Kodampaya 16:9 - Mataafa Qulqulloota

⁹ Eyyeeyye, halkeetteeyye Pawloosi ka keleshaatappan, nama takka a piita Meqedooniya a qa'ade ka isha naappanno ka kiino, “Meqedooniyaapa tuulle ka ino qaarqaare” akke.

Kodampaya 16:9 ပူးပေါင်းရင်းမြစ်များ

Kodampaya 10:3

Kuyyaata takkaayye, a letta saateta sakal mina kittooyye a erkampattoota Waaqa isha kapopa kullinitto ka isha haleenitto ka kiinitto “Qorneloosi!” Keleshaatappan fayya akke.

Kodampaya 10:30

Qorneloosi ka kide, “Kuyyaata afuri turanne esse saateta sakal qaran tikiyyoppa Waaqa qinsanni, tin an isqara an upniniiyyi, nama takka mehadda pippildaawna kalsade ka ana tura qa'ade;

Kodampaya 16:10

Ete Pawloosi keleshaatase akke kammaayye, anka eennow Meqedooniyapa anta faane; sede nefo akkan orra Meqedooniyaati otootase a fayya kollinno'e akka Poqalla ino hale qootan upnaanne malla.

Kodampaya 16:12

Ka eyye xaaneew ka Filippisiyuusi kayne. Filippisiyuusi katama kutta a Meqedooniya kara ca; orra Roomi ka oppa kallaanni ka ishootta piddini. Anka katamoosen kara eta lamayta pirre.

Kodampaya 18:5

Ete Sillaasi isho Timotoosi piita Meqedooniyaati de'eneeyye, Pawloosi kokkonnumaanne akka “Yesuusi Kiristoosi kodde” Yihutaata maakkummi ka kollinni.

Kodampaya 19:21

Ete sede piisa koddite kammaayye, Pawloosi piita Meqedooniya isho a Akayiyya oppan tarpeeta ka Yursaalamipa anta isi karan xata dikade ka kide, “Oton eyye kayo kammaayye, katama Roomi opa anta ana faani.”

Kodampaya 19:22

Ka semmalla orra isha qaarqaarro oppaayye nama lakki, Timotoosi isho Erastoosi Meqedooniyaapa erke ka isha mattaadi piita Issiya kara shakkayteeta' jare.

Kodampaya 19:29

Katamasene piisa ka yaaqyaaqen. Samayta ka Kaayiyoosi isho Aristirokoosi isasene Meqedooniya kara dalade ka moottada Pawloosi kodde ka isha olli pora anna lakki qape ka tinni ka pora oppopa samayta ollopa sooke opa ishoottan hire.

Kodampaya 20:1

Ete horaytase jaw kide kammaayye, Pawloosi orra amanno takka ollopa halacciise ka qaaleta dehaamtatin ishootta' xasa oorshe ka kapa xa'e, ka Meqedooniyaapa aane

Kodampaya 20:3

Ka eyye leya sessa pire ka sekamma piita Sooriya opa markapan anta dikade. ma ete akka Yihutaata isha qara sullaata koote upaadeeyye, qinda Meqedooniyaatinni alle tiitawa' piisade.

Kodampaya 27:2

Anka markapase a Adiramitiiyyooni a kamkamadda pakateeta Issiya mina ca opa anno oppa fayyanne ka anne; Aristirokoosi Meqedoonittase Teseloonqe kalo ka ino olli ca.

Kodampaya 9:38

Liida qoota Iyyoobbe kapa dehi malla, orra a Yesuusi amanno a Iyyoobbe kara co, ka akka Peetiroosi Liidaayye co dakaye ka nama lakki isha kamma erke ka kide, “Atara a jarrin mali jarjartan ino qaqqaapsado!”

Roomi 15:26

Sede nefo, qoota hellaa a kiristaana Meqedooniya isho Akkayiyyaayye ca, orra Waaqa a Yursaalami kara co oppaayye teekolaya caati heennaassotin qaarqaarsa poha' piisaden malla.

Qorontoosi a lammatta 11:9

An ishin kapa cooyye, oto rakkoota ana qara' kaytooyye, qoota hellaanno a kiristaana a Meqedooniyaayye de'e wa ana parpaaccisna' piisan ana qaarqaarraan malla, nama takka nefo qara' haadeta ana koddine. Haka ammati we takkan nefon ishin qara' haadeta an koddine, umma itturopa nefo; ishin qara' haadeta an koddo.

Qorontoosi a lammatta 12:7

Keleshaataddoosen kukutta' piisa qaropa qapa ana akkaadeetin akkan isi an peepnini'i, surumta a qeetta' mina ana donnitto dakintiyyo oppa ana' daasame. Ini ka erkampattoota seetana' koddite ka akkan isi an peepnini'i, ana miiddini ka ana suranni.

Qorontoosi a lammatta 7:5

An piita Meqedooniya kayne nefooyye, qinda piisa desa rakkowwa ino qara' kayen diisheey, nessuma takkan' nefo an akkanne. Laka tulan desa peeqqa ca, karan xata anka fuurrinna.

Qorontoosi a lammatta 8:1

Hellaanno a kiristaanatiiyyi! Daassata a Waaqa tikka kiristaana a piita Meqedooniya kara caati' daashe, akka upnaattane'en faaninna.

Qorontoosi a lammatta 9:2

Waan malla orra Meqedooniya kapa ishin jeejjaade ka kide “Orra Akkayiya parpali paayyatte qaarqaarsa koda'e iharmisade,” Qootan japaattaayshin upo malla; japaattaayishin ka orra pila nyarshe.

Mataafa oppa' Ooreta 30:13

“Akkan dakayno ka koono'e, ayno pakateeta tuulla ka ino qeeda?” Akka a kiinini'i, isheetta pakateete afa disiti in kitto.

Teseloonqe a paayyota 4:10

Hellaanno a kiristaana a piita Meqedooniya' piisa oppa ca' piisa' jaalannittan. A koddito ma hellaanno a kiristaanatiiyyi amma waan ishin dehamma, akka a qaran qapto ishootta jaalattan.