Kodampaya 20:2 - Mataafa Qulqulloota

² ka porroosen a oppan tarrpina oppa orra amane dehaamta a kuttan kokkonnassaanne, piita Kiriiki opa aane.

Kodampaya 20:2 ပူးပေါင်းရင်းမြစ်များ

Xuuma Sakkaariyaasi 9:13

Yihutan akka paanta' mina' kodada ka Efreemi akka lawa' mina tittada; oo Siyyooni! Hellaattin oranna' xaasha ka akka koraateta a maxanyawwa' mina ke kodada; akka hellaa Kirikki qara' xaata.”

Luqaasi 3:18

Yohaannisi ka asse pora lekaytan orrase dehaammi ka, otootase a fayya torrini.

Kodampaya 14:22

Ka piitaddoosen piisa oppaayye orra amanno akka amanteetayshotin japaado kokkonnassa ka dehaamanne, Ishootta kollishen ka kidene, “Mankisteeta Waaqa opa kalta'e rakkoota a kutta akkatta ino faani.”

Kodampaya 15:41

Ka tikka a kiristaana kokkonnassaanne Sooriya isho Kiliqiya karan tarpe.

Kodampaya 16:12

Ka eyye xaaneew ka Filippisiyuusi kayne. Filippisiyuusi katama kutta a Meqedooniya kara ca; orra Roomi ka oppa kallaanni ka ishootta piddini. Anka katamoosen kara eta lamayta pirre.

Kodampaya 17:1

Pawloosi isho Sillaasi katama Anfipoolisi ka katama Abolooniya oppanne tarpen ka Teseloonqepa aanen. Eyyeyye tikase a qinseeta a orra a Yihuta'e ca.

Kodampaya 17:10

Hellaa kiristaana ka halkeetteeyye, akka Pawloosi isho Sillaasi jarjartan Peeriyaapa aanane koden. Ete eeyye kayeneeyye, tikase a qinseeta a orra Yihuta kelopa kullen.

Kodampaya 2:40

Ka qaaleta pila lekayteeta ishootta' maakkume ka turadesaaw ishootta dehaame ka kide, “Qitaateta quumarose a xelta qara' kaynitto kelaayye issin paha!”

Kodampaya 20:1

Ete horaytase jaw kide kammaayye, Pawloosi orra amanno takka ollopa halacciise ka qaaleta dehaamtatin ishootta' xasa oorshe ka kapa xa'e, ka Meqedooniyaapa aane

Kodampaya 20:11

Pawloosi ka fooqeetase qaropa tiitaawe ka fayyade ka laaqqota moossade ka orra amanno olli dame ka ete haka parinitto kara orrase olli haasawade kammaayye tawe.

Kodampaya 20:3

Ka eyye leya sessa pire ka sekamma piita Sooriya opa markapan anta dikade. ma ete akka Yihutaata isha qara sullaata koote upaadeeyye, qinda Meqedooniyaatinni alle tiitawa' piisade.

Qorontoosi a paayyota 4:19

A koddito ma oton iPoqalla kideeyye, dehaynittoppa'en ishin kapopa de'a ka orroose isi peepno haasaasso patta in koddinin maliiyyi, hupnaaysho kuli upnaatta faani.

Qolaasiisi 1:28

Akkan nama piisa matta mina a Kiristoosin qaja dape' koono ka dehanno'e, nama piisae ookuma piisa kollissa ka dehaamannen qoota Kiristoosi desa torrininna.

Teseloonqe a paayyota 2:11

Akkima aappa hellaadi' koono mina'e, ino akkiman ishin takka takka' koone i''uptan.

Teseloonqe a paayyota 2:3

Waan ino ishin dehaamminna, kamma dapeeta taaki ishina neequmta dikatta an qapno; umma ishin sassapatta ino an faane.

Teseloonqe a paayyota 4:1

Hellaanno a kiristaanatiiyyi! piraampira qaraayyeew Waaqa xasassa'e, atta kallaatta akkima ishina parpaaccisnitto ino qara ikkollatten ka amma se qara kallaannittan; Waan Poqalla Yesuusin ishin naappanninna ka ishin dehaamminna' nefo, a turan kooten qaropa akka' jaalissan ka kootan.