Kodampaya 22:5 - Mataafa Qulqulloota

⁵ Sede akkima dukaata koddite qeesitta kutta isho qimoota a firti shonkoota piisa ana maakkuma. Ka laadi akkiman orrose Tamaasqo kara co hido ka Yursaalami opan deena ka qattasiissa ettansho'e, taaptaappeta a orraaysho a Tamaasqo kara cooti taafen ishootta qara teyyade.

Kodampaya 22:5 ပူးပေါင်းရင်းမြစ်များ

Luqaasi 22:66

Ete pariteeyye, qimoota piita ka saarra qeesewwa isho kollissampaya a seera ollopa aanen. Ka Yesuusi isi turopa dehayshen.

Kodampaya 1:15

Sitiiyyi, Peetiroosi ka orra amanno a nama dippa ka kunda lakki mina' co oppeela qa'ade ka kide,

Kodampaya 13:26

“Ishina a sanynyeeta Aprihaami oppaayye dalade hellaannooyye ka ishin a Yihutaata in koddinini a Waaqa fuurraatiiyyi, ha qaalese a dina ino'e erkamte.

Kodampaya 2:29

“Hellaanno, Taawwitise a aappadaanno a xatta oppa takka kodde akkima to'e ka hawlame, hawlaadi nefo ka amma ikki are ino oppaayye co, ana la'aysho ka ishina' lelo.

Kodampaya 22:1

“Hellaanno ka aappadaannooyye! Tin amma malseetan ishin tura oorsanno, ana qara dakaya”

Kodampaya 23:1

Pawloosi ka firtishoonkotase quda ilda kode ka kide, “Hellaanno! anti haka awweti a karittiiyyo ana qootinni in kinnin malin fuula Waaqa tura kallaade”

Kodampaya 23:6

Pawloosi, orra eyye co oppaayye, paka takka akkima Saatuqaata kodde, paka takka ka Feresaata kodde upnaade ka nessaadi kuttishe ka firtishoonkotoppeela haasawade ka kide, “Hellaanno anti an Feresitta a Feresaattoppa dalade! Tin amma waan malla firteeta turoopa dehaade nefo, kippeetase daasamte isho tootoppa xaana a orra le'eti minanne.”

Kodampaya 26:10

Ka Yursaalami kara sedeew kode; hupna a ukkumeeta an saarra qeesewwa qara teyyadenne, orra amanno oppaayye akka orra lekayta hidamo'en kode. Ka ete ishootta lennaaneeyye, a ishootta lenna olli parkume.

Kodampaya 26:11

Ka a lekatin akka tikkasene a qinseeta a orra Yihuta kela qatta'aman ka poqalla qara afa otitta haasawadan; ishootta kitteessini ka ishootta qara a kuttati miirode. Ka katamadda a piita pilaati oppopa anni ka ishootta kamma daanni.”

Kodampaya 26:12

“Ka qootose malla saarra qeesewwa qaraayye, hupna ukkumeeta immakkoota, isho ajaja teyyade ka Tamaasqopa anni.

Kodampaya 28:17

Kuyyaata sessa kammaayye Pawloosi ka orra a Yihuta a Roomi kara kalo a kukutta halacciise ka ete ollopa de'eneeyye, ishootta kide, “Hellaanno, anti ishin dapayta an samayta Isira'eeli isho taanteta a aappadaannoti qara kode takka nefo in kitto. A koddito ma Yerusaalami kara'en hidme ka orra Roomi turopa tuukkame.

Kodampaya 28:21

Ishootta ka ishi oorshen ka kidene, “Piita Yihutaati desa taptaappeta a qootaayti desa taafamte ino qara in kayne, umma orra Yihutaayye arepa de'eppa nama qootaayti desa wa neeqa torre taakki haasawade takka nefo in co.

Kodampaya 3:17

“Amma nefoow, hellaannooyye! Wa a Yesuusi qara' kootene a saarraassina mina akka a upnin mali kooten in upa.

Kodampaya 4:5

Parraytaadiiyyi saarra a Yihuta qimoota isho kollissampaya a seera Yursaalami karopa olopa aanen.

Kodampaya 5:21

Erkamampayasene ka ajajase teyyaden ka paraappan tika qulqulloota kelopa kullen ka kollissa paayyen. Sitiiyyi qeesittase kutta isho isasene isha olli ca ka de'en ka firtishoonkota isho qimoota a Yihuta piisa takka ollopa halen ka akka erkamampayaan de'ane'e, tika hida opa orra erken.

Kodampaya 9:14

Ka are karaayye akka orra a maxxaayti haleeno piisa hido'e, saarra qeesewwa qara hupna ukkumeeta teyyade.”

Kelaatiya 1:13

Xatta an amanteeta Yihutaatatin kallaannooyye, a kuttati'in tika kiristaana a Waaqa pora daanni ka patissa faani.

Filippisiyuusi 3:6

Qoota seera' yoota qapnaattaati desaaw, anti a tika kiristaana pora daanno; qoota seera tooytattaan hanqeellaawati desaaw, qaja malin caade.

Timotoosi a paayyota 4:14

Awta xuuma qootaayti desa lelameeyye, qimaya tika kiristaana ka harkaaysho ke qara' qapadeneeyye, daassatase a Hapura ke' daasamte ke karaayye kitto in teyman.