Kodampaya 13:2 - Mataafa Qulqulloota

² Ishootta a Poqalla waaqaysannaan ka damta musannaaneeyye, Hapura Qulqulloota ka kide, “Kodaan anti ishootta reexade'e, Parnapaasi isho Sawuli xawwa ana reexa.”

Kodampaya 13:2 ပူးပေါင်းရင်းမြစ်များ

Mataafa Otoowwa a paayyota 16:4

Taawwiti ka akka taapota Waaqa turan desa koda kodane'e ka Waaqa Poqalla Isira'eeli saarshan ka kalataysadan ka ulfeessane'e, Lewaatoppa orra shuume.

Xuuma Taani'eeli 9:3

Anka oori ohaata dapteeta uwwisadi ka nyarrahata'e, taraappa' kuti'e ka damta kuli musattaane, Waaqa Poqalla qinsanni.

Maatiyoosi 17:21

Orrittose asse paho xoori, qinseeta isho damta musatta maliiyyi, pakkanna sookni in co.”

Maatiyoosi 6:16

Kamma desaaw Yesuusi ikide, “Oto damta musannittaneeyye, akka pahanassampaya orra mina pissaayishin in poornaannin. ishootta akka a damta musanna kodden akka orra ishootta upnaado'e fuulaaysho poornaanniiy; anti dukaatannen ishina kiini, ishootta xaayyaasso immakkoota teyyaden.

Maatiyoosi 9:38

semmalla aappa dula akka feroseneti orra erko'e isha kaassada.”

Luqaasi 10:1

Se kammaayye Poqalla, orra pila nama kunda tappa lakki reexadeew ka katamadda isho porra a oppopa isha anta dikade pisa opa akka isha turan desa aanane'e, nama lakki lakki ollin qape ka erke.

Luqaasi 2:37

Se kammaayye, haka paraadi kunda setteti afur kayno kara'e, hiyyeteta koddite ka a tika qulqulloota kela aparipa kiini in kinnin maliiyyi, qinseeta ka damta musattaan halkeetta ka kuyyaata Waaqa kela koda kooni.

Kodampaya 10:19

Peetiroosi ete wossin a kelashaatoppan akke oppa dikannooyye, Hapura Qulqulloota i'ishi kide, “Tina nama sessa ke faani.

Kodampaya 10:30

Qorneloosi ka kide, “Kuyyaata afuri turanne esse saateta sakal qaran tikiyyoppa Waaqa qinsanni, tin an isqara an upniniiyyi, nama takka mehadda pippildaawna kalsade ka ana tura qa'ade;

Kodampaya 13:3

Ishootta ka ete damta musaden ka qinsaden ka a harkaasso ishootta qara' qapaden kammaayye ishootta xaashen.

Kodampaya 13:4

Parnapaasi isho Sawuli ka Hapura Qulqullootatin erkamen ka Selewqiyapa aanen; ka eyye desa markapan Qobbiroosipa aanen.

Kodampaya 14:26

Ka sekkammaayye kodoose a kodene'e katamasene a Ansookkiya a oppaayye daassata Waaqati atara' daasamen, opa markapan aanen.

Kodampaya 20:28

Hapura Qulqulloota qaratooyampaya'e ishin kode ka ishin shuume; semmalla issi'i isho xellootoseti tooytaada ka tikase a kiristana a Waaqa diika innaaditin furade tooyta.

Kodampaya 22:21

Poqalla ka ana' kide, ‘Qootan orra a Yihutaata in koddinin a pora sekaayye co oppopa ke erkino malla xa'e ka aane!’”

Kodampaya 4:36

Lawitta takka Yoosefi kidammo, qobbiroosi delade ka ca. Erkamampaya ka isha haleeni ka kiini, “Parnapaasi” Se kideese nefo, “Inna a xasan oorsadene” Kideeta.

Kodampaya 6:4

Ka ino qinseeta isho qaaleta a Waaqa kollissaan japaannaay.”

Kodampaya 8:29

Sitiiyyi Hapura Qulqulloota ka Filippoosi kide, “Aane ka sarakellosen kapopa dehaado ka namoose oli akka.”

Kodampaya 9:15

Poqalla ka Hanaaniya kide, “Isha akka orra ana amani in kinnin ka nuqussaasso isho samayta Isira'eeli tura maxxiyyo upnaysho'e qoota meehiyyo a reexxame kodde malla isha kapopa aane.

