Kodampaya 13:3 - Mataafa Qulqulloota

³ Ishootta ka ete damta musaden ka qinsaden ka a harkaasso ishootta qara' qapaden kammaayye ishootta xaashen.

Kodampaya 13:3 ပူးပေါင်းရင်းမြစ်များ

Mataafa Dikoota 27:23

Ka akka Yaahiwwe isha dehaame qara'e, harkaadi Iyyaasu qara qapade ka isha shuume.

Luqaasi 2:37

Se kammaayye, haka paraadi kunda setteti afur kayno kara'e, hiyyeteta koddite ka a tika qulqulloota kela aparipa kiini in kinnin maliiyyi, qinseeta ka damta musattaan halkeetta ka kuyyaata Waaqa kela koda kooni.

Kodampaya 1:24

Ka qinsaden ka kidene, “Poqallaay, ke a karitta nama piisa karan xata upo, sene lakki oppaayye, a' reexatte ino' akkishe.

Kodampaya 13:2

Ishootta a Poqalla waaqaysannaan ka damta musannaaneeyye, Hapura Qulqulloota ka kide, “Kodaan anti ishootta reexade'e, Parnapaasi isho Sawuli xawwa ana reexa.”

Kodampaya 13:4

Parnapaasi isho Sawuli ka Hapura Qulqullootatin erkamen ka Selewqiyapa aanen; ka eyye desa markapan Qobbiroosipa aanen.

Kodampaya 14:23

Ka tikka a kiristaana kara ishootta qimaya shuumen ka ete damta musaden ka ishootta Waaqa qinsaden kammaayye poqallasene a amaneneti ishootta atara' daashen.

Kodampaya 14:26

Ka sekkammaayye kodoose a kodene'e katamasene a Ansookkiya a oppaayye daassata Waaqati atara' daasamen, opa markapan aanen.

Kodampaya 15:40

Pawloosi xoori Sillaasi reexade ka ete hellaa a kiristaana Pawloosi daassata Poqallaati atara daashen kammaayye aane.

Kodampaya 6:6

Ikka erkamampaya tura ishootta qaatishen. Erkamampaya ka ishootta' qinsaden ka harkaasso ishootta qara' qapaden.

Kodampaya 9:17

Semmalla Hanaaniya ka eyyepa aane ka tikase a isha kara co kelopa kulle ka harkaadi isha qara qapade ka isha kide, “Innaanno sawuli, a arepa deenittooyye Poqalla Yesuusi a poroppa ke tura akkaade, akka lammatta paata akka ettanisso ka Hapura Qulqulloota immakaatto'e ke kapopa ana erke.”

Roomi 10:15

A kollissampaya in erkammin maliiyyi, atta qaalese kollissa ettanshan? Sede nefo akka taafamte ka kiinitto, “Deena a orrase otoota fayya' torrinooti, oo atta orra xasanni!” mina.

Timotoosi a paayyota 4:14

Awta xuuma qootaayti desa lelameeyye, qimaya tika kiristaana ka harkaaysho ke qara' qapadeneeyye, daassatase a Hapura ke' daasamte ke karaayye kitto in teyman.

Timotoosi a paayyota 5:22

Nama takka nefo qara harka qapatta ka shuuma'e in jarjaran; qulqullumaan isi tooyte diisheey, orra pila olli juppootoppa an parkuman.

Timotoosi a lammatta 1:6

Semmalla an harkaayyo ke qara' qapadeeyye, daassatase a Waaqa ke' daasamte, apitta pahato ka ke karaayye kitto, akka' qaptisso'en ke dehaammi.

Timotoosi a lammatta 2:2

Ka kollissase a maakkiyya lekaya tura ana qara kollatte, orra amaname ka orra pila' kollissa ettansho'e, atara' daashe.

Yohaannisi a sessatta 1:6

Ishootta nefo, qoota kodase a jaalala a ishootta' koote desa maapara amanteeta tura imaakkumen. Amma nefoow, oto pora' xaanaaneeyye, kadi saanta a Waaqa xasannitton ishootta qaarqaarittaayye, ipaxaari.

Yohaannisi a sessatta 1:8

Akkan a koda dukaata oppa qoottanna koddino'e, orra asse pappaho, qaarqaara ino faani.