Kodampaya 13:1 - Mataafa Qulqulloota

¹ Tika kiristaana a Ansookkiya kara kitto karaayye xuumampaya ka orra a qaaleta Waaqa torrino isho a kollinno ca. Ishootta nefo Parnaapaasi ka Simoonise Ipoori kidammo. Ka Qereenittase Lukiyoosi ka Minahese, Herodiisise mankisteeta qudaayye paka afratta ukkummo olli qohame isho Sawuli.

Kodampaya 13:1 ပူးပေါင်းရင်းမြစ်များ

Maatiyoosi 27:32

Ka ete tikase kara sooknaaneeyye, Qereenitta takka Simooni kiinaan akken ka irreetan qara masqalase a Yesuusi xayshen.

Luqaasi 3:1

A nuqusase kutta a Roomi Tipariyoosi Qeesaari nuqusumeeyye, para kudanka kennattati, Pentenitase Pilaatoosi piita Yihuta'e mukinni, Herodiisi'iw piita Kelila'e mukinniiw; innaasso Filippoosi'iw piita Ituriyaasi ka piita Tirakontaasi'i mukinniiw; Lissaniyoosi'iw piita a Pileeni'i mukinniiw;

Kodampaya 11:30

Ka akka dikaden qara koden ka Parnapaasi isho Sawuli qudanne qimaya tika kiristaanati erken.

Kodampaya 12:25

Parnapaasi isho Sawuli ka kodaaysho dikkishen ka Yursaalamiiyyi dela Ansookkiyaapa tiitaawen ka Yohannisise Marqoosi kidammon isi quda qeeden ka ollin de'en.

Kodampaya 13:9

Saawlise Pawloosi kidammo xoori, Hapura Qulqullootatin immakaade ka namase quda ilda kode ka isha kide,

Kodampaya 15:32

Yihuta isho Sillaasi, qoota xuumampaya kodden malla, hellaasene a kiristaanati a kuttati xasa oorshen ka ishootta kokkonnayshen.

Kodampaya 15:35

Pawloosi isho Parnapaasi xoori orra amanno a pila lekayta ollini qaalese a Poqalla kollissa ka torreetanne Ansookkiya kara jaren.

Kodampaya 19:6

Ete Pawloosi harkaadi ishootta qara qapadeeyye, Hapura Qulqulloota ka ishootta qara lekkade. Ikka afa pilaatin haasawaden ka xuuma haasawatta kuli paayyen.

Kodampaya 21:9

Isha tuparra a in hemammini afuri a daasata a xuuma haasawatta qapa'e qapa.

Kodampaya 4:36

Lawitta takka Yoosefi kidammo, qobbiroosi delade ka ca. Erkamampaya ka isha haleeni ka kiini, “Parnapaasi” Se kideese nefo, “Inna a xasan oorsadene” Kideeta.

Kodampaya 9:1

Sitiiyyi Sawuli orra Poqalla amanno lessaata'e ikki nyarri ka qeesittase kutta kapopa aane

Roomi 16:21

Timotoosise an ollin koda koono nakayta ishina' kiini. Yihutaatase, daltayaayyo koddite Luqiiyoosi ka Iyyaasooni isho Soosibaatiroosi kuli nakayta ishina kiini.

Qorontoosi a paayyota 11:4

Diirta a matta qara dekanno ka Waaqa qinsanno taaki qaaleta xuuma' haasawanno, isi jeerinni.

Qorontoosi a paayyota 13:2

Kadin daassata xuuma haasawatta' qapaayye ka juutota piisa upnaanna ka upna piisa qapaayye ka amanteeta a irroota pora takka desa pora pila opa aaninnitto kuli qapaayye ka jaalala an qapniniiyyi, an paata patta.

Qorontoosi a paayyota 13:8

Nama jaalala qapo pakkanna' pi'ini in co. Daassata xuuma haasawatta ihasta; afaa ika lekaya haasawatta ihasan. Upna nefo ihasan.

Qorontoosi a paayyota 14:29

A xuuma haasawanna a lakki taaki sessaaw kayen ka haasawaden. Orra ata hase ka wa lelame dakkaysado ka qanqannissa kara Qoro.

Qorontoosi a paayyota 14:32

Hapura, a xuumampaya xuumampaya'e ajajammi.

Qorontoosi a paayyota 9:6

Moon ana isho Parnapaasi patta yaalan kallaada?

Kelaatiya 2:13

Yihutaata a kiristaana koddite demo ka pappahanassa a Peetiroosi quda' oorte, Parnapaasi kuli ka pappahanassaaysho quda' oore.

Kelaatiya 2:9

Saarrasene tuudda pappaha ka akkaanna, Yayqoopi ka Peetiroosi isho Yohaannisi, akka Waaqa daassataadin a koda a xawwi' desa ana' daashe ete upnaadeneeyye, akka ana isho Parnaapaasi olli takkumta qapan akkissa'e, harka inooyye qeeden ka akkan ino orra a Yihutaata in koddinin oppopa anno, ishootta ka Yihutaatoppopa aanane'e, owsaden.

Efesooni 4:11

Isha akka a demo erkamampaya koddan, a demo ka xuumampaya koddan, a demo ka a otootase a fayya' torrina koddan, a demo ka a orra amanno siknna koddan, a demo ka kollissampaya koddane'e daassawwa daashe.

Filippisiyuusi 4:22

Orra amanno piisa ka xawwi' desa, a toola nuqusase kutta a Roomi kodde, nakayta ishina' kiini.

Teseloonqe a paayyota 5:20

Ka daassata xuuma an puyadan.