Kodampaya 5:16 - Mataafa Qulqulloota

¹⁶ Orra ka katamadda Yursaalami kapan desa ca oppaayye, paaqolayaasso isho a hapurra nenneeqaatin payyahana ollopan deeni, Piisa ka dinni.

Kodampaya 5:16 ပူးပေါင်းရင်းမြစ်များ

Maatiyoosi 2:16

Sekkammaayye Herodiisi ete akkima tooyampaya a hikka moonta isha sassapadene upnaadeeyye, a kuttati miirode. Ka Peteleheemi isho palewwa a kapan desa caa piisa opa Foolisootaadi erke, ka sapanase a tooyampaya hikka moonta qara upnaade qara'e, Peteleheemi isho piitada a kapandesa ca karaayye hella diira a para lakki pire ka a kelopaxata ca piisa leyshaccise.

Maatiyoosi 4:24

Qoota kurraadi piita Sooriya pisoppa dakaade malla; orra ka a paaqa isho deesa ika lekaytan miidamma ka a orriyyaan qapame ka a mawna isho totoonnaya piisan isha kapopan de'e; isha ka ishootta dinshe.

Maatiyoosi 8:16

Ete shishshipteeyye, ikka a orriyyaan qapame lekayaan isha kapopa de'en. Ikka qaaletaadin ishootta kara hapurrasene nenneeqa sookshe ka paaqolayasene piisa dinshe.

Luqaasi 5:17

Kuyyaata takkaayye Yesuusi a kollinnooyye, Feresaata isho kollissampaya a seera ka eeyye kuti'en. Ishootta palewwa Kelila isho a Yihuta pisoppa ka katama Yursaalami karaayye ollopa de'en; Yesuusi hupnase a Poqalla, a paaqolayaan dininno qapa.

Luqaasi 6:18

Orra hapurra nenneeqaatin qapame ka rakkanno ka deeni ka dinni.

Luqaasi 9:11

Samayta ete Yesuusi ayysha akka co upnaadeeyye, isha kamma'e aane. Isha ka ishootta teyyade ka qoota mankisteeta Waaqati desa ishootta kollishe ka orra paaqa kela dina fade ka de'e piisa dinshe.

Yohaannisi 14:12

Anti dukaatannen ishina' kiini, nama ana amanno, koda an anti koono koda ka laadi a se qara qapo koda. Anti Waaqa Aappa kapopan anni.

Kodampaya 4:30

Maxxa a Yesuusi a innasene xaayti a qulqullittatinni paaqolaya akka dinan ka wa orra qawwanna isho daxxowwa akka koddanne'e, hupnaayti akkishe.”

Kodampaya 5:15

Orra ka paaqolaya lekaya porra kapopa sookinni ka qoolla isho shabbada qara' mukinni. Wa malla asse koonaanne' nefo, oto Peetiroosi eeppa desa tarpinooyye, qoota kaattillaytaadi nefo paaqolaya demo qara pi'o malla.

Kodampaya 5:17

Qeesittase kutta isho isasene Saatuqaatoppa ca ka isha quda kodde yootanne immakaaden ka erkamampaya qara' xa'en.

Qorontoosi a paayyota 12:9

Hapuroose takka'ew ka nama takka amanteeta daanni ka nama pilaati'iw, daassawwa dinissa' daanni.

Yayqoopi 5:16

Semmalla akka' dintane'e, juppootaayshin oli tura' lelada ka olli' qinsada. Qinseeta a hanqeellita nama, wa kutta'e kooni.