Kodampaya 2:20 - Mataafa Qulqulloota

²⁰ Kuyyaatase a Poqalla' kutta ka orra qawwannitto a in kaynin turan, Piirtota itukkanta, Leya ka diika pahanaada.

Kodampaya 2:20 ပူးပေါင်းရင်းမြစ်များ

Xuuma Issayyaasi 13:10

Hiikka a moonta quda' isho kitaddaasso in la'ayan; letta nefo oto piirtooyye itukkantaawta; leya umma la'ayta in daasho.

Xuuma Issayyaasi 13:15

Nama a poojame piisa dotama; nama a qapame piisa ka koraatetan leysama.

Xuuma Issayyaasi 13:9

Piita a lulte hatissa'e ka qara juppoolaya pira'e, tin kuyyaatase a Waaqa nyiraamayteeta koddite ka aara isho miira a kuttan immakaatte, idesa kayte.

Xuuma Issayyaasi 24:23

Waaqa a we piisa ettaninno, qoota irroota Siyyooni isho a Yursaalami qara nuqusumo malla, piirtota ishishshipta; leya la'ayta in daasho; ishakka qimayaadi tura ulfeenaadi akkisha.

Xuuma Issayyaasi 34:8

maana malla Waaqa kuyyaata oppa haalota pooyyo qapaay ka para oppaayye Siyyooni qara qato qapadeey.

Xuuma Ermiyaasi 4:23

Piitan tooye ikka pissa in qapnin; ka lulle kitta; anka moontandela tooyyade ikka la'ayta in qapnin.

Xuuma Iyyu'eeli 2:1

Kuyyaatase a Waaqa' qoota dehaatte malla, ishina irrootase' xayyo qulqullaawte Siyyooni qara xata; kaasa dawa ka pora ullupa, orra piita qara kalo piisa ka tammaqtan xaro.

Xuuma Iyyu'eeli 2:31

A kuyyaatase a Waaqa kokkoka orra fuurinnitto in kaynin turan, letta itukkantaawta, leya ka diika kodda.

Xuuma Iyyu'eeli 3:14

Kuyyaatase a oppa Waaqa naabase a dapa murayta' kara dapa muro ikayte; samayta akata leka ka eyyepa ollopa xore.

Xuuma Amoosi 8:9

Waaqase piisa qara qapo ikkini “Awse akka letta ayaassa oppa dumto'en koda, piita ka tukkantaawta.

Xuuma Milkiyaasi 4:5

Ha anti kuyyaatase xayyo a Waaqa kutta ka orra fuurinnitto a in deenin turannen, xuumampaytase Eeliyaasi ishina' erka.

Maatiyoosi 24:29

Kammadesa Yesuusi ikide, “Kuyyawwosen a rakkoota kammaayye, letta eennow tukkantaawta, leya umma in la'ayo; hikka ka moonte seehan, hupnada a moonta nefo ka yaaqyaaqan.

Maatiyoosi 27:45

Saateta lehi paayyatteeyye haka saateta sakaliti'i, piita piisa ka tukkantaawte;

Mariqoosi 13:24

“Sitiiyyi rakkoose piisa kammaayye, piirtota itukkanta, umma leyaa in la'ayo;

Luqaasi 21:25

Kamma desa Yesuusi ikide, “Milikkitadda orra qawwanna'e piirtota ka leya isho hikka qara akkaada. Piita qara samayta piisa ka, nessase pakateeta isho puppeeta kara xaano ka orra tammaqinno qaran xaate'e fuura ka qaapa.

Kodampaya 2:19

Illi moonta quda'e daxxowwan koda. Ka xati piita qara'e wa orra qawwanna akkisha, Diika ka apitta isho qayanqayoota qayya ka akkaatta.

Kodampaya 2:21

A maxxa Poqalla haleeno pisa ka dina.’ Akka dikkatto malla.

Qorontoosi a paayyota 5:5

kuyyaata a Poqalla Yesuusi firteeta' deenooyye dakintose a namaseti juppootan immakaatte akka patto napseetaadi ka pahato'e, seetana turopa isha tuukka ishin parpaaccisni.

Teseloonqe a paayyota 5:2

Kuyyaata Poqalla akka kera halkeette deeno mina akka koddito, ishina' mattaayshina fayya'e uptan.

Petiroosi a lammatta 3:10

Kuyyaata poqalla' xoori a opa isi qara in upnin mali a kera' mina' deeta; kuyyaasetiiyyi moontada nessa a kuttanne patan. Uumata piisa apittanne kupada ka pata, piita isho wa piita qara ca' piisa ka kupadan.

Petiroosi a lammatta 3:7

Orra a Waaqa waaqaysanni in kinnin kuyyaatase a firteeta a oppaayye piita isho moonta a amma kitto patto kara'e apitta' tooytaaman ka jaran.

Keleshaata 16:8

Erkampattoota afratta ka kuppaayyaadi piirtota qara tuqteew. Akka piirtota xaalaytaadin orra kukkupto'e, hupna ka ishi daasame.

Keleshaata 6:12

Sekkammaayye ete laahase kobbeeta lehatta' paneeyye, ishopan tooyyade. Piita ka a kuttati lellehte. Piirtota ka akka ohaata dapteeta a poora' mina poornaatte, leya pisa ka akka diika mina' tiimnaade.