Kodampaya 14:2 - Mataafa Qulqulloota

² Yihutaata a in amannin xoori, orra a Yihutaata in koddininii nyarisse ka akka hella kiristaana qara needduma an xa'ane koote.

Kodampaya 14:2 ပူးပေါင်းရင်းမြစ်များ

Yohaannisi 3:36

Nama inna Waaqa amanno, caatta parapara'e qapa; nama a inna Waaqa amanni in kinnin xoori, miira Waaqa'e isha qara caada diisheey, caatta in akkado.”

Kodampaya 1:15

Sitiiyyi, Peetiroosi ka orra amanno a nama dippa ka kunda lakki mina' co oppeela qa'ade ka kide,

Kodampaya 13:45

Yihutaata ete lekuma a samaytaseti akkiteeyye, yootanne immakaatte ka haasa Pawloosi shiishni ka isha onni.

Kodampaya 13:50

Saarra Yihutaata xoori, teyantoolaya iskatta a amanteeta Yihutaatatin kallaanna isho katama appa orra a kukutta nyarrahasiisen ka akka Pawloosi isho Parnapaasi qara pora daanama xa'o koden. Ka piitaaysho oppa alle ishootta sookshen.

Kodampaya 14:19

Yihutaata xoori Ansookkiya isho Iqqoniyooniiyyi eyyepa dete ka samayta nyarisse ka akka Pawloosi dakaan dakkane koote. Ikka a to'e ishootta pahanaade. Ikka alle titen ka katamaappa sookshen.

Kodampaya 14:4

Orra katama kara kalo xoori, lakki'i qite; paka takka ka Yihutaata quda kodde; paka takka ka erkamampaya quda kodde.

Kodampaya 14:5

Orra a Yihutaata in koddinin isho Yihutaata ka saarrasso ollinni, akka Pawloosi isho Parnapaasi rakkacciissan ka dakaan ishootta dakkeeta faden;

Kodampaya 17:13

Ma xoori Yihutaata a Teseloonqe kara kitto, akkima Pawloosi Peeriya kuli kara qaaleta Waaqa torre upnaatte ka eyyepa deete ka falqan tiyya xa'isse.

Kodampaya 17:5

Yihutaata xoori yootanne qapamte ka orra koda tiite ka paata reekinno porraappa ollopa oorisse ka tiyya xa'isse. Ka akka katamaappa horayta xa'o koote ka Pawloosi isho Sillaasi sookissa ka samayta turopa dehassa'e tika Iyyasooni kapa murte.

Kodampaya 18:12

Kaliyoosi ete piita Akayiya qara' ukkumampayta kodde ka shuumameeyye; Yihutaata takka'e oli qapte ka Pawloosi qara xaate ka firtishoonkota turopa isha qeette.

Teseloonqe a paayyota 2:14

Hellaanno a kiristaanatiiyyi! ishina tikkasene a kiristaana a Waaqa piita Yihuta karaayye Yesuusi Kiristoosin ca'e pahanaatten. Akkima Yihutaata ishootta qara' rakkoota qeette mina'ew, orra piitaayshina asseew ishin qara' rakkoota qeedeew.