Kodampaya 6:9 - Mataafa Qulqulloota

⁹ Sitiiyyi tika a qinseeta orra Yihuta a tika qinseeta, “A orra nataan sooknooti” kidammo kara ka Qereenaayye ka orra Iskintiriya oppa ka Kilqiya isho Issiya kara, orra takka takka ka Istifaanosi qara' xa'e ka isha shiisha paayye. “Orra nataan sooke” Kideeta, orra a Yihuta a karpishshuma a orra piita pila kela sooke lelli.

Kodampaya 6:9 ပူးပေါင်းရင်းမြစ်များ

Maatiyoosi 10:17

Orra taanynyada turopa ishin tuukka ka tikkasene a orra a Yihuta a qinseeta kela ishin karafaay, orra kapa istoytaada.

Maatiyoosi 23:34

“Semmalla tooy, xuumampaya ka ookka isho kollissampayaan ishin oppopa erka; akka ishoottoppa a demo lessan ka a demo fannistan ka a demo tikkasene xaayshin a qinseeta kela oppa karaftan ka katama takkane desa a pila opa kamma daantan.

Maatiyoosi 27:32

Ka ete tikase kara sooknaaneeyye, Qereenitta takka Simooni kiinaan akken ka irreetan qara masqalase a Yesuusi xayshen.

Mariqoosi 13:9

“Ishina mattaayshina isi tooytaada. Orra firti shoonkota turopa ishin tuukka; ka tikkasene a qinseeta a orra a Yihuta kela ishin karafa, akka maakkiyyaayyo kodditanexe ishina ka ana minan mukissampaya isho nuqussa tura'e, firteeta qa'attan.

Luqaasi 21:12

Ma xoori a sede piisa in koddinin turanne, orra ishina qaqqapa ka ishin kamma daana ka tikkasene a qinseeta a orra Yihuta isho tika hida opa ishin tarpisha ka qoota maxxiyyo malla saarra piita isho nuqussa turopa ishin qeeda.

Kodampaya 11:20

a koddito ma orrase amanno a Qobbiroosi isho Qereena de'e demo, ete Ansookkiyaapa aaneneeyye, qoota Poqalla Yesuusi desa isasene Yihutaata in koddinin kuli'i otootase a fayya torren.

Kodampaya 13:1

Tika kiristaana a Ansookkiya kara kitto karaayye xuumampaya ka orra a qaaleta Waaqa torrino isho a kollinno ca. Ishootta nefo Parnaapaasi ka Simoonise Ipoori kidammo. Ka Qereenittase Lukiyoosi ka Minahese, Herodiisise mankisteeta qudaayye paka afratta ukkummo olli qohame isho Sawuli.

Kodampaya 13:45

Yihutaata ete lekuma a samaytaseti akkiteeyye, yootanne immakaatte ka haasa Pawloosi shiishni ka isha onni.

Kodampaya 15:23

Ka taptaappetase taafamte ishootta qara erken. Taptaappese nefo ikiini, “Ino hellaassina a kiristaana, a erkamampaya isho qimoota koddeetiiyyi, ishina orra a Yihutaata in koddinini oppa hellaanno a kiristaana kodde, ka Ansookkiya ka Sooriya isho Kiliqiya kara kalaati'i, nakaytan erkininna.

Kodampaya 15:41

Ka tikka a kiristaana kokkonnassaanne Sooriya isho Kiliqiya karan tarpe.

Kodampaya 16:6

Pawloosi isho Sillaasi akka piita Issiya kara qaalese in torrinini'i, qoota Hapura Qulqulloota ishootta dawre malla, piita Firkiya isho Kelaatiya oppanne tarpen.

Kodampaya 18:24

Yihutitta takka Iskintiriya kara' dalade Appiloosi kidamo ka piita Efesooni opa de'e. Isha nama mataaffa qulqulloota qanqannissa kollade ka haasa fayya saha.

Kodampaya 19:10

Pawloosi haka para lakki mina kitto kara'e kodoose kode. Sitiiyyi Yihutaata isho orra Yihutaata in koddinin a Issiya kara kalo piisa ka qaaleta Poqalla dakaya ettanshe.

Kodampaya 19:26

namoose Pawloosi kiinaan xoori, ikiini ‘Pahanadda a nama harkan kode, waaqaddaan.’ Ka a Efesooni patta in koddinin maliiyyi, akka piitadda lamaya mali, piitadda a Issiya pisa oppa, samayta kuttayta a atta co isi kelopa tiitaysade ka amansiise, ishina mattaayshin i'akkiten ka dakayten.

Kodampaya 21:27

Ete kuyyawwasene tappa dikkatta kela foolsatteeyye, Yihutaata a Issiyaayye deete, qoota tika qulqulloota kela Pawloosi akkite malla, samayta piisa xa'isse ka Pawloosi qapte,

Kodampaya 21:39

Pawloosi ka ishi kide, “Anti an Yihutitta a Terseesi katamasene a kurraaysho dakaanna Kilqiya kara caati delade. Atara akkan samayseti haasawado'e, ana' faqqate.”

Kodampaya 22:19

Anti ka kide, ‘Poqallaay! Akkiman tikkasene a qinseeta a orra a Yihuta kara pora aane ka a ke amanna hide ka oppa qide, ishootta mattaayshoti i'upan.

Kodampaya 22:3

“Anti an Yihutitta a katamasene a Terseesi Kiliqiya kara caati delade; ma katamoosen a Yursaalami kara'en kuttade. Kollissampaytiiyyo nefo Kemaliyaali, anka seera aappada qanqannissa kollade ka akkama awwe ishina yoota qaptan mina'e anti asseew Waaqa yoota qapnaade

Kodampaya 23:34

Mukissampaytase a piita ete taptaappetase nappape kammaayye, Pawloosi kaassade ka kide, “Atti a nama piita aysha?” Ka ete akkima nama piita Kilqiya kodde upnaadeeyye,

Kodampaya 24:18

An kodoose koonooyyeew, ikka tika qulqulloota kela ana teyen. Anti sitiiyyin taanteta jaqqaysuma dikkishe. Ana olliiyyi samayta kuttayta in co; umma horayta in xaane.

Kodampaya 26:11

Ka a lekatin akka tikkasene a qinseeta a orra Yihuta kela qatta'aman ka poqalla qara afa otitta haasawadan; ishootta kitteessini ka ishootta qara a kuttati miirode. Ka katamadda a piita pilaati oppopa anni ka ishootta kamma daanni.”

Kodampaya 6:10

Ma xoori ookuma isho hapura Istifaanosi ishin haasawanno mina' oorissa in ettaninne.

Qorontoosi a paayyota 1:20

Ka kuli ooka aysha ca? Kollissampayta seera ka aysha ca? A piisse kara qorro ka aysha ca? Hela Waaqa ookuma piisseti eepuma'en koone?

Kelaatiya 1:21

Sekkammaayyeew piita Sooriya isho a Kilqiya opan aane.