.”

Yohaannisi 1:14

Sede qaaleta kidame nefo, nama kodde ka daassata Waaqa isho dukaata immakaade ka otantinno oppa kallaade. Ino ka a inna sene takkan a aappa ulfeena, a'appaaysho kapa qapan akkine.

Yohaannisi 12:41

Issayyaasi wa malla asse kide, qoota ulfeena Kiristoosi akke malla qoota Yesuusi desa sede haasawade.

Kodampaya 22:1

“Hellaanno ka aappadaannooyye! Tin amma malseetan ishin tura oorsanno, ana qara dakaya”

Kodampaya 23:7

Pawloosi ete sede haasawadeeyye, peeqqayta otanta a Feresaata isho a Saatuqaata oppa xa'e firtishoonkotase ka lakki qitte.

Kodampaya 7:1

Qeesittase kutta ka Istifaanosi kaassade ka kide, “Hela kuli wessen kidame dukaata?”

Qorontoosi a paayyota 2:8

Mukissampaya piisseti oppaayye, a ookumose upnaade takka nefo in co. Kadin i'upnaadene kiiteeyye, helani poqalla ulfeena' fannisni in heenne.

Efesooni 1:17

Aappa opa Poqallaanno a Yesuusi Kiristoosi Waaqase a ulfeena isha parpaaccisno, akka a qaran qapto isha upnaattane'e, akka hapura ookuma isho a olkela paata la'anno ishina' daasho'en qinsanni.

Tiito 2:13

Seden oori, kippeetase' xanno eeppisamte, deenasene a ulfeena a Waaqase' xanno kuttati a dinshampaytase' xanno a Yesuusi Kiristoosin asanna.

ipro 1:3

Isha la'ayta ulfeena Waaqa ka aynumaadinni Waaqa olliiyyi Waaqa keeto ka qaaletase' xaadi we' piisa ettaninnittonne piita piisa kammeela qape. Ka ete juppootoppa orra jaqqe kammaayye, moonteeyye harka a Waaqase we' piisa ettaninnooti'i akkitta' kuti'e.

ipro 11:8

Aprihaami, akka sooko ka piitase a lehanda teyyado oppopa aano'e ete halaameeyye, ayshopa akkima anno kadi punu in upniniiyyi, amanteetanne anta' ajajame.

Yayqoopi 2:1

Hellaanno a kiristaanatiiyyi, oton Yesuusi Kiristoosi, Poqallasene a ulfeena'e amannittaneeyye, nama takka takka qara qapa in kidan ka orra olqara an jaalshan.

Mataafa Iyyaasu 24:2

Iyyaasu ka samayta piisa haasawade ka kide “Waaqa Poqalla Isira'eeli ikiini, ‘Aappadaassin xatta a kirra Efraatiisi tula kalaneeyye killowwa'e sakataden. Ishootta nefo oppa takka Taara kidammo aappa opa Aprihaami isho a Naakoori ca.

Keleshaata 4:11

“Poqallaanno ka Waaqinno, qoota we piisa uumte malla, we piisa ka heennaatin uumamen. Ka caaden malla, kuttuma ka ulfeena ka hupna ke'e parpaaccisni.”