Kodampaya 2:10 - Mataafa Qulqulloota

¹⁰ ka a Firkiya ka a Binfiliya ka a Kipsi ka a awrajjadda Liipiya a piita Qereena kapan desa ca oppan kalla; ino Yihutaata a Roome deete isho ino a amanteeta Yihuta oppopa oore areen kinna.

Kodampaya 2:10 ပူးပေါင်းရင်းမြစ်များ

Mataafa Uumata 12:10

Sitiiyyi loota piita Kene'aani oppa' de'e; Apiraami ka lootase tura piita Kipsi opa paqe.

Mataafa Asteeri 8:17

Piitadda isho palewwa a oppa saleeta a nuqusa' salisamte piisa oppaayye, Yihutaata'e kuyyaata xasa'e koddite; ikka xasan ulfeessen; orra piitaddoosen kara co qoota orra a Yihuta fuure malla, orra lekayta orra a Yihutaata quda kodde.

Xuuma Ermiyaasi 46:9

Ishina fartadaayye, kulufa; ishina sarakeelladdaayye duuta, xormeeta kontaleeta qapannitto, a Toobba ka a Liipiya, ka xormeetase a Liitiya a paantaan torpa sahato erka.’

Xuuma Ermiyaasi 9:26

Kipseeta ka Yihutaata ka Etoometa ka Amooneta ka Mo'aapeta isho isasene dapnanna quda kooshanna ka koommaytoppa kala piisa; ka sanynyeeta Isira'eeli kuli, solbatta karittaayshoti in muranneey asseewwen qatta'a.”

Xuuma Hisqeeli 30:5

Piita Toobba ka Fuuti ka a Liidiya ka a Liipiya isho a Arapa' piisa ka samaytase ana olli kodayteeta qapo kuli, Kipsi olliiyyiiw takka orannaappa' pirama.”

Xuuma Taani'eeli 11:43

Ka piita a Kipsi kara warqeeta ka sipla dakara isho teyanta kitto piisa harkadippopa oorsada ka piita Liipiya isho a Toobbiya kuli isi kelopaaw oorsada.

Hoose'i 11:1

Waaqa amma nefo ikiini, “Samayta a Isira'eeli, a innume coyyewwen isha jaalade ka piita Kipsitiiyyi innaayyo halaade.

Xuuma Sakkaariyaasi 8:20

Waaqase we piisa ettaninno ikiini, “Samayta kuttayta isho orra a katamadda lekayaappa kalo amma Yursaalamipa de'a.

Xuuma Sakkaariyaasi 8:23

Waaqase we piisa ettaninno ikiini, “Kuyyawwosenetiiyyi, kaffa ka afadda lekayaappa nama kudani ka kayla ohaata nama a Yihuta takka kokkonnaysha ka qapa ka kida, ‘Akkima Waaqa ishin olli co in dakayneey, ino ishin olli eeyyepa anno?’”

Maatiyoosi 2:15

Ka haka Herodiisi toono kara'e eyye jare. sede nefo wa malla asse koddite qaalese a Waaqa xuumampayta qudan kide, “Innaayyon piita Kipsiti hale” Akka dikkatto malla.

Maatiyoosi 23:15

Pappahanassampayaay, Feresaateeyye isho kollissampaya a seeratiiyyi, oo ishin kido! Ishina nama takka amanteetaayshin oppopa kalissa'e piitadda isho pakatewwa qara pora tittiitaawnittan ka oto nama takka amanteetaayshin oppopa kalissan kammaayye, akka ishin qaropa harka lakki apittase libbini in kinnini opopa kalta harmisado koonittan.

Maatiyoosi 27:32

Ka ete tikase kara sooknaaneeyye, Qereenitta takka Simooni kiinaan akken ka irreetan qara masqalase a Yesuusi xayshen.

Mariqoosi 15:21

Ka ete annaaneeyye Qerenitta takka, Simooni kidammo aappa opa Iskindiri isho a Ruufosi, a xaadi kantadaayye katamaappopa kallo akken ka akka irreetan masqalase a Yesuusi xaysado koden.

Kodampaya 11:20

a koddito ma orrase amanno a Qobbiroosi isho Qereena de'e demo, ete Ansookkiyaapa aaneneeyye, qoota Poqalla Yesuusi desa isasene Yihutaata in koddinin kuli'i otootase a fayya torren.

Kodampaya 13:1

Tika kiristaana a Ansookkiya kara kitto karaayye xuumampaya ka orra a qaaleta Waaqa torrino isho a kollinno ca. Ishootta nefo Parnaapaasi ka Simoonise Ipoori kidammo. Ka Qereenittase Lukiyoosi ka Minahese, Herodiisise mankisteeta qudaayye paka afratta ukkummo olli qohame isho Sawuli.

