Kodampaya 5:11 - Mataafa Qulqulloota

¹¹ Tika Kiristaana isho orra sede dakaye piisa ka harmo' fuure.

Kodampaya 5:11 ပူးပေါင်းရင်းမြစ်များ

Mataafa Masmuureta 89:7

Xora qulqullowwa oppaayye Waaqa a kuttati fuurammi; ka a isha kapandesa ca' piisa oppa a kuttati ulfeessammi.

Xuuma Ermiyaasi 32:40

Akka ishootta ana kamma alle'en tiitaawnini'i; akkan ishootta paxaarumta kodeeta an diinnini'in ishootta olli kodayteeta parapara kodada ka fuurameetiyyo karittaaysho kara' xaaya.

Kodampaya 19:17

Qoota sede Yihutaata isho orra Yihutaata in koddinin a Efesooni kara kalo' dakaatte malla, pisani fuuren. Maxxa a Poqalla Yesuusi nefo ka akuttaati ulfeessame.

Kodampaya 2:43

Sitiiyyi harka erkamampaya Yesuusi oppa'e qoota wa orra qawwanna ka daxxowwa lekaya kodammaan malla, orra piisa fuuraan immakaade.

Kodampaya 5:5

Hanaaniya ete nessoose dakayeeyye, ipi'e ka to'e. Orra sede dakaye piisa ka harmo' fuure.

Kodampaya 9:31

Tikase a kiristaana piita Yihuta ka a Kelila isho a Samaariya pisa oppa kitto ka nakayta akkatte ka japaatte ka Poqalla ulfeessaanne ka Hapura Qulqullootatinni xasa oorsattaanne, lekumaan kuttatte.

Filippisiyuusi 2:12

Semmalla moottadaayyooyye! an ishin kapa cooyye, akkima awta piisa ajajammittan mina'e. An amma ishin kapa pora seka cooyye, akka a qaran qapto ajajamtane'en ishin dehaammi. Semmalla ishna takka takkaayye, fuura ka xareetan dinaayshin dikkisha.

ipro 11:7

Qoota wa sitiiyyi ildaan akkaanni in kinniniti desa Waaqa ete turadesaaw ishi' leleeyye Noohe Waaqa fuuretanne, toolaadin paha'e, amanteetan markapa kode, amanteeta Noohe minanne piita akka juppolayteeta koddite ikka upnaysamte ka qara' faratamte. Noohe ka hanqeellumasene amanteeta qudan teyanna' lehade.

ipro 12:15

Ishin oppa, akka nama takka nefo'e, daassata Waaqa in kalinnini'i tooytaada. Ka akka hittina a dalta haddaawnito dallo ishin oppa in dehenin ka ishina in rakkaccisnin ka orra lekayta in nyalinnini'i, isi tooytaada.

ipro 12:28

Semmalla, ino' qootan mankisteetase lelleheni in kinnin lehanno malla, Waaqa kalataysanna ka saanta a isha xasannittonne isha ulfeessa ka fuureetanne isha kela koda koona.

ipro 4:1

Se malla porase a nessumaadi a ino' daanno oppopa kalta'e, kippeeta an teyyanne qoota amma ikkiti kitto malla, ishin oppa nama takka nefo a nessumaadi oppopa kalta'e faroota in dapnini'i piisani tooytaanna.

Petroosi a paayyota 1:17

Waaqase orra olqara jaalinni in kinnin ka nama piisa akka kodaadi' mina' faranno'e, oto “Aappo” kiinittan ka haleenittaneeyye, piisse a xaykuma oppaayye, oto kalayta kodditen ka kallaannittaneeyye, isha fuuraan kallaada.

Keleshaata 15:4

Poqallaay, ata ayno ke fuurri in kinnin ka maxxaayti ulfeessini in kinnin? Ke pattan qulqullitta. Kodaayti a hanqeeta qoota akkaade malla, lekna piisa de'a ka ke tura sakatada.”