Kodampaya 27:1 - Mataafa Qulqulloota

¹ Akkan piita Taaliya opa markapan anno ete piisamteeyye motoloqittase Yuuliyoosi kidammo ka kita a xelase a oranna a Awkistoosi kara co'e, Pawloosi isho orra hidame a xata hase sarakkapen.

Kodampaya 27:1 ပူးပေါင်းရင်းမြစ်များ

Mataafa Uumata 50:20

Ishina keeto wa neeqa ana qara' dikattenema, orrose awwe co piisa akka toota kela paho'e Waaqa a paxaaraati oorshe.

Mataafa Masmuureta 33:11

Waaqa wa itturopa koda' piisade, haka a paraparati'i qa'anni; dikatta satataadi' nefo haka xeltadaati kayni.

Mataafa Masmuureta 76:10

Miira nama' mikka, ulfeenaayti koddini; a miira kela hase nefo ka xaysonessumaatti ulfeessini.

Mataafa Pahana 19:21

Karitta nama karaayye dikatta lekayta ca; a koddino xoori dikatta a Waaqa.

Pooyta Ermiyaasi 3:27

Nama kadi innuman qampara haadannaayye, ipaxaari.

Xuuma Taani'eeli 4:35

ha orra piita qara kalo piisa isha turaayye we'en isha erkampattowwa moonta isho samayta piita qara kalo kuli qara'e wa heena' kooni umma wa heena akka in koonini nama isha dawrino taaki isha' kiino maana' kooni? Takka nefo in co.

Maatiyoosi 27:54

Motolaqasene isho orrase isha olliiyyi Yesuusi tooytino ete lellehaytase a piita isho wa kodde akkeneeyye, harmo'e fuuren ka kidene, “Ha namoose dukaatannen inna a Waaqa.”

Luqaasi 23:47

Motolaqitta a eyye co ete wa kodde akkeeyye, ikide “Namoose dukaatannen hanqeelitta” Ka Waaqa ulfeesse.

Luqaasi 7:2

Motolaqa takkan a piita Roomi ka eeyye ca; orxaytaadi a jaalanno ka paaqini ka toota qara kaye.

Kodampaya 10:1

Nama takka Qorneloosi kidammo katama qiisaariya karaayye kala. Isha nefo xela oranna a Roomi karaayye kita takkan kita Taaliya kidamma oppaayye motolaqa.

Kodampaya 10:22

Ishootta ka ishi kidene, “Ino Qernelewoosi motoloqitta kapan deene, isha samayta Yihuta piisa isha ulfeessini, ikka nama paxaara a Waaqa waaqaysanno, akka tikaadipa ke halacciiso ka wa kiinitta ke qara dakayo'e, erkampattoota a qulqullaawte ishi' lelte.”

Kodampaya 16:10

Ete Pawloosi keleshaatase akke kammaayye, anka eennow Meqedooniyapa anta faane; sede nefo akkan orra Meqedooniyaati otootase a fayya kollinno'e akka Poqalla ino hale qootan upnaanne malla.

Kodampaya 18:2

ka eyye'e, Yihutitta takka Pentoosi dalade, Aqilla kidammo akke. Qoota Qelaawdoosi nuqusase a Roomi kutta, akka Yihutaata piisa Roomi kara sookto ajaje malla, Aqiila isi kateetaadi Pirisqilla ollinni siti Taaliya kara sooken. Pawloosi ka ishootta kapopa aane ka oli upnaaden.

Kodampaya 19:21

Ete sede piisa koddite kammaayye, Pawloosi piita Meqedooniya isho a Akayiyya oppan tarpeeta ka Yursaalamipa anta isi karan xata dikade ka kide, “Oton eyye kayo kammaayye, katama Roomi opa anta ana faani.”

Kodampaya 21:32

Semmalla isha ka xelaadi a oranna isho Motolaqaddaadi isi kamma qeede ka jarjartan orrase kapopa keerittan awwle. Orrase ete ajajampaytase isho xelase a oranna akkeeyye, Pawloosi qiditta diishen.

Kodampaya 22:26

Motolaqittase ete sede dakayeeyye, ajajampaytase kapopa aane ka ishi kide, “Ata maana koota? Ha namoose nama Roomi!”

Kodampaya 23:11

Parraytaadi halkeetteeyye, Poqalla ka Pawloosi kapa qa'ade ka ishi kide, “Japaado, akkima Yursaalami kara ana maakkumte mina'e, asseew Roomi kara ana maakkuma ke parpaaccisniiy.”

Kodampaya 23:17

Pawloosi ka motoloqaddaappa takka hale ka ishi kide, “innoosen wa ajajampaytase a xela orannaati lelanie, qapaneey, isha kapopan aane”

Kodampaya 24:23

Ka motolaqasene Pawloosi tooytinaati kide, “Isha tooyte ma, hakaseti qara an kokkonnaadan. Ka oto moottadaadi wa ishi parpaaccisnaatin ishi deenaaneeyye, qara in dawran.”

Kodampaya 25:12

Sitiiyyi Fiistoosi ka orrase isha dehaammo olli haasawade ka Pawloosi kide, “Oton qeesaari nuqusase kutta a Roomi qaropa ikipaanynyeta kaassatteeyye, nuqusase kutta turopa i'anta.”

Kodampaya 25:25

Anti xoori dapa a minan to'o, takka nefo an qara an teyne. Isha qoota, ‘Qeesaari nuqusase kutta a Roomi qaropa ikipaanynyeta kaassade’ mallan, eeyyepa isha erka piisade.

Kodampaya 27:11

Motolaqasene xoori, dehaamta Pawloosi kapaayye wa aappa a markapa qullo isho wa aappa a markapa kiinaane'ew dakayni.

Kodampaya 27:43

Motolaqittase xoori, qoota Pawloosin paha fade malla, dikattaaysho in teyyanne ma, laadi orra a pisha daana saho akka tura qatto ka markapoppaayye pakateetoppopa shoshshoro ka piitoppopa sooko'e ajaje.

Kodampaya 27:6

Eyyeeyye motoloqittase ka markapa a Iskindiriya, a piita Taaliya opa anno akke ka oppa ino fayyishe.

Kodampaya 28:1

Eten nakaytan piitoppa kayne kammaayye, piitoose otanta pakateeta kara kitto an oppa kayne akkima Maalta kidammitton upnaanne.

Kodampaya 28:16

Eten Roomi kayneeyye, Pawloosi foolisitta a isha tooyto takka ishi daasame. Akka xawwa kallaado'e, ikka ishi faqqatamte.

ipro 13:24

Saarraassin isho qulqullowwa piisa'e, nakaytiyyo lela. Kiristaana a piita Taaliyaati de'e piisa, nakayta ishina' erkini.