Kodampaya 5:41 - Mataafa Qulqulloota

⁴¹ Erkamampayasene' xoori qoota maxxa Yesuusi malla jeera teyyattaappa kayen malla, xasoottaanne firtishoonkotase tura sooken ka tawen.

Kodampaya 5:41 ပူးပေါင်းရင်းမြစ်များ

Xuuma Issayyaasi 51:7

Ishina, samayta a seeriyyo karitta kara qapooyye, ka hanqeetiyyo upnaadeeyye, anopa dakkaysada! Miiddota orra in fuuran ka otittaaysho' tura in tammaqan.

Xuuma Issayyaasi 61:10

Anti Waaqannen xasooda; ka Waaqiyyon a kuttati' xasooda, maana malla akka hemampayta diirta' parroota siranno, enenta a hemammitto ka furootaadi sirannitto mina'e, Waaqa ohaata dina' ana uwwishe, ka kaappa hanqeelluma ana' kalsheey.

Xuuma Issayyaasi 65:14

Tin, orxayaayyo xasa a karittaaysho kara dakaanno minanne sammaran, ishina'ew nyarrahata a karittaayshin kara dakaanno minanne' pooytan ka qoota hapuraayshin karanxata miiddame malla, kiitane, ‘Oo ino kido!’

Xuuma Issayyaasi 66:5

Ishina qaaleta Waaqa' turaayye xarra, qaaletaadi dakaya. Waaqa ikiini, “Hellaasene xaayshin a diira ishin needdanna ka maxxiyyo malla alle ishin daanna, ikidane, ‘Akkan ishina a xasoonna akkino'e, intoonno Waaqa a ulfeenaadi akkishooy;’ Ma a jeera qara' pi'a ishoottaaw.

Luqaasi 6:22

“Ana inna nama minanne oto orra ishin needdannooyye ka issippa ishin seerrooyye ka ishin kojeessinooyye ka maxxaayshin patinnooyye, i'eeppisamten.

Yohaannisi 15:21

Qoota a ana erke in upnin malla, ana minanne se piisa ishin qara' kooni.

Kodampaya 21:13

Pawloosi xoori i'orshe ka kide, “Maana'e asse pooynittan ka karittiiyyo nyarrahasiisnittan? Anti maxxa Poqalla Yesuusi malla Yursaalami kara hidama pattan ma, toota kuli in harmisade.”

Kodampaya 5:21

Erkamampayasene ka ajajase teyyaden ka paraappan tika qulqulloota kelopa kullen ka kollissa paayyen. Sitiiyyi qeesittase kutta isho isasene isha olli ca ka de'en ka firtishoonkota isho qimoota a Yihuta piisa takka ollopa halen ka akka erkamampayaan de'ane'e, tika hida opa orra erken.

Roomi 5:3

Sede pattanne ma rakkoota kela akkan duupatta teyno qootan upno malla, rakkootinno kulin jeejjanninna.

Qorontoosi a lammatta 12:10

Oton nukkullayta koddinooyye, qootan hupna akkanno malla, oton qoota Kiristoosi malla, kafannooyye ka otammooyye ka rakkannooyye ka pora daanammooyye ka qaapan kupannooyye, in xasoonni.

Filippisiyuusi 1:29

Wa malla sede qoota Kiristoosi desa ishina' daasamte, akka isha amantan patta mallanne ma, akka isha malla rakkattan kuli malla.

ipro 10:34

Ishina akka teyaanta aakto ka pata in qapnin moonte qaptan qoota upnaatten malla, orra hidame i'suraysatten ka ete wa' qaptane ishin tura sarameneeyye, i'duupatten ka rakkoose xasan teyyatten.

ipro 12:2

Keerittinno nefo, Yesuusise amanteetinno paayye ka quda qaja dawre tooyaannen keerra. Isha, xasa a isha tura' xaayame minaanne, jeera a masqala qara to'eta a weti in diknin mali, rakkoota masqala isho a toota' duupade ka suufaana Waaqati akkitta' kute'e.

Yayqoopi 1:2

Hellaanno a kiristaanatiiyyi! oto ekkaysuma ika lekayta ishin qara' kaynaaneeyye, akkima wa ishin xasanna' teyten kapa' dikada.

Yohaannisi a sessatta 1:7

Ishootta ete koda Kiristoosi koda' pora' xaananeeyye orra Yihutaata in koddinin qaraayye qaarqaarta takka nefo in akkanne.