Kodampaya 17:4 - Mataafa Qulqulloota

⁴ Yihutaata oppa orra demo ka qaalese teyyade ka Pawloosi isho Sillaasi qudopa oore. Ka akkimose mina'ew Yihutaata a Waaqa Waaqaysannitto oppa a'akata leka isho iskatta lekayta a katamaappa upanaysame lekayta ka qaalese teyyade ka ishootta qudopaaw oore.

Kodampaya 17:4 ပူးပေါင်းရင်းမြစ်များ

Mataafa Pahana 13:20

A ooka olli anno, ooka koddini; mootta eeppa xoori, rakkoota isha qara kayni.

Mataafa Pahana 9:6

Saanta kallaata a innumoppa alle diisha ka caada ka saanta paata qapatta oppan aana.

Masmuureta a masmuurewwa piisa qara jaallitto 6:1

Atti ke a iskatta piisa qaropa xarjaalluma' jaalte, ishase a' jaalatte hela ayshopa aane? Ishase a' jaalatte hela ayshandesa aane anka ollin faana?

Xuuma Sakkaariyaasi 2:11

Awsetiiyyi, samayta a piita lekayta'e Waaqa kapopa heeqqa ka samaytiyyo kodda; anka ishin oppa' kallaada.” Atti ka akka Waaqase we piisa ettaninno ke kapopa ana erke upnaatta.

Yohaannisi 7:35

Semmalla ukkumampaya a Yihuta ka olli kidene, “Akkan ino isha an teynini'i namoose ayshopa aana? Hela takka punu Yihutaatase Kirikketoppa paste oppopa aana ka orra a Waaqa amanni in kinnin kollisha?

Kodampaya 13:43

Ete tikase a qinseeta orra Yihuta kela orra sookeeyye, orra Yihuta isho orra amanteeta a Yihutaata teyyade ka Waaqa Waaqaysanno lekayta Pawloosi isho Parnapaasi kamma aane; Pawloosi isho Parnaapasi ka orrase kollishen. Ka akka daassata Waaqan japadan ka kallaadane'e ishootta dehaamen.

Kodampaya 13:50

Saarra Yihutaata xoori, teyantoolaya iskatta a amanteeta Yihutaatatin kallaanna isho katama appa orra a kukutta nyarrahasiisen ka akka Pawloosi isho Parnapaasi qara pora daanama xa'o koden. Ka piitaaysho oppa alle ishootta sookshen.

Kodampaya 14:1

Pawloosi isho Parnapaasi ollinni Iqooniyooni kara tikase a qinseeta a orra Yihuta kelopa kullen. Ka eyyeeyye haka Yihutaata kuttayteeta isho orra Yihutaata in koddinini oppaayye orra a akata kutta kollishen malla a akata leka ka amanen.

Kodampaya 14:4

Orra katama kara kalo xoori, lakki'i qite; paka takka ka Yihutaata quda kodde; paka takka ka erkamampaya quda kodde.

Kodampaya 15:22

Sekkammaayye erkamampaya ka qimoota isho orra a tika kiristaana piisa ollinni kodden ka xorase oppaayye orra lamayta reexen; ka Pawloosi isho Parnapaasi olliiyyi Ansookkiyaapa erkeeta piisaden. Ka semmalla Yihutaase Parsaapaasi kidammo isho Sillaasi isaasene hellaa kiristaana oppa saaruman peepamma reexxen.

Kodampaya 15:27

Waan ishina' taafne akka afa kulin qara' ishina lelane'e Yihuta isho Sillaasen erkine.

Kodampaya 15:32

Yihuta isho Sillaasi, qoota xuumampaya kodden malla, hellaasene a kiristaanati a kuttati xasa oorshen ka ishootta kokkonnayshen.

Kodampaya 15:40

Pawloosi xoori Sillaasi reexade ka ete hellaa a kiristaana Pawloosi daassata Poqallaati atara daashen kammaayye aane.

Kodampaya 16:3

Pawloosi qoota Timotoosi isi quda teyyatta ka anta fade malla, Yihutaata eeyye kitto minanne, akka dawra qara murado kode. Wa malla asse kode nefo, aappa opa Timootoosi akka Yihutitta in koddinin qoota upan malla ishootta minan asse kode.

Kodampaya 17:10

Hellaa kiristaana ka halkeetteeyye, akka Pawloosi isho Sillaasi jarjartan Peeriyaapa aanane koden. Ete eeyye kayeneeyye, tikase a qinseeta a orra Yihuta kelopa kullen.

Kodampaya 17:12

Semmalla ishootta oppa lekaya ka amanen. Orra a Yihutaata in koddinini oppaayye iskatta a teyantoode lekayta isho diira lekaya ka amanen.

Kodampaya 17:14

Sitiiyyi hellaa a kiristaana ka akka Pawloosi irra qara pakateeta kapopa aano koden. Sillaasi isho Timotoosi xoori, eyye Peeriya kara'ew hasen.

Kodampaya 17:17

Ka semmalla tikase a qinseeta a orra a Yihuta kelaayye Yihutaata ka orra Yihutaata in koddini a Waaqa waaqaysanno isho orra a kuyyaata mina moorappa akkino olli shiishni.

Kodampaya 17:34

Orra demo xoori isha quda kodde ka amane. Orrose amaneppaayye nama takka Diyonaasiyoosi kidammo, a xora a Ariyoosfaakoosi oppa takka kodde ka iskatteeta takka Demaarisi kidammitto isho orra pila kuli ishoottoppa caaw.

Kodampaya 18:4

Ka sampata mina'e, tikase a qinseeta a orra Yihuta opa anni ka haasawattaanne Yihutaata isho orra a Yihutaata in koddininiti oli kela la'anni.

Kodampaya 19:10

Pawloosi haka para lakki mina kitto kara'e kodoose kode. Sitiiyyi Yihutaata isho orra Yihutaata in koddinin a Issiya kara kalo piisa ka qaaleta Poqalla dakaya ettanshe.

Kodampaya 2:44

Orra amanno piisa takkumtan ollin kallaanni; wa qapane pisa kan a olturatta'ew.

Kodampaya 21:28

Ka ullupte ka kiite, “Isira'eleteeyye! Ino awla! A orrinno ka seerinno isho poroose are co toorro ka samayta piitadda oppa co piisa kollinno, namoose are co. Ka semaliiyyiiw, orra a Yihutaata in koddinin tika qulqulloota kelopa kullissaaanne porose qulqullaawe nyelshe.”

Kodampaya 28:24

Demo ka qaaleta a ishootta haasawade amanen; demo xoori in amane,

Kodampaya 4:23

Peetiroosi isho Yohaannisi ete furamen ka orraaysho oppopa tiitaaweneeyye, wa a saarra qeesewwa isho qimoota Yihuta ishootta' kidene piisa ishootta' lelen.

Qorontoosi a lammatta 8:5

Ishootta waan ino ishootta qara asanne qaropeela koden. Paayyota qara Poqalla'e isi daashen ka kamma desaaw, akka Waaqa heeno qara'e, ino isi daasheneew.