Kodampaya 19:9 - Mataafa Qulqulloota

⁹ Ma xoori ete a demo kamtoollaya kodden ka samayta tura saanta Poqalla onnaan ka an amanno kideneeyye, ishootta kapa alle sekaade ka orra amanno xawwi qeede ka tika takka kutta a Tiranoosi kelaayye awta piisa ishootta kollinni.

Kodampaya 19:9 ပူးပေါင်းရင်းမြစ်များ

Mataafa a Nuqussa a lammatta 17:14

Ishootta xoori akka aappadaasso Waaqa Poqallaassoti amanama tiiten ka xolma kappishen mina'e ishi dakaya itiiten.

Mataafa Otoowwa a lammatta 30:8

Ka a aappadaassina mina'e xolma in kokkonnayshan; Waaqa afa dakaya; ka tikase xaadi qulqullaawte isase a haka paraparati xawwi reexxe opa xooya! Ka akka miirase xaadi orra fuurinno ishin qare in kayninni'i, Waaqa Poqallaassina koda koda.

Mataafa Otoowwa a lammatta 36:16

Ishootta ka haka miira Waaqa samayta qara xaano, wa ishoottan paha ka dapannaane'e, orrase a Waaqa erke qara seesni; ka qaaletaadi tuffanni; ka xuumampaya Waaqa kojeessini.

Mataafa a Nehimya 9:29

Ka akka seeraayti qaropa tiitaawane'e, kokkonnasse ka ishootta dehaamte. Ishootta' xoori isi peepen ka ajajaayti puyaden. Ka isase a seeraayti tooytadan ka caadan kapaayye, juppoota koda kamma' kamen. Ka tulta ke' katen ka xolma kokshen ka ke dakaya tiiten.

Mataafa Masmuureta 95:8

“Akkimase a koommaytoppaayye piita Mariipa ka a Masahi kara' kooten mina'e, karittaayshin in kokkonnayshan;

Mataafa Pahana 8:34

Nama ana dakayno ka kuyyaata piisa xarriyyopa desaaw tooyanno ka kuleenta xarriyyo oppa' asanno, a eeppisame.

Xuuma Issayyaasi 8:14

Isha' pora a' kela' pahanaan a qulqulluma'e kodda; ma xoori samayta Yihuta isho a Isira'eeliti'i, daka orra kehaytinno ka shila orra kanno kodda ka Yursaalami'i turuura ka naata kodda.

Xuuma Ermiyaasi 19:15

“Waaqa Poqalla we piisa ettaninno Waaqase a Isira'eeli asse kiini, ‘Qoota xolmaasso kokkonnayshen ka afaayyo dakaya tiiten malla, tin anti, neequmtan katamoosen isho paleewwaadi a kapandesa ca qara salishen ishootta qara' qeeda.’”

Xuuma Ermiyaasi 7:26

Ishootta xoori anan dakayne; ka qanqannissa dakkaysatta in heennaanne; laaddi xolmaasso'e kokkonnayshen ka neequmta a aappadaasso koden qaran qapnayshen ka neequmta koden.

Maatiyoosi 15:14

Ishootta diisha, ishootta orra joole ka orra pila a joole pora akkinnooy; oton nama joole a joole a pila tura qanni ka ishi pora akkinniiyyi, piisani qaawa karopa sehni.”

Maatiyoosi 16:4

Xelta neeqa ka amanammi in kinnin milikkita akkaaw faani milikkita a xuumampaytase a Yoonaasi mali milikkita a pila ishetta'en daasamo” Ka alle ishootta kapa aane.

Maatiyoosi 26:55

Etosenetiiyyi Yesuusi ka samaytaseti kide, “Hela akkima tiyyoolayta qapnaan mina'e, koraatewwa isho kumaya pohatten ka ana qapa deetene? An tika qulqulloota kela kuyyaata piisa kollinnooyye, ishina ana a qapne.

Yohaannisi 12:40

“Akka ildaassotinni in akkinini'i, ka karittaaysho' kara matte in qapnaannini'i, ka desa in oorrin ikka ishootta in dininnini'i, Waaqa ildaasso' lulshe ka karittaaysho daka' kode.”

Kodampaya 11:26

Ka ete isha teyeeyye, Ansookkiyaapa ishin de'e ka lamattiiyyi, para takka kumma tika Kiristaana quda kinnaaden ka orra lekayta kollishen. Orra amanno ka paayyota qara, Ansookkiya kara'e “Kiristaana” kidame ka halaame.

Kodampaya 14:4

Orra katama kara kalo xoori, lakki'i qite; paka takka ka Yihutaata quda kodde; paka takka ka erkamampaya quda kodde.