Kodampaya 13:13

Sekkammaayye Pawloosi isho orra a isha quda co markapoppe fayyaden ka Baafu desa katamasene a Berke Binfiliya kara ca opa aanen. Yohaannisise Maariqoosi kidammo xoori eyye'e ishootta diishe ka Yursaalamipa tiitaawe.

Kodampaya 13:43

Ete tikase a qinseeta orra Yihuta kela orra sookeeyye, orra Yihuta isho orra amanteeta a Yihutaata teyyade ka Waaqa Waaqaysanno lekayta Pawloosi isho Parnapaasi kamma aane; Pawloosi isho Parnaapasi ka orrase kollishen. Ka akka daassata Waaqan japadan ka kallaadane'e ishootta dehaamen.

Kodampaya 14:24

Ka Pisdiya opan tarpen ka Binfiliyaapa aanen.

Kodampaya 15:38

Pawloosi xoori, namoose akka ishootta olli aano in heennaanne. Wa malla in heennannini nefo, qoota isha Binfiliya kara ishootta diishe ka kodaappa ishootta kamma tiitawe malla.

Kodampaya 16:6

Pawloosi isho Sillaasi akka piita Issiya kara qaalese in torrinini'i, qoota Hapura Qulqulloota ishootta dawre malla, piita Firkiya isho Kelaatiya oppanne tarpen.

Kodampaya 17:21

Orra Ateena kara kalo isho hapta eyye kalo piisa ka asse kide; wa malla asse kidene nefo, wa haaraya kodde haasawatta ka dakkaysatta quda kiseetaaysho tarpinnaan malla.

Kodampaya 18:2

ka eyye'e, Yihutitta takka Pentoosi dalade, Aqilla kidammo akke. Qoota Qelaawdoosi nuqusase a Roomi kutta, akka Yihutaata piisa Roomi kara sookto ajaje malla, Aqiila isi kateetaadi Pirisqilla ollinni siti Taaliya kara sooken. Pawloosi ka ishootta kapopa aane ka oli upnaaden.

Kodampaya 18:23

Ka eyye shakkayteeta' jare ka sekkammaayye piita Kelaatiya isho a Firkiya kara porra lekaya oppa titiitaawe ka orra amanno kokkonnayshe.

Kodampaya 2:11

Ka akkamose mina'ew orra piita Qerteesi isho a Arapa ka caaw, tin ino piisanti anka ishootta kodaase a Waaqa kutta afaaddannon torrina dakayninna!”

Kodampaya 23:11

Parraytaadi halkeetteeyye, Poqalla ka Pawloosi kapa qa'ade ka ishi kide, “Japaado, akkima Yursaalami kara ana maakkumte mina'e, asseew Roomi kara ana maakkuma ke parpaaccisniiy.”

Kodampaya 27:5

Ka eten pakateetase Kiliqiya isho Binfiliya kapa kitto tuulline kammaayye, Mura katamasene piita Liiqiya kara ca kayne.

Kodampaya 28:15

Orra amanno a Roomi kara co, ete qoota deenaannoti desa dakayeeyye, haka urmala Afiyoosi isho haka porase ‘Tikka sene a mukitta sessa’ kidammati ino mina de'en. Pawloosi ete ishootta akkeeyye, Waaqa kalataysade ka xasa oorsade.

Kodampaya 6:5

Wessen a kidene ka orra piisa xasayshen, sene are kammopa xata ca ka reexxamen; ishootta' nefo Istifaanoosise amanteeta isho Hapura Qulqullootatin immakaade ka Filippoosi ka Birokoroosi ka Niqaarooni ka Timoona ka Permena isho Ansookkittase Niqolawoosi isase amanteeta Yihutaata teyyade ka reexxamen.

Kodampaya 6:9

Sitiiyyi tika a qinseeta orra Yihuta a tika qinseeta, “A orra nataan sooknooti” kidammo kara ka Qereenaayye ka orra Iskintiriya oppa ka Kilqiya isho Issiya kara, orra takka takka ka Istifaanosi qara' xa'e ka isha shiisha paayye. “Orra nataan sooke” Kideeta, orra a Yihuta a karpishshuma a orra piita pila kela sooke lelli.

Roomi 1:15

Semmalla ishina a piita Roomi kara kala kuli'in, otootase a fayya kollissa xajeelli.

Roomi 1:7

Semmalla, ishina Roomi kara kala, a Waaqa ishin jaalade ka akka Qulqullowwa kodditane ishin halaade pisaayye, Waaqa Aappinno isho Poqallaanno Yesuusi Kiristoosi kapaayye a daassata isho nakayta ishina' kodden.

Timotoosi a lammatta 1:17

Sekapaayye laadi a Roomipa de'eeyye, a kuttati ana fade ka ana teye.

Keleshaata 11:8

Pukkaaysho ka paapahase a katama kutta oppa seeha katamoosen nefo oto pahanaan haleenaaneeyye Sotoomi taaki Kipsi kidammi. Katamoosen nefo, katamasene a Poqallaasso kara fannisame.