Kodampaya 3:1 - Mataafa Qulqulloota

¹ Kuyyaata takkaayye Peetiroosi isho Yohaannisi eta a qinseetati saateta sakal qaraayye, tika qulqulloota opa aanen.

Kodampaya 3:1 ပူးပေါင်းရင်းမြစ်များ

Mataafa a Nuqussa a paayyota 18:36

Ete etasene a kalisoota kalaakala kayteeyye, xuumampaytase Eeliyaasi ka dehaade ka qinsade ka kide, “Oo Waaqa Aprihaami ka a Hisaaqi ka a Yayqoopi atti akkima Waaqa Isira'eeli koddite, antikkan an orxaytaayti ka wossen piisa qaaletaaytin kode, awwe a upnaysamto.

Mataafa Masmuureta 55:17

Teykante ka kuyyaate ka kalaakalaayye, rakkootiyyon ishi' lelada; ikka nessiyyo dakaya.

Mataafa Sooketa 29:39

Laaha takka teykanteeyye kalisoota kalshe; ka takka kalaakalaayye kalshe.

Xuuma Taani'eeli 6:10

Taani'eeli kadii punu akka ajajoose' taafame, kobbeeta ka kamma' toommamte dakayeeyye, fooqotaadi qaropa fayyade. Maskootewwa fooqetaadi qinda Yursaalami opa panama ka akka turan kuyyaatoppa sessaan qinsanno mina'e, Waaqaadi tura kilpiippanni ka kuyyaatoppa' sessaan Waaqa qinsanni ka isha kalataysanni.

Xuuma Taani'eeli 9:21

An qinseetase oppaaw cooyye Kepreelise anturan kelashaatoppan akke a kalisoota kallapta' dehannaane ana kapopa moonte xata keerittan deete.

Mataafa Dikoota 28:4

laha takka teykante kalissan ka takka shishshipe kalissan.

Maatiyoosi 17:1

Kuyyaata lehi kammaayye, Yesuusi Peetiroosi isho Yayqoopi ka inna opa Yayqoopi Yohaannisi isquda qeede ka ishootta pattan irroota takka kutta qaropa fayyade.

Maatiyoosi 26:37

Ka Peetiroosi isho hella Saptiyoosi lakki isi quda qeede ka nyarrahata ka qaapeeta paayye.

Maatiyoosi 27:45

Saateta lehi paayyatteeyye haka saateta sakaliti'i, piita piisa ka tukkantaawte;

Luqaasi 1:10

Oto tikase a qulqulloota kela tankarta qayyannaaneeyye, samayta piisa laka tula'e qa'anni ka Waaqa qinsanni.

Luqaasi 18:10

“Nama lakki tika qulqulloota kelopa qinseeta aane; takka Feresitta, takka'ew nama qarata qaratino.

Luqaasi 22:8

Yesuusi ka Peetiroosi isho Yohaannisi erke ka ishootta kide, “Akkan eetotose a qaran tarpeeta dammo'e aana ka ino' harmisha.”

Luqaasi 24:53

Ka Waaqaaw kalataysanni, umma kuyyaata piisa tika qulqulloota kelaayye dapni in caan.

Yohaannisi 21:7

Sitiiyyi tamaarittase a Yesuusi' jaalanno ka Peetiroosi' kide, “Ha Poqalla!” Simoon-Peetiroosi ka ete nessa a kiino Ha Poqalla dakayeeyye, qoota koda malla mehaddaadi isi quda sooksade malla, eennow mehaddaadi kalsade ka pakateetoppopa shore.

Kodampaya 10:3

Kuyyaata takkaayye, a letta saateta sakal mina kittooyye a erkampattoota Waaqa isha kapopa kullinitto ka isha haleenitto ka kiinitto “Qorneloosi!” Keleshaatappan fayya akke.

Kodampaya 10:30

Qorneloosi ka kide, “Kuyyaata afuri turanne esse saateta sakal qaran tikiyyoppa Waaqa qinsanni, tin an isqara an upniniiyyi, nama takka mehadda pippildaawna kalsade ka ana tura qa'ade;

Kodampaya 2:46

Ka awta piisa tika qulqlloota' kelopa ollopa anni ka tikkaassotiiyyi oltura laaqqota moossanni ka xasootta ka karitta fayyaatin dammi.

Kodampaya 3:3

namoose ete Peetiroosi isho Yohaannisi a tika qulqulloota opa kullina akke ka ishootta qaraayye kaaja qinsanni.

Kodampaya 3:4

Ishootta ka isha quda ilda koden. Peetiroosi ka ishi' kide, “Inopa tooyyado.”

Kodampaya 4:13

Orra firtishoonkota ete akkima Peetiroosi isho Yohaannisi maxanyumaan haasawaden akkeneeyye, akka orra an tamaarrin ka xaaysho qara' co kodden, qoota upnaaden malla, oppa'e qawwaawen. Ka akkima turan Yesuusi olli caan upnaaden.

Kodampaya 5:25

Sitiiyyi nama takka ka de'e ka ishootta' lele ka kide, “Ha orrase a ishina' tika hida kelopa kalissen, tin paapaha tika qulqulloota oppa'e qaqqa'aden ka eyyeeyye orra kollinni.”

Kodampaya 8:14

Erkamampayasene Yursaalami kara ca, akkima orra Samaariya qaaleta Waaqa teyyade ete dakayeneeyye Peetiroosi isho Yohaannisi ishootta erken.

Kelaatiya 2:9

Saarrasene tuudda pappaha ka akkaanna, Yayqoopi ka Peetiroosi isho Yohaannisi, akka Waaqa daassataadin a koda a xawwi' desa ana' daashe ete upnaadeneeyye, akka ana isho Parnaapaasi olli takkumta qapan akkissa'e, harka inooyye qeeden ka akkan ino orra a Yihutaata in koddinin oppopa anno, ishootta ka Yihutaatoppopa aanane'e, owsaden.