Kodampaya 26:12 - Mataafa Qulqulloota

¹² “Ka qootose malla saarra qeesewwa qaraayye, hupna ukkumeeta immakkoota, isho ajaja teyyade ka Tamaasqopa anni.

Kodampaya 26:12 ပူးပေါင်းရင်းမြစ်များ

Xuuma Issayyaasi 10:1

A seera neeqa sookinna ka taantewwa a miiddotan immakaade' taafna, oo ishootta kido!

Xuuma Ermiyaasi 26:8

Ma xoori Ermiyaasi akka samayta piisa haasawado'e, qaalese a Waaqa isha ajaje piisa ete haasawade ka dikkishe kammaayye, qeesewwa ka xuumampaya isho samayta piisa, Ermiyaasi qapen ka kidene, “Atti toota ke parpaaccisni.”

Yohaannisi 11:57

Se maliiyyiiw saarra qeesewwa isho Feresaata akka Yesuusi qapeeta ettanshane'e pora a isha oppa co nama upo oton icaayye akka ishootta akkisho'e nama piisa ajajen.”

Kodampaya 26:10

Ka Yursaalami kara sedeew kode; hupna a ukkumeeta an saarra qeesewwa qara teyyadenne, orra amanno oppaayye akka orra lekayta hidamo'en kode. Ka ete ishootta lennaaneeyye, a ishootta lenna olli parkume.

Kodampaya 26:13

Nuquso, eten poroppa cooyye, olliqqootta kuyyaatatiiyyi, anka la'ayta, a pirtota qara qapo akke. La'ayse nefo ana isho orra ana olli anno qara'e moonte xata la'aye.

Qorontoosi a paayyota 15:8

Ka piraampira qaraayyeew, anase akkima saldeessa' mina kodde kuli' akkaadeew.