Kodampaya 17:2 - Mataafa Qulqulloota

² Pawloosi ka akka kollumaadi mina tikase a qinseeta kelopa kulle ka olikamma sampata sessa mataaffa qulqulloota oppa lelli ka samayta' la'anni.

Kodampaya 17:2 ပူးပေါင်းရင်းမြစ်များ

Xuuma Issayyaasi 1:18

Waaqa ikiini, “Xooya ka oli deexna; juppootaayshin kadi punu akka qalameeta' mina tiimiiyyi, a fuuttota' mina'en attaysha ka kadi punu akka a diika' mina tiimiiyyi, a apteenta' mina attaysha.

Maatiyoosi 26:24

Inna a nama akkima qootaadi desa taafamte mina'e ito'an; ma xoori namoose inna a nama qapsiiso, oo isha kido! namoose kati in dalannini ishi wayyi”

Luqaasi 4:16

Se kammaayye Yesuusi, piitase a Naasirati a oppa kuttadepa aane ka akka kollumaadi mina'e, kuyyaata sampata Yihutaati tikase xaaysho a qinseeta kelopa kulle; ka nappapa xa'e.

Yohaannisi 18:20

Yesuusi ka ishi oorshe ka kide, “Anti nama piisa'en la'ayshe ka haasawade ka tikkasene a qinseeta a Yihutaata kelopa ollopa annitta isho tika qulqulloota kela, awta piisa kollishe; umma waan dekandekatti haasawade takkan' nefo in caan;

Kodampaya 13:14

Ishootta ka Perke xa'en ka katamasene a Ansookkiya Bisdiya kara ca opa aanen ka kuyyaata a sampata Yihutaatiiyyi tikase a qinseeta a orra Yihuta kelopa kullen ka eeyye qa'en.

Kodampaya 13:5

Ka ete katama Salamiisi kayeneeyye, tikkasene a qinseeta a orra Yihuta karaayye qaaleta Waaqa kollishen. Yohaannisise Maariqoosi kidammo ka ishootta olliiw ca ka ishootta qaarqaarri.

Kodampaya 14:1

Pawloosi isho Parnapaasi ollinni Iqooniyooni kara tikase a qinseeta a orra Yihuta kelopa kullen. Ka eyyeeyye haka Yihutaata kuttayteeta isho orra Yihutaata in koddinini oppaayye orra a akata kutta kollishen malla a akata leka ka amanen.

Kodampaya 17:10

Hellaa kiristaana ka halkeetteeyye, akka Pawloosi isho Sillaasi jarjartan Peeriyaapa aanane koden. Ete eeyye kayeneeyye, tikase a qinseeta a orra Yihuta kelopa kullen.

Kodampaya 17:17

Ka semmalla tikase a qinseeta a orra a Yihuta kelaayye Yihutaata ka orra Yihutaata in koddini a Waaqa waaqaysanno isho orra a kuyyaata mina moorappa akkino olli shiishni.

Kodampaya 18:4

Ka sampata mina'e, tikase a qinseeta a orra Yihuta opa anni ka haasawattaanne Yihutaata isho orra a Yihutaata in koddininiti oli kela la'anni.

Kodampaya 19:8

Pawloosi ka tikase a qinseeta a orra Yihuta kelopa aane ka a leya sessa mina kitto kara'e, qoota mankisteeta Waaqati desa shiishshaanne ka samayta oli kela la'assane maxanyumaan kollinni.

Kodampaya 24:25

Ka ete Pawloosi qoota hanqeelluma ka qoota isi tooytaatta isho qoota firteetase deenittooti desa haasawadeeyye, tammaqe ka ishi kide, “Amma aane ka oto ana ettantooyyen eta pilaati ke halacciisaay.”

Kodampaya 28:23

Ka ete ishi xoora qapen kammaayye, lekumtan tika a isha kara kalopa de'en. Isha ka teykanti paayye ka haka kalaakalati qoota mankisteeta Waaqati desa ishootta maakkumaanne, dikattaadi ishootta la'ayshe. Ka ishootta amansiisa'e seera Muuse isho mataaffa xuumampaya oppa akkissaanne qoota Yesuusi desa ishootta la'ayshe.

Kodampaya 8:35

Filippoosi ka porose a mataafa qulqulloota qara paayye ka qoota Yesuusi desa otootase a fayya ishi torre.

Kodampaya 9:20

Sawuli ka eennow Tamaasqo karaayye tikkasene a qinseeta a orra a Yihuta kara kollissa paayye ka kide, “Yesuusi inna Waaqa.”

Qorontoosi a paayyota 15:3

Waasene' paayyota qara ca an teyyade ishoottan ishina' tarpishe; waan ishina' tarpishe' nefo, akkima mataafa qulqulloota' qara' taafamte mina'e, ikiini, Kiristoosi juppootinno malla to'e.

Mataafa Saamu'eeli a paayyota 12:7

Semmalla amma oori qa'ada anka qoota kodaddasene a dinissa Waaqa a ishin isho aappadaassina kode matte ishina oorsho ka fuula Waaqa tura ishin deexo.