Kodampaya 17:4

Yihutaata oppa orra demo ka qaalese teyyade ka Pawloosi isho Sillaasi qudopa oore. Ka akkimose mina'ew Yihutaata a Waaqa Waaqaysannitto oppa a'akata leka isho iskatta lekayta a katamaappa upanaysame lekayta ka qaalese teyyade ka ishootta qudopaaw oore.

Kodampaya 19:23

Sitiiyyi qootose a saant Poqalla minanne, horayta kuttayta ka Efesooni kara' xa'e.

Kodampaya 19:30

Pawloosi samaytoppopa anta fade ma xoori orra amanno akka in annini isha dawre!

Kodampaya 20:31

Semmalla ishina takka takkaayye sede an para sessa halkeetta ka kuyyaate ilmaamaayyo urqissan ishin dehaame, matte oorsada ka tooytaada.

Kodampaya 22:4

Ka orra amanteeta kiristinna kamma anno piisa haka tootati kamma daanni. Ka diira isho iskatta qaqqapni ka akka tika hida karopa kalne kooni.

Kodampaya 24:21

Keeton otantaaysho oppa qa'ade ka nessa kuttishe ka kide, ‘Qootan kide, tootoppa xaana a orra le'eti icaan mallan awwe ishin turopa firteeta dehaade,’ se mali waan kode a pila in caan.”

Kodampaya 28:22

Amanteese a ati kamma annitto porra piisoppa orra akkima toorro in upna. Semmalla dikattaayti maana akka kodde dakaya in heenna.”

Kodampaya 7:51

Ishina kamtollayaayye, ishina a karittaayshin dundune, nappaassin ka dakkaawene, ishina akka aappadaassina mina'ew awta piisa Hapura Qulqulloota' toorrittan!

Kodampaya 9:2

ka oto orra asaanta poqalla kamma anno, diira isho iskatta, akkooyye, akka hido ka Yursaalamipan deena ettansho'e, akka taptapeta, tikka qinseeta a orra a Yihuta a Tamaasqo kara caati taafamto ka ishi daasamto'e qeesitta kutta kaassade.

Roomi 11:7

Ka kuli maana kamma de'e? Isira'eeleta, wa faate in akkanne. A reexxame xoori wa fadene i'akkaden, a ata hase' xoori karittaaysho'e dundunshen.

Roomi 9:18

Semmalla Waaqa nama ishi' diissata heeno'e, idiinni ka nama a kamtoollayta koda heeno kamtoollayta' kooni.

Qorontoosi a paayyota 16:9

Xarra palda a koda kutta qapo ana' paname, toorampaya xoori ileki.

Timotoosi a paayyota 6:5

isho shiishsha a qa'atta in qapnini a orra mattaaysho' nyale dukaata ka tura' patte koona; orra asse paho, Waaqa fuureeta saanta a ishin teyanta akkannaane ishootta' pahata.

Timotoosi a lammatta 1:15

A piita Issiya kara ca' piisa akka alle ana diishen i''upta; Fikeluusi isho Hermokenesi kuli ishoottoppaaw caan.

Timotoosi a lammatta 3:5

A Waaqa waaqaysanna'e pahanaadan, ma xoori hupnaadi imarmadan. Sene asse paha kapa sekaado.

Timotoosi a lammatta 4:2

qaalese torre, kadi punu ettanta ka ettana diissaayye, eta piisaayye a japaanno kodde ka la'assaanne ka fukkanne ka dehaamaanne, a kuttati' duupatta ka kollissaan japaado.

ipro 3:13

Se kapaayye, ishin oppaayye nama takka nefo akka in sassapatammin ka karittaadi kamtollayta in koonini'i, kiseetose “Awwe” kidamte haka kitto kara'e, kuyyaata piisa oli dehaama.

Petiroosi a lammatta 2:12

Kollissampayoosen a darta xoori, wa matte in qapnini qaraayye orra onni; ishootta pinaanasene turuuroppa qapama ka ishshama dalade ka wa ishootta kara dakaannatin kallaanna ka dikatta in qapnini mina. Akka pinaanoosen patan mina'e, ishootta asseew patan ka dapadan.

Petiroosi a lammatta 2:2

Seminan lekaya ka saantaaysho a jeera kamma anni; kodaaysho minanne saanta dukaata ka otammi.

Yihuta 1:10

Orrose' xoori wa matte in qapnini onni. A pinaana mattan dikatta in qapnini mina'e, kadi punu wa uumatan ishootta dakaannaatin wa upane caan nefooyye, ishinni patan.