Kodampaya 4:32 - Mataafa Qulqulloota

³² Orra amanno piisa karitta takka ka dikatta takka qapa, Umma nama takka nefo wa issi kiina'e, “Ini xayyo,” In qapo. Otantaaysho oppa we qapane' piisa a olturatta'ew.

Kodampaya 4:32 ပူးပေါင်းရင်းမြစ်များ

Mataafa Otoowwa a lammatta 30:12

Akkimoose mina'ew, Waaqa ka akka Yihutaata karitta takka qapnaatto ka qaaleta Waaqa qara'e ajaja a nuqusa isho a saarraadi dakayto ka koda qara nakasso kode.

Xuuma Ermiyaasi 32:39

Akka ishootta isho hellaasso paxaarumta akkadane'e, anti karitta takka ka dikatta takkan ishootta' daasha; ikka awta piisa ana fuuran.

Yohaannisi 17:11

Anti arepa desa piita qara'e an kallaado; ishootta' xoori piita qara caan, anti ke kapopan deeni. Aappo Qulqullitto, sene a ana' daasse akkima xanno mina takka koddane'e maxxase' xaayti a ana' daassen ishootta tooyte.

Kodampaya 1:14

Sene piisa ka awta piisa qinseeta'e ollopa anni. Ishootta qudaayyeew iskatta takka takka ka Maariyaami aayya opa Yesuusi isho hellaa opa Yesuusi ca.

Kodampaya 2:1

Ete xayso nessuma kundda kenatta' kayteeyye, tamaarewwa piisa takka'e pora takka opopa ollopa aanen.

Kodampaya 5:12

Erkamampaya wa orra qawwanna isho daxxowwa lekaya otanta samayta oppa' kooni; orra amanno piisa ka karitta takkan silayta Selomooni kelopa ollopa anni.

Roomi 12:5

akkimoose mina'e, ino a leka, Kiristoosinni an dakinta takka; qootan meella a dakinta takka' koddine malla, meela piisa matta mina'e olkarandesa saare.

Qorontoosi a paayyota 1:10

Hellaanno a kiristaanatiiyyi, olli' qiteeta ishin oppa in kinnaannin. Piisani olli' kala ka dikatta takka ka karitta takka qapnaada ka kallaadan kiini ka maxxa Poqallaanno a Yesuusi Kiristoosin ishin naappanni.

Qorontoosi a lammatta 13:11

Arepadesa hellaanno a kiristaanatiiyyi! Nakaytan cada. Ka qaja mali kallaada ka dehamiyyo dakaya ka afaa olli' dakaya ka nakaytan kallaada. Waaqase a jaalala ka a nakayta ishin olli caadaay.

Filippisiyuusi 1:27

Ishina' xoori akka otootase a fayya a Kiristoosi parpaaccisnitto qara' kallaada; sitiiyyi oori kadin punu de'a ka ildaan ishin akkaayye, taaki ishin kapa sekaada ka qootaayshinaayye desa dakayna nefooyye, akka hapura takka qara kokkonnaatten ka qa'atten ka karitta takkan amanteeta otootase a fayya orra qaran kaya' soonnittan in upnaada.

Petroosi a paayyota 3:8

Arepa desa oori, piisanti, olli kaleetan kallaada ka rakkoota nama takka a mattaayshina' mina' dikada. Ka jaalala hellaa toolatin oli jaalada; ka a orra suraysanna ka naalaya kodda.

Petroosi a paayyota 4:11

Nama a kollinno akka qaaleta Waaqa' kollinno mina a kollisho. Nama koda qaarqaarsa' koonoow, hupna a Waaqa ishi' daannon kodo. Seden oori Waaqa Yesuusi Kiristoosi qudanne we' piisoppa kalataysama. Ulfeena isho ukkumeeta a haka paraparati ishi' kodden. Ameen!