Roomi 1:1

Erkana, ana Pawloosi, orxaytase a Yesuusi Kiristoosi, isase erkamampayta Yesuusi kodda' halaame ka otootase a fayya a Waaqa kollissa' reexame kapaayye erkame.

Roomi 10:15

A kollissampaya in erkammin maliiyyi, atta qaalese kollissa ettanshan? Sede nefo akka taafamte ka kiinitto, “Deena a orrase otoota fayya' torrinooti, oo atta orra xasanni!” mina.

Roomi 15:16

Wa malla daassase ana' daasamte nefo, otootase a fayya a Waaqa, orra Yihutaata in koddinini torraanne, akkan a qeesitta mina Yesuusi Kiristoosi kela koda kodo malla. Sede nefo orra a Yihutaata in koddinini akka a Hapura Qulqullootan qulqullaawo ka kalisoota a Waaqa xasannitto koddaan dehaado mallan.

Qorontoosi a paayyota 12:11

A koddito ma a sede piisa koono, Hapura Qulqulloota takkaytase'ew. Hapura Qulqulloota akka heennaadi' qara'e matta nama' mina'e' daassata a xawwi' kitto daanni.

Qorontoosi a paayyota 7:5

Qinseetan kokkonsatta'e oton ippiisanti olli' kalteneeyye eta' desa diisheey, olikapa ma'eetanne takka dakintaadi takka in dawrinin, sede minan akka isi tooytaatta ishinanne in kammin, seetana ka ishinan ekkaysannini'i, olkapaaw kinnaada ka dakintaayshin olli' daasha.

Qorontoosi a lammatta 11:27

A kuttati'in koda kode ka yaale ka a lekatin mukitta dape ka doxe ka deepoode ka a lekatin damta dape ka lulle aane ka damaysade.

Qorontoosi a lammatta 6:5

qidamittanne ka hidamaanne ka tiyya ka tapeetanne ka yaalanne ka mukitta dapnaanne ka doxanne

Kelaatiya 1:15

Ma xoori, an andalannin turanne Waaqa ana reexade ka daassataadin ana hale.

Efesooni 3:7

Akka hupna Waaqa koda koono qara'e anti ka daassatase a Waaqa ana' daashenne otootase a fayyaati orxayta kodde.

Mataafa oppa' Ooreta 10:8

Sitiiyyi Yaahiwwe ka akkima awwe koonaan mina'e, kafa Lewwi akka saatinetase a kodayteeta Yaahiwwe taapota kidammitto haado ka ishi koda koda'e ka fuulaadi tura qa'ado ka maxxaadin samayta sakane'e, xawwi reexe.

Qolaasiisi 4:17

Ka Arkipaasi' lela ka kida'e, “Koda a poqallaan teyyatte qanqannissa dikkishe.”

Timotoosi a paayyota 2:7

Anti nefo waan malla amanteeta isho dukaata torra'e, erkamampayta ka kolissampayta kodde ka orra Yihutaata in koddinin oppopa erkame se mallaaw; oton asse kiinooyye, dukaatan haasawanni diisheey, darta an kooni an co.

Timotoosi a lammatta 1:11

Anti ka, otootase a fayyaati'i, torrampayta ka erkamampayta isho kollissampayta kodde ka shuumame.

Timotoosi a lammatta 2:2

Ka kollissase a maakkiyya lekaya tura ana qara kollatte, orra amaname ka orra pila' kollissa ettansho'e, atara' daashe.

Timotoosi a lammatta 4:11

A ana kapa co Luqaasi patta. Mariqoosi, qoota koda ana qaarqaaro malla, fade ka ishin xooye.

Timotoosi a lammatta 4:5

Atti' xoori qinda pisan a isi tooytaanno kodde ka rakkoota teyyatta' japaado. Ka kodase a otoota fayya' torreeta' kode. Ka kodaayti piisa dikkishe.

ipro 5:4

Akka Arooni mina'e nama a Waaqa isha halaade maliiyyi, nama takka nefo issin ulfeenose akkanni in co.

Mataafa Saamu'eeli a paayyota 2:11

Sekkamma Hilqaana Raamaapa tikaadipa kale, innasene ka qeesittase Eeli kelaayye Waaqa koda kooni.